Drejtori i përgjithshëm i spitalit të Prizrenit, Afrim Avdaj, të martën, ka pritur në takim ambasadorin e Çekisë në Kosvë, Ivo Silhavy, dhe zëvendësambasadorin, Dusan Silman, me rastin e dorëzimit të një donacioni – një aparat të oftalmologjisë ”Tonometër Aero”, i cili do të vihet menjëherë në ofrimin e shërbimeve për pacientë.

Avdaj ka falënderuar për donacionin e ofruar.

“Ne falënderojmë shtetin e Çekisë dhe popullin çek për përkrahjen dhe ndihmat që kanë ofruar për Kosovën dhe popullin e saj”, tha Avdaj.

“ Sot, në veçanti në emër të spitalit të Prizrenit falënderojmë për këtë donacion, i cili menjëherë do të vihet në shërbim të ofrimit të shërbimeve për gjithë pacientët”, -theksoi drejtori Avdaj, i cili në pika të shkurtra ka njoftuar edhe për punën, të arriturat dhe planifikimet që kanë të bëjnë me ngritjen e cilësisë së shërbimeve shëndetësore për pacientë”.

Ndërsa ambasadori i Çekisë në Kosovë, Ivo Silhavy, ka përgëzuar menaxhmentin e spitalit dhe gjithë punonjësit e spitalit për rregullin, organizimin dhe ambientet e spitalit.

“Unë kam vizituar shumë spitale dhe si duket kam një ndjenjë paksa të “tensionuar” kur bëjë këto vizita. Por, sot me atë që pashë në spitalin e Prizrenit, më besoni se mbeta i befasuar dhe i impresionuar me kualitetin, dukjen dhe rregullimin e jashtëm dhe të brendshëm të spitalit. Ju uroj për këtë rregullim, mirëorganizim dhe mirëmbajtje të spitalit, me bindjen se edhe të kualitetit të shërbimeve për pacientë”,-theksoi ambasadori çek, Ivo Silhavy.

Ai drejtorit të spitalit i ka dorëzuar donacionin e aparatit të oftalmologjisë “Tonometër Aero”, i cili do të vihet mënjëherë në ofrimin e shërbimeve për pacientë.

Donacioni është siguruar nga Agjencioni Çek për Zhvillim, përmes organizatës” People Need”./PrizrenPress.com/

Edhe pse në koalicion parazgjedhor me dy parti të tjera, PDK-në dhe AAK-në, Nisma për Kosovën ka vendosur që në legjislaturën e ardhshme të veprojë si grup parlamentar i vetëm.

Këtë e ka bërë të ditur anëtari i Kryesisë së “Nisma për Kosovën”, Bilall Sherifi.

Ai në emisionin Info – Box të “RTV Dukagjini”, përcjell Telegrafi, ka thënë se NISMA do të përformojnë si grup parlamentar i vetëm, duke vazhduar sipas tij, aty ku e kanë lënë – nga gjashtë mandate në tetë.

“Ka një pajtueshmëri, ku Limaj ka biseduar me kolegët e kryesisë, unë do të respektoj vendimin e kryesisë së partisë, ndonëse nuk është vendim i fundit, që unë të udhëheq grupin parlamentar”, ka shtuar Sherifi.

Ndryshe koalicioni i tri partive politike, PDK-AAK-NISMA (PAN), sipas rezultateve preliminare nga zgjedhjet e parakohshme të 11 qershorit, ka dalë i pari me mbi 33 për qind të votave. /Telegrafi/

Policia e Kosovës ka bërë të ditur se një garazh në rrugën “Enkelejd” në Prizren është përfshirë nga zjarri.

“Viktima mashkull K-Shqiptar raporton se për shkaqe të panjohura garazhi i tij është përfshirë nga zjarri. Në vendngjarje kanë dalë të gjitha njësitë përkatëse. Njësitë e zjarrfikësve kanë lokalizuar zjarrin. Nuk raportohet për të lënduar”, thuhet në raport të policisë. /PrizrenPress.com/

Një person përderisa ishte duke lëvizur me veturën e tij me targa lokale në fshatin Banjë të Malishevës, ka goditur një këmbësor.

“Viktima ka pësuar lëndime trupore dhe i njëjti është dërguar për tretman mjekësor në Qendrën Klinike Universitare të Kosovës në Prishtinë”, njofton policia, përcjellë PrizrenPress.

Nuk raportohet për të arrestuar, ndërsa policia po merret me hetimin e këtij rasti. /PrizrenPress.com/