Aeroporti “Stansted” i Londrës është evakuuar pasi u lëshua alarmi i sigurisë.
Sipas policisë alarmi është lëshuar për shkak të një zjarri që u shkaktua në brendësi të aeroportit, mirëpo qytetarët që ishin në vendin e ngjarjes u alarmuan, shkruan DailyStar, transmeton Gazeta Express.
Fillimisht lajmi u dha se aeroporti mori një kërcënim për sulm terrorist, mirëpo më pastaj gjithçka u qartësua.
Zona vazhdon të jetë e evakuuar dhe njësitet speciale janë në vendin e ngjarjes.
Një vit pasi Këshilli i Lartë i Drejtësisë kishte dhënë vërejtje dhe paralajmërim për shkarkim nga detyra për gjykatësin Shyqyri Çobo, ky i fundit është pezulluar nga puna.
Prokuroria e Krimeve të Rënda e ka pezulluar gjykatësin e Beratit, pasi dyshon se ai i ka kërkuar favore seksuale një gruaje.
Historia tronditëse merr udhë kur një grua, e cila po divorcohej nga i shoqi, do të gjykohej nga Çobo.
Ky i fundit i ofroi ndihmë në çështjen e divorcit, në këmbim të lidhjes intime.
Prokuroria thotë se gjykatësi ka kryer mbi 300 telefonata me gruan, duke i kërkuar lidhje seksuale.
Në tetor të vitit 2012, KLD nuk e pranoi kërkesën e ministrit të Drejtësisë të asaj kohe, Eduard Halimi për shkarkimin nga detyra të gjyqtarit Shyqyri Çobo, pasi ndaj tij kishin nisur hetimet për “fshehje të pasurisë”.
Tyrbja e Krushës së Vogël ka një reputacion të madh në Përdrini e më gjerë. Aty çdo ditë e natë dikush bën ‘nezër’, duke kërkuar fat e mbarësi. Ata që besojnë në këto rite thonë “pasha babën Hasan”. Kjo tyrbe shquhet me këtë emër. Përgjegjësi i kësaj tyrbe, Agron Shehu, tregon se ajo është nën mbikëqyrjen e familjes së tij që 300 vjet, shkruan gazeta Kosova Sot.
Ai thotë se njerëzit besojnë se nëse luten në këtë tyrbe bekohen me fëmijë e mbarësi në familje dhe rehatim shpirtëror. Thuhet se aty pushon Dervish Hasani, njeri i mirë i kohës së tij.
“Pos banorëve të Përdrinisë janë edhe gjakovarët që vijnë e sjellin ‘nezra’ të ndryshme dhe kanë besimin të madh në atë. Aty hyhet me këmbën e djathtë, sillesh tri herë rreth vendit, duke u lutur për atë çka kanë më së shumti nevojë. Ka raste që njerëzit flasin me zë të lartë. Më pas ndizet një qiri dhe hidhen para apo dhuratat e sjella sipas mundësisë”, tregon Agroni.
Ai shton se më së shumti njerëz vijnë për ditën e Shëngjergjit, më 5 maj.
“Njerëzit të veshur mirë vijnë e pjekin ndonjë qengj, ziejnë hallvë, e tash po shtrojnë edhe pije të shumta deri ato alkoolike duke e bërë një ditë madhështore”, shprehet ai.
Sipas Agronit, njerëzit së pari kryejnë lutjet që kryesisht lidhen me ndonjë lindje të fëmijëve, pastaj për mbarësi në familje dhe deri tek besimi se vizita e heq brengën ose stresin.
Varri në qendër të objektit
Tyrbja është një godinë e ngritur rreth një varri, i cili gjendet në qendër, i rrethuar me dërrasa 80-100 cm dhe mbulohet me copë të bukur mëndafshi apo kadife me ngjyra karakteristike. Te koka, ku ngrihet në një lartësi më të madhe, vendoset “kapuçi i shehut”. Rreth varrit lihen korridore të mjaftueshme që vizitorët të qarkullojnë lirshëm. Për njerëzit e këtyre anëve qarkullojnë histori të ndryshme. Besimi thellohet në legjenda, sipas të cilave këtu janë shëruar shumë njerëz.
“Nuk është fenomen që ka përfshirë vetëm moshat e vjetra, siç mund të mendohet. Kohët e fundit janë shtuar të rinjtë që besojnë në këto vende”, thotë Agroni.
Afër tyrbes gjendet një lis që ka moshë 300-vjeçare as sa ka edhe tyrbja. Agron Shehu thotë se në fshatrat e rajonit të Hasit ka shumë tyrbe si në Gjonaj, Krajk, Planejë, Nashec dhe Lukinjë.
