Në Kosovë, nuk është i vogël numri i festave zyrtare, të cilat iu kushtohen ditëve të ndryshme. Mirëpo, përkundër kësaj Kuvendi i Kosovës, sot ka miratuar edhe një festë me shumicë votash të deputetëve.

5 shtatori, tani do të jetë “Dita e Bamirësisë”, kushtuar Nënëz Terezë, shkruan Gazeta Fjala.

Në komunikatën e Kuvendit, thuhet se një festë e tillë ka qenë premtim që nga viti i kaluar në koncertin e mbajtur në Katedralën e Prishtinës, ku edhe ishte intonuar për herë të parë himni i Nënëz Terezë.

Himni i njejtë do të dërgjohet me 5 shtator edhe në Vatikan, kur do të bëhet shenjtërimi i Nënëz Terezë, nga Selia e Shenjtë.

Kryetari i Këshillit Kombëtar të Nismës Jakup Krasniqi ka reaguar ndaj deklaratës së kryeministrit të Kosovës Isa Mustafa i cili ka thënë se “Demarkacioni nuk është shkencë, është çështje politike”.

Deklarata e Krasniqit:

Populli ynë ka shumë urti (mençuri) popullore. Njëra nga ato thotë: “Sa të jetosh mëson”! Thuhet se ketë e kishte thënë plaku 70 vjeçar, pasi kishte marrë një mësim nga fëmija 7 vjeçar sesi mund të merret zjarri në shuplakë të dorës!

Neve, qytetarëve të Kosovës shpesh po na bie të dëgjojmë e mësojmë lloj-lloj “xhevahiresh”. E njëra nga këto është “xhevahiri” që këto ditë e tha akademiku – kryeministër?! “Demarkacioni nuk është shkencë, është çështje politikë”!!! Zbulim epokal i cili mund të krahasohet me zbulimin e rrotës, apo jo?!

Kësaj që e ka thënë kryeministri mund t’i themi: Vetëm shkenca e përcakton demarkacionin mbi bazën e parametrave shkencor. Ndërsa, parametrat politik te kryeministrit, nuk mund të jenë gjë tjetër veçse, parametra të tradhtisë!

Të përfundojmë: Parametrat “politik” të kryeministrit e të aleatëve të tij, nuk janë gjë tjetër, veçse përpjekje për t’ju ikur ndjekjeve penale!