Skender Berisha
Dritëroi po më flet
Cigaren ndezur
Gotën plotë
E trazuar kjo botë
E di se shpirti flet
Ai këtu është
Ja dorën po ia çik
Me dashje
Jo per flirt
Do të desha të pinim tok
Unë e ai no trok
Se brengoseshim fort
Padrejt u mbush kjo botë
Tash më la të bredh
Të bredh edhe më
Kjo botë kërkim i pafund
Unë ta fal edhe këtë mund
4 prill 2017
Bayern Munich po përballet me lëndime të futbollistëve kryesorë.
Pas Manuel Neuer dhe Douglas Costa, gjiganti bavarez është tronditur nga lëndimi i Thomas Muller i cili në ndeshjen ndaj Augsburgut është larguar me dhimbje nga fusha e lojës.
Muller do të humbasë dy sfidat e ardhshme të Bundesligës, duelin e mesjavës ndaj Hoffenheimit dhe derbin ndaj Borussia Dortmundit që do të zhvillohet në fundjavë.
Në pikëpyetje të madhe është edhe ndeshja ndaj Real Madridit, por për këtë ai do të ketë pushim një javë që të mund të rikuperohet plotësisht para se të vendoset nëse do të luajë apo jo.
Plaka Hava Berisha tregon për një rast në një dasmë, derisa një nuse e bukur ishte duke shërbyer.“Për befasinë e të gjithëve, gotat që shërbente u ndanë përgjysmë, si të ishin prerë me ndonjë sharrë diamanti. Të gjithë mbetëm të shtangur. Pastaj aty mësuam se ishte një grua e një fshati nga Përdrinia, e cila i kishte sytë e këqij”, tregon ajo,transmeton gazeta Kosova Sot.
“Sytë e këqij”, të njohur qëmoti nëpër Prizren e rrethinë se në Përdrini, Has dhe Vërri. Plaka Hava Berisha, 85- vjeçare, pohon se me sytë e saj kishte parë disa raste të syrit të keq.“Njerëz të caktuar, me të shikuar në kafshë, kanë aftësi që me shikim, vështrim apo me vetë prezencën e tyre t’u përcjellin të keqën te bagëtia, por nuk kanë shpëtuar as nuset e reja apo edhe fëmijë të rinj”. Që t’i bëjë keq ndonjë personi apo kafshë mund t’i dërgohet shikim i habisë, çudisë apo befasisë. Mustafa Thaçi nga Landovica tregon për plakun e fshatit, Lazë Krasniqi, tashmë i ndjerë, kur shihte një lopë, kali apo ndonjë kafshë tjetër në pranverën e hershme brenda gjysmë orë ajo kafshë ngordhte.“Ai vetë nuk ka pasur dëshirë të ndodhë kjo, por i ka pasur sytë e këtillë. Bile shpesh ka ndodhur të ketë thirrur njerëzit të mos silleshin rreth rrugës së tij, sepse e ka syrin e keq që sjell fatkeqësi”, tregon Mustafa.
Hava Berisha: Syri i keq theu gotat e ujit përgjysmë
Prof dr. Nexhat Çoçaj tregon se sytë e këqij i kanë pasur kryesisht ata fëmijë që kur ishin të vegjël i ndanin nga gjiri dhe kur kanë qarë i kanë kthyer përsëri në gji. “Ndodhin edhe në rastet kur fëmija ka një sy me ngjyrë ndryshe e tjetri ndryshe. Ose kur njërin sy e ka më të madh e njërin më të vogël. Këta persona kanë qenë të predisponuar që të kenë sytë e këqij”, tregon ai.
