Me surle e tupana e kanë mirëpritur sot kryetarin Lutfi Haziri dhe kandidatët për deputet të LDK-së, Malisheva e Epërme, Malisheva e Poshtme dhe Capari, në një tubim madhështor, ku salla e shkollës ishte e vogël për t’i zënë të gjithë simpatizantët e partisë së Ibrahim Rugovës.

Kryetari Lutfi Haziri, është emocionuar tejmase me këtë masovitet dhe këtë pritje të jashtëzakonshme të malishevasve.

“Malisheva vec po bëhet më madhështore dhe më solidare. Para juve po ju them se është sevap me i denu ata që i bënë keq Kosovës sepse Kosova nuk është plaçkë e askujt, por është e qytetarëve, baballarëve, mësuesve e mjekëve. Ne duhet t’i kthehemi punës e jetës dhe të mos merremi me mburoja politike e memoriale. Gjilani e Kosova nuk i duron ‘Ali Babat’ me 40…”, tha Haziri.

Kandidatja Lirije Kajtazi, e cila është lindur në Malishevë, i falënderoi ata për këtë mikpritje, duke thënë se “ne jemi të fortë me njerëz si ju dhe bashkë me kolegët e mi do ta marrim rrugën e Kuvendit. Shkronjat e arta të LDK’së duhet ta udhëheqin shtetin”.

“Ata që e ndërprenë këtë punë të mirë tonën, besoj fuqishëm se do ta marrin denimin e merituar të dielën, në ora 19:00. Ju falënderoj shumë për mbështetjen”, ka thënë nga ana e tij, kandidati i LDK-së, Dr.Imet Rrahmani.

Ndërsa, kandidatja Valentina Bunjaku Rexhepi, u shpreh të jetë shumë krenare që është në mesin e malishevasve, duke i falënderuar për këtë përkrahje kaq të madhe. “Lista e LDK nuk ka njerëz që kanë dosje, sikur të tjerët”, tha ajo.

Kandidati tjetër nga radhët e LDK’së në Gjilan, Isa Agushi, theksoi se “ne jemi ushtria Ibrahim Rugovës, e cila u çu në këmbë për ta fituar Kosovën”.

Malishevasve i është drejtuar në fund edhe kandidati i LDK-së nga Novobërda, Bajrush Ymeri dhe ai i koalicionit, Avdil Halimi, të cilët i bënë thirrje të gjithëve që të votojnë kandidatët e Anamoravës.

Hasi i ka dhënë një mbështetje të fuqishme Fillimit të Ri.

Kandidati për deputet nga Hasi, Nezir Çoçaj, ndërkaq, ka shpalosur programin e Fillimit të Ri.

Ai, ka premtuar se do të vazhdojë të mbetët zëri i Hasit dhe gjithë qytetarëve të Kosovës, në Kuvendin e Kosovës.

“Nxitja e zhvillimit ekonomik të qëndrueshëm do të jetë bosht i zhvillimit ekonomik për stimulimin dhe dinamizimin e ndërmarrjeve të vogla dhe të mesme në Republikën e Kosovës, e me theks të vaçant ato në rajonin e Hasit e të Prizrenit, krijimi dhe dinamizimi i ndërmarrjeve të vogla dhe të mesme, do të përkrahet në dy aspekte: në krijimin e aftësive ndërmarrëse, si dhe përkrahjen për të mundësuar çasje në kapital”, ka theksuar kandidati për deputet i kësaj ane Çoçaj.

“Programi Fillimi i Ri synon që të hartoj dhe të zbatoj një listë dhe një plan për nxitjen dhe zbatimin e qindra projekteve investive në mbarë Republikën e vendit tonë, duke i mundësuar invesitorëve të huaj me anë të partneritetit publiko-privat”.

“Rajoni i Hasit ka ndryshuar me ardhjen në pushtet të PDK-së, është përmirësuar dukshëm infrastruktura rrugore, duke instaluar rrjetin e kanalizimit si dhe të ujësjellësit, janë ndërtuar shkolla, ambulanca e shumë projekte tjera, të cilat e kanë përmirësuar dukshëm cilësinë e jetës për banorët e mbarë rajonit të Prizrenit e me theks të vaçant atij të Hasit”.

“Hasi ka qenë për dekada porta e lirisë dhe e mbështetjes së luftës për çlirimin e vendit, andaj vota për Partinë Demokratike të Kosovës do jetë votë për të zhvilluar edhe më tej shtetin e Republikës së Kosovës”.

Para qindra qytetarëve hasjan të mbledhur në Shtëpinë e Kulturës në fshatin Gjonaj, kandidatët për deputetë nga radhët e PDK-së, nga komuna e Prizrenit të prirë nga Nezir Çoçaj, Nait Hasani, Nijazi Kryeziu, Luljeta Veselej-Gutaj, të cilët u shoqëruan edhe nga zv.kyetari i PDK-së, njhëherit Ministër në detyrë i Punëve të Jashtme, Enver Hoxhaj dhe Minitrja Edita Tahiri, si dhe kryetari i Komunës së Prizrenit, prof.dr.Ramadan Muja, shpalosën pjesë programore të Fillimit të Ri para qytetarëve të kësaj ane.

“Fitoret e Partisë Demokratike të Kosovës çdo herë kanë nisur në Has. Me mbështetjen që morëm sot në vendlindjen e Nezir Çoçajt, në Gjonaj, padyshim që fitorja e madhe do të ndodhë sërish me 11 qershor. Hasi me vite ka qenë prijës dhe përcaktues i shumë zhvillimeve historike për Kosovën. Hasi është PDK. Është vetë Fillimi i Ri”, ka shkruar Enver Hoxhaj në Facebook/PrizrenPress.com/