Kur e pyetëm Agronin se çka dallon kjo tyrbe nga të tjerat, ai u shpreh: “E gëzuara tyrbe…nuk ka sëmundje që nuk shëron, nuk ka njeriut që i përulet e nuk e ndihmon. Nuk ka lutje që nuk e plotëson… Sado tmerre që kanë ndodhur në Krushë të vogël, e veçmas në familjen Shehu, megjithatë të vetmen gjë që nuk kanë prekur ishte kjo tyrbe. Kurse mbajnë mend banorë të këtushëm se para lufte edhe vetë serbët e këtij fshati janë parë shumë shpesh të sjellin ndonjë qiri, pastaj ndonjë dhuratë për tyrben”, tregon ai.
Shton se gratë serbe kanë bërë be në këtë tyrbe.
“Në luftën e fundit serbët kanë djegur mijëra xhami e tyrbe anekënd Kosovës, por këtë nuk e kanë prekur”, shprehet Agroni.
Berisha: Rashë nga skelet, pas vizitës i hoqa patericat
Për rëndësinë e kësaj tyrbe flet edhe Afrim Berisha, 54-vjeçar, që tani jeton në Prizren.
“Jam krenar që kam mundësi të flas për formën që ka Tyrbja e Babës Hasan në Krushë të Vogël. Unë kam punuar mjeshtër dhe deshi fati i keq e një ditë jam rrëzuar nga skelja. S’kam lënë mjek pa shkuar jo vetëm në Kosovë, por edhe jashtë Kosovës. A besoni se megjithatë askush nuk arriti të më bëjë zgjidhje për shëndetin tim, kam pasur edhe intervenime kirurgjike, por unë mbeta keq, me paterica. Dikush ma propozoi të shkoj të Tyrbja e babës Hasan në Krushë të Vogël dhe shkova bëra një ‘nezër’. Jo më larg se atë natë jam ndier me lehtë dhe vetëm pas tri ditësh i kam hedhur patericat dhe sot punoj e jetoj i shëndoshë si molla”, është shprehur ai.
Berisha që ka përjetuar këtë fat të mirë, shprehet se baba Hasan ka pasur forcë e besim të madh në popull. Ai tutje shton:
“Nëna ime më ka rritur me benë ‘pasha babën Hasan’, por ne nuk e kemi ditur kaq të rëndësishme këtë forcë që ka ai për të shëruar njerëz. Besoj se nuk ka forcë më të madhe në botë që mund të shërojë sesa besimi në këtë tyrbe”, shprehet ai.
Tregon se ka dëgjuar se ka shumë raste të tjera që kjo tyrbe i ka shëruar. /Kosova Sot/
Kryetari i Komunës së Malishevës, Ragip Begaj, ka pritur sot në një takim pune, zëvendësministrin e Ministrisë së Diasporës në Qeverinë e Republikës së Kosovës, Janez Frrokaj, me të cilin kanë biseduar për bashkatdhetarët dhe angazhimet e përbashkëta për regjistrimin e të gjithë bashkatdhetarëve, që vijnë në gjatë kësaj sezone në vend.
Begaj dhe Frrokaj, ju bëjnë thirrje të gjithë atyre bashkatdhetarëve, që vijnë për pushime gjatë verës, që të paraqiten dhe të regjistrohen. Qëllimi i këtij regjistrimi është sigurimi i statistikave për numrin e bashkatdhetarëve tanë që jetojnë në vende tjera.
Për këtë regjistrimin, ministria ka paraparë, angazhimin e zyrtarëve, pranë komunës, në mënyrë që të jetë më i lehtë paraqitja dhe regjistrimi i bashkatdhetarëve, ndërsa komuna do të siguroj hapësirat e nevojshme, për kryerjen e këtij procesi.
Po ashtu, Begaj dhe Frrokaj, kanë biseduar edhe për organizimin e ditëve të diasporës, ku kryetari Begaj e ka njoftuar me aktivitetet e parapara nga ana e Komunës së Malishevës, në veçanti për festivalin “Oda e Llapushës”, që organizohet në kuadër të ditëve të diasporës. /PrizrenPress.com/
Numri i të vdekurve nga sulmet e koordinuara natën e kaluar terroriste në aeroportin kryesor të Stambollit – Ataturk, është rritur tani në 41, sipas Associated Press.
Agjencia citon një njoftim nga guvernatori i Stambollit që jep numrin e ri e të vdekurve.
Nuk është e qartë se cilat janë arsyet për rritjen e numrit e të vdekurve.
Kylie Jenner dhe Tyga janë përsëri së bashku dhe ai shkoi edhe në shtëpinë e saj.
Çifti i ri u nda shkurtimisht duke dhënë një intervistë se si romanca e reperit me 18 vjeçaren ka “errësuar” karrierën e tij, por duket se kjo gjë është rregulluar.