Shton se populli është munduar që këta sy të këqij t’i luftojë duke bërë vetë hajmali për të shpëtuar nga këta. “Kështu fëmijëve shpesh në djep u vendosnin rruaza të kaltra, pastaj hudhra, këmbë të urithit, ose shtëpi breshkë të vogël, të tharë. Bagëtive sa ishin të vogla, për të mos i rënë mësysh, i vendosnin tek bishti një penj të kuq. Kurse kur bagëtia rritej që të ikë nga syri i keq i vendosnin në ballë rruaza të kaltra e shpesh edhe dhëmbë ujku”, tregon ai. Çoçaj tregon se tek nuset, pos rruazave të kaltra i vendosin edhe një gur të kaltër në formë syri që të mos i bien mësysh. Shton se kishte raste që në ballë u vendosnin një kokërr kripë, bashkë me ndonjë dhëmbë ujku.“Sytë e këqij” janë ngushtë të lidhur jo vetëm me përdorimin, por edhe me vetë lindjen e magjisë. Nënëlokja Hava Berisha tregon për një rast në një dasmë, derisa një nuse e bukur ishte duke shërbyer.“Për befasinë e të gjithëve, gotat që shërbente u ndanë përgjysmë, si të ishin prerë me ndonjë sharrë diamanti. Të gjithë mbetëm të shtangur. Pastaj aty mësuam se ishte një grua e një fshati nga Përdrinia, e cila kishte sytë e këqij”. Për befasi e pamë se kishte një sy të kaltër dhe një tjetër ngjyrë kafe”, tregon ajo. Edhe vetë nuk e kishte të qartë se si ata sy të saj janë aq shkatërrimtarë. Ajo tregoi se të gjithë u gëzuan që u dëmtuan gotat e jo nusja.
Shpirtrat e këqij dhe sytë e këqij prej fillimit të njerëzimit konsideroheshin si një
Hajriz Fejza tregon se kur njeriu e ndjen këtë shikim menjëherë hutohet dhe e ndjen veten të dobët, sikur të jetë një pengesë në komunikim me personin që e ka këtë shikim.“Jemi dëshmitarë të asaj se sot edhe shkenca pranon disa veti të caktuara telepatike, ku disa njerëz posedojnë aftësi të tilla (fuqi parashikuese, intuitë jashtëzakonisht të zhvilluar, etj. Mund të themi se në këto aftësi mediative gjithsesi hyjnë sytë që marrin mësysh”, tregon Fejza, ish-mësues. Ai shton se reagimi më i shpeshtë i njeriut kur konfrontohet me faktin që nuk mund ta shpjegojë është shmangia totale e tij.
“Ky lloj i injorimit nuk zgjidh asgjë, sepse ekzistojnë shumë të panjohura, të cilat njerëzimi do të duhej të tentojë t’i zbërthejë. Një prej dukurive të tilla, për të cilën është shkruar dhe folur gjithmonë, janë edhe sytë që të bëjnë shpeshherë keq. Të gjithë, duke marrë parasysh edhe historianët, linguistët e arkeologët, dinë se gjithnjë është besuar se dikush prej nesh ka “sy të këqij”, tregon ai.
Kurse arkeologu Nexhat Çoçaj tregon se lakmia, xhelozia dhe sytë e këqij në mënyrë të pandashme janë të lidhur dhe kur bashkohen paraqiten “shpirtrat e këqij”, të cilët botës i sjellin sëmundjen, paaftësinë, tronditjen dhe vdekjen. “Shpirtrat e këqij dhe sytë e këqij prej fillimit të njerëzimit konsideroheshin si një. Edhe popujt më të vjetër në tekstet e tyre i përmendin sytë e këqij. Ka dy lloje të syve të këqij: ata të cilët mallkojnë me vetëdije dhe ata që mallkojnë pavetëdije”, shpjegon ai. Qamil Bejtullahu tregon se dikur më herët shumë familje ruheshin që mos t’u shkojë në konak ndonjë sy i keq. Ai thotë se ka pasur shumë familje që kanë pësuar nga syri i keq.
“Tashmë është vërtetuar se shumica e atyre që i kanë sytë e këqij as që duan t’i kenë të tillë. Por, ata i kanë nga lindja ose nga fakti se si fëmijë kanë pasur raste të ndryshme, që janë reflektuar në ndërdijen e tyre duke u rritur”, tregon për “Kosova Sot” Nexhat Çoçaj.
(Kosova Sot)
Një grup prindërish në qytetin e Tijuanas në Meksikë u zemëruan dhe u acaruan me një profesor në gjimnaz, pasi zbuluan bisedat që ai bënte me nxënësit.
