Kryetari i Partisë Demokratike të Kosovës, Kadri Veseli, i shoqëruar nga zëvendëskryetari Enver Hoxhaj, kanë shpalosur në Therandë platformën qeverisëse “Fillimi i Ri”.

Kryetari i PDK-së, Kadri Veseli ka ftuar qytetarët e Therandës që në ditën e votimit, më 11 qershor ta mendojnë të ardhmen e tyre, të fëmijëve të tyre të Kosovës, dhe ta votojnë Partinë Demokratike të Kosovës.

Veseli ka vlerësuar lartë kandidatët e PDK-së nga Theranda, zëvendëskryetarin Enver Hoxhaj, si dhe Luljeta Veselajn.

“Ju ftoj që më 11 qershor të mendoni për fëmijët tuaj, Kosovën, të ardhmen, partneritetin tonë me SHBA-në, t’i votoni ata që ndërtojnë jo ata që djegin, ata që bëjnë punë të mirë, përkraheni të gjithë bashkërisht PDK-në, përkraheni Fillimin e Ri. Votoni kandidatët e PDK-së, Luljeta Veselaj së është bija juaj, votojeni intelektualin diplomatin tuaj Enver Hoxhaj, votone veten e juaj Partinë Demokratike të Kosovës dhe Fillimin e Ri”, ka thënë Veseli.

Veseli ka prezantuar programin për Fillimin e Ri, ku ka garantuar therandasit për rritje pagash, zhvillim ekonomik, integrim të fuqishëm të vendit në arenën ndërkombëtare.

“Një Fillim i Ri që e fuqizon sakrificën tonë shekullore dhe e lartëson flamurin shtetëror, të cilin e lartësoi edhe fituesja e medales së artë olimpike, Majlinda Kelmendi”.

Zëvendëskryetari Hoxhaj ka thënë se takimi i sotëm flet që PDK-ja në Therandë është forca më e madhe politike, dhe forca e vetme e ndryshimit që ka Kosova. Ai ka vlerësuar lartë Kadri Veselin, i cili, tha se është lider i vendimeve të mëdha.

“PDK është parti e besimit. Tash ne jemi në një Fillim të Ri, por fillimi i ri nuk mund të nisë me liderë që nuk kanë bateri të forta, që nuk kanë guxim të marrin vendime të mëdha

Me Kadri Veselin, fuqizohet qytetari, pensionisti, rinia, gratë dhe vetë shteti. Kosova do të duket ndryshe pas 4 vitesh falë një shprese, një optimizmi, një besimi, që kemi në Therandë, në Kosovë, dhe kjo forcë e ka vetëm një emër dhe mbiemër, e ai është Kadri Veseli”, ka deklaruar Hoxhaj.

Kryetari i NISMA për Kosoven, dega në Prizren, Zafir Berisha së bashku me kandidatet për deputet Albulena Balaj-Halimaj dhe Manuela Koni, mbrëmë ishin në lagjen “Kurilla”, ku u mbështet fuqishëm kandidatura e tyre për deputet në parlamentin e ardhshëm të Kosoves.

Kryetari i deges së NISMA-s në Prizren, njëherit edhe deputeti i ardhshëm në kuvendin e Kosoves, Zafir Berisha, para të pranishmëve tha se kjo lagje përherë ka ditur të rreshtohet rreth atyre njerëzve të fjales, prandaj nuk është i rastësishëm edhe sllogani i NISMA-s, “Ne mbajmë fjalën”.

Projekti i NISMA për Kosoven në krye me Fatmir Limajn, është projekt që në këto zgjedhje futet me tri premtime bazë, premtime këto që nuk do të mbeten vetëm premtime boshe siç ka treguar deri më tani praktika e qeverive të kaluara, por këto do jenë premtime të realizuara, për faktin se janë përveç të domosdoshme për qytetarin, kto janë projekte që i përkasin subjektivitetit tonë si parti, e që është orientim socialdemokrat i vlerave europiane.

Në fund, duke kërkuar nga qytetarët e kësaj lagje që me 11. Qershor të japin verdiktin e tyre për kandidatet e NISMA-s, Berisha theksoi se zëri dhe fuqia e NISMA-s, do të përfaqëson qytetarin e Kosoves dhe Prizrenit, sipas asaj maksime, “që interesi i përgjithshëm do të jetë gjithmon mbi interesin individual”.

Të pranishmit e përshëndeti edhe kandidatja për deputete, znj. Albulena Balaj-Halimaj, duke kërkuar voten e tyre.

