Gazetari Milaim Zeka ka aderuar sot në subjektin politik Nismës që drejtohet nga Fatmir Limaj e Jakup Krasniqi.
Siç merr vesh Gazeta Express, Zeka i është bashkuar këtij subjekti për faktin që ai është i afërt me Jakup Krasniqin, i cili mban një nga postet kryesore brenda këtij subjekti.

Po ashtu, Gazeta Express merr vesh se Zeka do të jetë në listë për deputet.

Nisma do të garojë në një listë zgjedhore me AAK-në. Dy subjektet kishin nënshkruar marrëveshje muaj më parë, ndërkohë që bashkëpunimi i tyre kishte filluar në kohën kur këto subjekte organizonin protesta kundër Qeverisë së Kosovës.

Ndërkohë në një postim në Facebook pak minuta më parë, Zeka ka mbrojtur aderimet e kolegëve gazetarë nëpër subjekte politike.

Gazetaret krijojne opinione, politika i ndryshon proceset

Po e shohe, qe shume veta, o kritikojne, o po i shajne aderimet e kolegeve te mi neper parti politike.

Cdonjeri ne kete bote, e ka te drejten absolute qe vet te percaktohet, se si te jetoje, si te mendoje, e si te garoje politikisht. Cdo qytetare e katundar, duhet me dite, qe ne gazetaret vetem krijojme opinione permes shkrimeve tona, ose permes emisioneve tona, mirepo politika eshte ajo qe na i ndryshone gjerat. Na bene jeten tone ose me te mire, ose me te keqe.

Perzgjedheja e nje partie politike, eshte si puna e nuses, ose e burrit. Dikush e ka qef te gjate, dikush te shkruter, dikush me folke, dikush pa floke, e keshtu me radhe. Kur nje profesor e pyeti Hallary Clintonin se a don ta ndryshoje boten, ajo u pergjigj: Po! Atehere futu ne politike, i tha ai. Imagjinoni se cfare fati ka pasur kombi shqipetar, edhe kombet e tjera te botes, me futjen e saje ne politike. Por ka edhe raste te kunderta. Imagjinoni se cfare tragjedie u solli popujve te Ballkanit futja ne politike e Milloshevicit. Imagjinoni se cfare tragjedie te rende i sollen Kosoves shume te paditur qe ju futen politikes. Shume kriminel, shume vrases, shume hajdute, shume rrugac, shume te pacipe, e te pashkolluar, mbi te gjitha ne akademine e familjes.

Qe 17 vite, kjo race politikanesh, me shume nje 10 perqindesh te ndershem, ja kane nxi ftyren Kosoves perpara popujeve te botes, e ja kane nxi jeten popullit te Kosoves, saqe asnje shprese per te ardhmen nuk ja kane lane.

Prandaj mos i paragjykoni keta gazetare. Le ta tregojne veten edhe ne politike. Ai qe ka qene pis ne gazetari, e faqezi, ka me u ba edhe ma i poshter ne politike. Ai qe ka qene i ndershem, i ndershem ka me mbete deri ne vdekje! Kosova duhet me ndryshu. Kosova ndryshon, vetem kur partite e pushtetit shkone ne pension, ose i kthehen pllugut, traktorit, lopes, dhise, bullicave, e deleve te fshatit. Kostumet e shtrenjeta, nuk ia mbulojne budallakine e politikanit. Kravata, ta ngulfate fytin, po jo budallallek

====

Edhe gazetari Milaim Zeka pritet që këto ditë t’i bashkohet një subjekti politik për të garuar në zgjedhjet e parakohshme parlamentare në Kosovë që do të mbahen më 11 qershor të këtij viti.

Sipas burimeve të portalit “Zëri.info”, Zeka është në negociata me disa parti politike, por gjasat më të mëdha janë që ai t’i bashkohet partisë së Fatmir Limajt, Nisma për Kosovën.

Zeka edhe në zgjedhjet e jashtëzakonshme për Komunën e Drenasit të mbajtura në dhjetor të vitit të kaluar ka përkrahur kandidatin e NISMËS për kryetar të kësaj komune, Isa Xhemajlajn, i cili ka humbur në balotazh nga kandidati i PDK-së, Ramiz Lladrovci.

Përndryshe, gjatë javës së fundit dy gazetarë kanë aderuar në politikë. Ish-kryeredaktorja e “Zërit”, Arbana Xharra i është bashkuar PDK-së së Kadri Veselit, ndërsa gazetari Halil Matoshi partisë së Ramush Haradinajt(Aleanca për Ardhmërinë e Kosovës)./Zeri/

Lidhjes Demokratike të Kosovës pritet që sot t’i bashkohet subjekti më i ri politik “Alternativa” e Mimoza Kusarit.

Burime të Express mësojnë se gjatë ditës së sotme LDK-ja do t’i prezantojë edhe aderimet e reja.