Sipas informacioneve dhe provave të paraqitura nga i ati i një vajze tek autoritetet, për disa ditë mësuesi i ka kërkuar foto lakuriq një 16 – vjeçareje me qëllim që t’i linte nxënësit pa detyra gjatë festave të Pashkëve.
Pasi lajmi u bë publik, nxënësit kanë pohuar se u vinin vazhdimisht kërkesa të tilla nga mësuesi.
Në rrjetet social kanë vërshuar komente negative ndaj profesorit, ndërsa të gjithë kanë kërkuar shkarkimin e tij menjëherë nga detyra dhe të përballet me ligjin.
Presidenti i Turqisë, Recep Tayyip Erdogan dhe homologu i tij rus Vladimir Putin kanë diskutuar të martën për sulmin me armë kimike në Idlib, provincën që kontrollohet nga kryengritësit sirianë, njoftuan të martën burime të afërta me presidentin turk.
Biseda urgjente mes dy liderë, vendet e të cilëve mbështesin palë të ndryshme në konfliktin gjashtë vjecar sirian, erdhi pas raporteve të përsëritura se avionët rusë mund të kishin sulmuar civilët me armë kimike, shkruan “Reuters”.
Të paktën 58 persona janë vrarë dhe dhjetëra të plagosur në këtë sulm të dyshuar kimik. Observatori sirian për të Drejtat e Njeriut raportoi se sulmet mbi Khan Sheikhoun me shumë mundësi u kryen nga avionët rusë.
Më vonë, një tjetër avion sulmoi me raketa klinikat lokale që po trajtonin disa prej të mbijetuarve, thanë mjekët dhe aktivistët e opozitës.
Një video shkuese nga vendi i ngjarjes tregon trupat e nëntë fëmijëve të vegjël të vënë në rresht, të mbuluar me batanije.
Pamje të tjera tregojnë dhjetëra viktima me shkumë të bardhë rreth buzëve, një tjetër shenjë e ekspozimit ndaj armëve kimike
Një tjetër sasi e madhe kanabisi është kapur në Karaburun të Vlorës. Bëhet fjalë për rreth 1.5 ton kanabis sativa, e sekuestruar nga një operacion i përbashkët i policisë shqiptare dhe asaj italiane të Guarda Di Finanza.
Lënda narkotike është sekuestruar ditën e djeshme, ndërkohë që njoftimi zyrtar u dha sot nga Policia e Shtetit.
Si rezultat i kërkimeve në det, në gjirin e Bristanit (Karaburun) rreth 100 metra nga bregu i detit, në shkurre u zbuluan dhe sekuestruan mbi 1 ton kanabis.
Lënda narkotike ishte e paketuar në 96 pako të madhësive të ndryshme e destinuar për t’u trafikuar.
Operacioni është ende në vijim për kapjen e autorëve të mundshëm dhe të mjeteve të transportit.
Mes lotëve e dhimbjes, familjarë, të afërm dhe miq të shumtë, i dhanë sot lamtumirën e fundit kantautorit Françesk Radi.
Homazhet për këngëtarin e njohur, u zhvilluan në hollin e Radio Televizionit Shqiptar, në ambientet e të cilit, Françesk Radi punoi për disa vite me radhë.
Të shumta kanë qënë mesazhet e ngushëllimit për familjen Radi dhe bashkëshorten e tij, gazetaren e njohur Tefta Radi.
Françesk Radi u nda nga jeta në moshën 68-vjeçare në Qendrën Spitalore “Nënë Tereza”, pasi qëndroi në gjendje kome prej një jave pasi pësoi hemorragji cerebrale.
Artistë të shumtë kanë shprehur mesazhe ngushëllimi dhe dhimbje edhe në rrjetet sociale për humbjen e parakohshme të kantautorit Françesk Radi.
Ai ka kryer Liceun Artistik dhe më pas Akademinë e Arteve Tiranë.
Për një periudhë të gjatë kohe ka punuar në Estradën e Shtetit me instrumentin e kitarës, por njëkohësisht dhe si kantautor.