Kandidatët për deputet të Degës së LDK-së: Haxhi Avdyli, Anton Quni, Sadije Osaj Jakupi, Afërdita Morina Bifar dhe Driton Selmanaj, kanë takuar anëtarët dhe simpatizantët e Korishës dhe fshatrave përreth.

Kryetari i Degës Haxhi Avdyli kandidat për deputet tha në këtë tubim elektoral se rikthimi në Korishë dhe në Kabash për të është rikthim në kohë.

“Në formësimin tim kam një pjesë të Korishës kam një pjesë të Kabashit. Edhe si fëmijë jam rrit në odat e Kabashit, dhe kam taku shuma burra të urtë dhe kam mësu këtu burrninë, besën qësndresuhmërinë dhe trimërinë. Edhe ne fazët e mëvonshme, si doktor i ri të jem rikthyer në bjëshkët e Suharekës dhe kamë qenë në tragjëdinë e Korishës për të iu dhënë ndihmë mbi 100 të plagosurve” tha Avdyli.

Ai më tej në fjalën e tij tha se është këtu për ta kërkuar votën sepse tha ai ” mendojmë se mësimet që i kemi mësu si fëmijë e si të ri duhet me i vazhdu më tutje dhe me i perzentu si është më mirë në Parlamnentin e Kosovës.

“Sot është një moment tjetër kur kërkohet dituri e mencuri. Lista e LDK-së i ka njërëzit më të mirë.Duhet ta pastrojmë Kosovën nga ata që e vjedhin prandaj ju duhet t’i dënoni me votë”.

Sadije Osaj Jakupi edhe në këtë takim tha se është fëmijë e një familjeje punëtore rugoviane e cila e edukoi ta dojë LDK-në.

“Me kandididimin tim do të munodhem ta jetësoj programin e LDK-së duke e pasur në fokus të aktivitetit tim rininë dhe gruan. Duke e votuar LDK-në ne e votoijmë çkapjen e shtëtit të Kosovës”, tha ajo.

Kandidati për deputet Driton Selmanaj tha se është e pamundur të mos e pëmrdnim të kaluarën sepse pothuajse të njëjtën akterë që e shkatërruan Kosovën për 17 vjet me radhë janë në skenën politike dhe ata i kemi përballë në një bllok që nuk kanë as ofertë politike as program të çartë.

“Ata janë në siklet të madh nga mobilizimi i elektoratit të LDK-së. Ka një elektrizim të masës që duan ti thonë atyere se nuk kanë lidhje me politikën, me iu thënë mos u merrni me këtë zanat se nuk është për ju sepse ata e shfrytëzojnë politikën për ta vjedh këtë vend”, tha Selmanaj.

Selmanaj tha më tej se programi i LDK-së është i matshëm i ka njerëzit më të mirë që i ka kjo shoqëri.

“Jemi ofertë pa alternativë. Heronjtë e kohës moderne janë ata që dalin ta mbrojnë atdheun nga ata që duan ta hanë”, u shpreh Selmanaj.

Afërdita Morina Bifar u tha anëtarëve dhe simpatizantëve në Korishë se LDK është parrti shtetformuese.

Duke folur për oponentët politikë ajo tha se “ata janë bërë bashkë në momnetin kur LDK filloi me ua shkëput hallkat e hajnisë milionëreve që nisën të vënë shtetin në pikëpyetje. Se çka janë në gjendje me i ba Kosovës më së miri jemi dëshmitar në në Prizren sepse po e shohim cka po i bëjnë Prizrenit” tha ajo.

Anton Quni duke ju drejtuar të pranishmëve tha se e kanë të vështirë ti takojnë njerrëzit dhe shtoi se se gjatë ditës kishte biseduar me djemt e Velezhës. I pyeta tha ai a mund ta caktojmë një takim në orën 8. Antoni e shokët e tij më thanë jo se kemi iftar, thanë iftarin do ta bëjmë bashkë tubimin do ta bëjmë bashkë dhe fitoren do ta ta kemi bashkë.

“Kjo më bëri të ndihem mrië sepse kështu jemi në shqiptarët, kështu jemi ne ushtarët e Ibrahim Rugovës kështu jemi ne dardanët”, tha Quni.

Kandidatët për deputet të Degës së LDK-së të hënën në mbrëmje gjithashtu kanë takuar edhe anëtarët dhe simpatizantët e LDK-së në Vlashnje.