Sipas të njëjtit burim, deri në mesditë pritet që kësaj partie t’i bashkohet njohësi i çështjeve ekonomike Lumir Abdixhiku.

Abdixhiku do ta zyrtarizojë sot aderimin në Lidhjen Demokratike të Kosovës.

Tash e disa ditë në media u raportua për këtë aderim të Abdixhikut, pas një takimi që ky i fundit kishte pasur me kryetarin e LDK-së, Isa Mustafën, por nuk kishte asgjë zyrtare. Por ky nuk është aderimi i vetëm.

Para dy ditësh Gazeta Express pati raportuar se LDK-së pritet t’i bashkohet edhe një analist.

E bashkë me Abdixhikun, LDK-së do t’i bashkohet edhe analisti Driton Selmanaj dhe disa të rinj.

Selmanaj ka vendosur që t’i bashkohet partisë së Isa Mustafës ani pse dje në një deklaratë për Express ai ka thënë se është duke diskutuar me partitë kryesore politike, me përjashtim të PDK-së, për të vazhduar jetën publike.

“Jam në bisedime. S’ka asgjë konkrete”, tha ai dje për Express.

Selmanaj është pjesë e shoqërisë civile dhe analist në njërin prej televizioneve nacionale.

Ka mbajtur qëndrim kritik sidomos ndaj PDK-së derisa ishte pjesë e debateve.

Kanë mbetur edhe më pak se një muaj prej kur pritet të mbahen zgjedhjet nacionale pasi, ka rënë Qeveria e ndërtuar nga PDK-ja e LDK-ja.

Në emisionin ‘”Drejtësia në Kosovë” u trajtuan të gjeturat e një hulumtimi që flet për kërcënimet me të cilat përballen dëshmitarët e rasteve të fajdeve në Prizren.

Se sistemi gjyqësor nuk është duke i trajtuar fajdet me seriozitet tregon edhe rasti i dëshmisë së Azem Tuzit në Gjykatën e Istogut. Dëshmia e tij para gjykatësit Daut Demiraj për fajden është injoruar plotësisht.

Petrit Kryeziu, zyrtar ligjor i BIRN-it, thotë se gjyqtarët e kanë obligim ta raportojnë veprën penale.

“E mira kish me qenë që pala vetë ta njoftojë Policinë apo Prokurorinë. Mirëpo, jo çdoherë palët e dinë se ku duhet të njoftojnë dhe ka raste kur e njofton në Gjykatë dhe gjyqtari është dashur që atë deklaratë ta fusë në procesverbal zyrtar dhe ta njoftojë kryeprokurorin”, tha Kryeziu, i cili gjithashtu ka shtuar se ka vend për hetime disiplinore për gjyqtarin në fjalë.

“Në rastin e tillë nëse nuk është njoftuar kryeprokurori atëherë këtu besoj që ka vend për hetime disiplinore për mos me thënë edhe penale nga Zyra e Prokurorit Disiplinor. Edhe nëse ka ndodhë në të kaluarën që pala vetë e ka njoftuar prokurorinë prapë gjyqtari është dashur ta njoftojë kryeprokurorin dhe prokuroria është kompetente të merret me vepra penale”, potencon Kryeziu.

Azem Tuzi kishte rrëfyer para gjykatësit se borxhi i cili po gjykohej ishte për fajde por asnjë veprim nuk ishte ndërmarrë.

“Është edhe në procesverbal që disa herë e kam cekë se ky nuk është borxh po është pare me fajde ndërsa gjyqtari Daut Demiraj nuk nijke për atë punë”, tha Tuzi për emisioni “Drejtësia në Kosovë“.

Sipas Ligjit, në rastet kur gjykatësit hasin në kryerjen e një vepre penale e që në këtë rast është vepra penale e kontraktimit joproporcional, duhet ta njoftojnë prokurorinë e shtetit. Por, çuditërisht gjyqtari në Gjykatën e Istogut Daut Demiraj nuk e kishte zbatuar këtë obligim ligjor.

“Duhet mu faktu gjatë seancës, unë, ti, ai tjetri, po ja ka marrë qikaq me fajde, janë qikaq ato nuk janë vërtetu me asnjë provë gjatë gjykimit, edhe pse është përmendur është dispozita që të thotë që kjo nuk provohet edhe fund”, shprehet Demiraj.

Familja Tuzi tash pret përmbarimin e dhunshëm të ekzekutimit të borxhit pas vendimit të Gjykatës së Apelit. Mirëpo, Azem Tuzi po thotë së fajdeja iu legjitimua nga dy shkallët e gjykatave në Kosovë dhe se ai nuk e ka ndërmend ta paguajë këtë borxh.

Emisionin e plotë “Drejtësia në Kosovë“ kushtuar kërcënimit të dëshmitarëve të rasteve të fajdeve mund ta ndiqni në linkun e mëposhtëm.