Në vitin 1992 ai ka filluar punë në Radio Tirana si solist, instrumentist, gjatë kësaj kohe ka kompozuar dhe kënduar shumë këngë në festivalet e ndryshme .
Në fillimet e tij me krijimtarinë muzikore solli për publikun këngët “Adresa” dhe “Biçikleta”, dhe që nga ai moment Françesk Radi u bë një emër i vlerësuar.
Ishin pikërisht këto dy këngët e tij të para të realizuara në vitet ’70, që bënë që krijimtaria e tij artistike të niste rrugëtimin drejt suksesit muzikor.
Kënga “Adresa” dhe “Biçikleta” kanë qenë dhe videoklipet e para shqiptare në këngë të xhiruar në vitin 1972.
Më pas krijimtaria e tij muzikore do të shënonte sërish një tjetër kulm pas viteve ’90, duke sjellë disa krijime për publikun.
Përmendim këtu këngët “Rroku i burgut”, “Humba pranverën”, “Telefonatë zemrash”, “Zemër e lodhur”, “Ky fat na ra”, “Kemi dasëm ‘o” etj, të cilat kanë mbetur në kujtesën e publikut.
Një persona është therë me thikë në rrugën “Ali Hadri” në Prizren.
Viktima është dërguar për trajtim në Spitalin e Prizrenit.
Policia,ndërkaq ka arrestuar personin e dyshuar.
“Me vendim të prokurorit, i dyshuari pas intervistimit është dërguar në mbajtje”, njofton Policia e Kosovës./PrizrenPress.com/
Në gjykimin ku Shyhrete Berisha kërkon shtëpinë ku jetoi bashkë me burrin e fëmijët, i padituri Xhelal Berisha dhe avokatja e tij lëshuan seancën.
Xhelal Berisha dhe avokatja e tij Shpresa Berisha lëshuan seancën e kontestit për shtëpinë me Shyhrete Berishën, pasi konstatuan se nuk ka kushte për mbajtjen e saj.
Në seancën e sotme mungoi Shemsije Shehollli, e autorizuara e të paditurit Arben Berisha, pasi ishte për trajtim mjekësor në Tiranë, ndërsa Naim Qelaj, avokati i Shyhrete Berishës propozoi që seanca të zhvillohej pa praninë e Shehollit.
“Përderisa palët janë prezente dhe ftesën e ka pranuar e autorizuara e të paditurit, propozoj që seanca të vazhdohet në mungese të avokates Shemsije Sheholli”, tha Qelaj.
Pastaj gjyqtari vendosi që seanca të vazhdojë pa praninë e të autorizuarës Sheholli, edhe pse Arben Berisha kërkoi shtyrje të seancës në afat të pacaktuar, pasi tha se nuk është në gjendje të deklarohet pa praninë e avokates së tij.
Shpresa Berisha, e autorizuara e Xhelal Berishës, kontestoi mënyrën se si ishte ftuar për seancë avokatja Sheholli.
‘’Si përfaqësuese e Xhelal Berishës e kontestoj njoftimin përmes postës elektronike, se gjykata nuk e ka të ditur se a e ka pranuar apo nuk e ka pranuar e-mailin, prandaj nuk mund të konsiderohet se e njëjta ka qenë e ftuar në mënyrë të rregullt”, tha avokatja Berisha.
Ajo tha se edhe në seancën e kaluar munguan dy të autorizuar, ndërsa konstatoi se ajo seancë mori vendime të kundërligjshme.
“Konsideroj se mbajtja e seancës se fundit pa prezencën e dy të autorizuarave, të cilat nuk kanë qenë të ftuara në mënyrë të rregullt është në kundërshtim me rregullat e procedurës civile. Për fat të keq kjo gjykatë së seancën e kaluar ka marrë vendime të kundërligjshme”, tha avokatja Berisha.
Më pas eksperti financiar Ali Gagica paraqiti ekspertizën e tij rreth shtëpisë kontestuese.
Naim Qelaj, avokati i Shyhrete Berishës, tha se ka vërejtje në pjesën plotësuese të aktakuzës, për arsye se sipas tij eksperti ka tejkaluar detyrat të caktuara nga gjykata.
Pastaj Shpresa Berisha, avokatja e Xhelal Berishës, njoftoi gjykatën se nuk do të deklarohet rreth ekspertizës dhe do ta lëshojë seancën.
“Nuk jam në gjendje që të deklarohem lidhur me ekspertizën edhe me tej konsideroj se nuk ka kushte ligjore që të mbahet kjo seancë, prandaj po e njoftoj gjykatën që nga ky moment nuk do të jem në gjendje ta nënshkruaj procesverbalin dhe me lejen e kësaj gjykate unë do ta lëshoj seancën së bashku me Xhelal Berishën”, tha Shpresa Berisha.
Pas kësaj deklarate, avokatja dhe i mbrojturi i saj Xhelal Berisha lëshuan seancën, ndërsa Naim Qelaqj, avokati i Shyhrete Berishës këtë veprim e cilësoi mosrespektim dhe sjellje të papranueshme për sistemin gjyqësor të Kosovës.
“Është seanca e 20 sot dhe procedura ka filluar në vitin 2013, propozimi për shtyrjen e seancës haptazi tregon qëllimin e zvarritjes, prandaj lus gjyqtarin që të vazhdohet me procedurën e mëtejshme”, tha Qelaj.
Në seancë pastaj u bë shikimi i ekspertizës së ndërtimtarisë së hartuar nga Françsesko Çollaku, për të cilën nuk pati vërejtje avokati Qelaj.
Edhe pse u ankua për zvarritje, Qelaj i kërkoi gjykatës që t’ua mundësojë të paditurve dhe të autorizuarve të tyre përgatitjen e fjalëve përfundimtare, duke kërkuar të caktohet seanca e radhës nga mesi i muajit maj.
Seanca e radhës u caktua më 18 maj nga gjyqtari Shaban Zeqiraj.
Shyhrete Berisha i ka mbijetuar masakrës së familjes Berisha të 26 marsit 1999 në Suharekë, në të cilën asaj iu vranë bashkëshorti dhe katër fëmijët, më i riu prej të cilëve kishte më pak se dy vjet, ndërsa vetë ajo mbeti e plagosur.
Mirëpo, pas luftës, më 2001 ajo nisi një betejë gjyqësore me kunatin e saj, Xhelal Berisha, i cili i mori shtëpinë në të cilën Shyhretja kishte jetuar me familjen e saj deri në ditën e masakrës
Drejtori i Policisë në Prizren, Nexhmi Krasniqi, ka ftuar në një takim drejtuesit e institucioneve të ndryshme për t’i koordinuar veprimet në parandalimin e zjarreve në pyje dhe sipërfaqe të tjera natyrore.
Zëdhënësi i Policisë, Hazir Berisha njoftoi se pjesë e këtij takimi kanë qenë drejtuesit e institucioneve të emergjencave, pylltarisë, që veprojnë në komunat e rajonit të Prizrenit.
“Sikurse është bërë praktikë viteve të fundit, që me ftesë të drejtorit të Policisë në Prizren, të ftohen drejtuesit e institucioneve të ndryshme , me të cilët po diskutohet rreth koordinimit të veprimeve në parandalimin e zjarreve dhe intervenimin emergjent në situata të ndryshme nga kjo dukuri”, tha Berisha, transmeton TVPZ.
Sipas tij, situata e zjarreve sidomos gjatë stines së verës është shqetësuese.
“Por, nuk mund të thuhet se ajo është alarmante”, theksoi ai.
Drejtori i Agjensionit Rajonal të Pyjeve në Prizren, Ali Buzhala, tha se institucionet bashkëpunojnë ngushtë në parandalimin e zjarreve, por edhe në situata të ndryshme, kur shpërthen zjarri në sipërfaqe pyjore, përkundër kapaciteteve të kufizuara që posedojmë me teknikë dhe njerëz.
Ai tha se qytetarët duhet të janë të vetëdijshëm dhe të mos shkaktojnë zjarrëvënie të qëllimshme.