Kylie ka ndarë disa fotografi në llogarinë e saj në Snapchat, ku Kylie shihet duke i dhënë një puthje reperit në faqe në një kabinë të fotografive, në ditëlindjen e Khloe-së të hënën në mbrëmje.
Kylie gjithashtu ndau një foto me dorën e tij mbi kofshën e saj.
Tyga ka nxitur thashetheme se ai ishte kthyer me Kylie javën e kaluar, kur ajo e solli atë në premierën e famshme të klipit të Kanye West, dhe tani thuhet se çifti i ri po jetojnë së bashku në shtëpinë e Kylie-së në Los Angeles.
Një burim tha për Us Weekly: “Ata janë zyrtarisht së bashku dhe ai është duke qëndruar atje me të”.
Nëna e Beyonces, Tina iu është përgjigjur thashethemeve rreth pse vajza e saj kishte për të lënë BET Awards 2016 herët të dielën, pas performancës së saj të mahnitshme me “Freedom”.
Tina ka postuar një shpjegim të gjatë në Instagram, duke shpjeguar se ajo e ka keq intepretuar atë çfarë ka thënë në skenë duke pranuar një çmim për Beyoncen.
“Përshendetje njerëz, së pari më lejoni të them se unë kam një rrëmujë që më ka acaruar që nga nata e fundit. Fakti që unë gjoja kam gënjyer në lidhje me bijën time për koncertin e saj. Para se gjithash unë kam bërë një gabim gjatë ditës. Kam pyetur pse ajo ka për ta lënë shfaqjen dhe më është thënë nga një anëtar i stafit të saj se ajo duhej të ishte në orë për koncertin e saj dhe se ajo në të vërtetë duhej të ishte atje dy ditë më parë, pasi turneu nuk është mbajtur që një muaj. Ishte e hënë dhe qyteti ishte në Londër”.
“Unë pastaj dua të pyes se cila do të ishte arsyeja që unë do të gënjeja në publik duke e ditur se dikush mund ta shoh datën e koncertit. Çdo njeri me sens të mirë mund ta shoh. Jam e lënduar dhe e zhgënjyer, sepse unë e di se çfarë lloji të punës, sakrificës, kishte bërë ajo për këtë performancë”, vazhdoi Tina.
Bashkëpunimeve të shumta muzikore këtë verë, do t’i shtohet edhe një tjetër mes Big Mamës dhe Baboo Darabuka.
Artistët e njohur do të na sjellin shumë ritëm në projektin që tashmë është drejt finalizimit, shkruan GazetaExpress.
Alban Sejdiu nga Babo Darabuka për GazetënExpress zbuloi se kënga është shumë ritmike verore ndërsa gjithçka do të jetë gati në ditët e para të korrikut.
Për këngën është kujdesur Florent Boshnjaku dhe Ilir Berani, ndërsa videoklipi xhirimet e të cilit po bëhen sot në qytetin e Shkupit po realizohet nga Tomato Production.
Nxënësja Lyra Hoxha, nga Prishtina, ka përfunduar klasën e tetë në shkollën fillore “Elena Gjika”. Për dallim nga bashkëmoshatarët e saj, ajo nuk do t’i ndjekë mësimet e klasës së nëntë, sepse është avancuar në klasën e dhjetë pasi ka përfunduar me sukses të gjitha testet, bazuar në një udhëzimin administrativ për avancim të Ministrisë së Arsimit Shkencës dhe Teknologjisë.
Këtë sukses Lyra ua dedikon edhe mësimdhënësve të saj, të cilët, siç ka thënë për KosovaLive, ishin ata që propozuan avancimin e saj, e nxitën dhe e mbështetën që të ecë përpara.
“Në fakt mësimdhënësit ishin ata që më propozuan dhe ma zgjatën dorën për një shteg kaq të rëndësishëm për mua. Ata jo vetëm që më mbështetën, por edhe më nxitën që të eci përpara. Edhe shoqërisë i jam mirënjohëse për përkrahjen e vazhdueshme”, ka thënë ajo.
Lyra synon që shkollën e mesme të lartë ta vazhdojë në gjimnazin “Sami Frashëri” në Prishtinë, përkatësisht në drejtimin natyror, sepse, siç ka thënë ajo, është e orientuar në lëndët ekzakte si: matematikë, kimi e posaçërisht fizikë.
“Në mesin e pasioneve të mia do të përmendja shkrimin e eseve dhe muzikën. Por, mbi të gjitha pasioni im është shkenca, më konkretisht fizika. Andaj edhe merrem me aktivitete jashtëshkollore shkencore. Unë jam anëtare aktive në klubin e astronomisë ‘Astronomy Outreach of Kosovo’. Po ashtu, pëlqej që të marrë pjesë edhe në ligjërata të ndryshme”, ka shtuar Lyra. /KosovaLive
Zyrtarët turk kanë informuar se aeroporti ‘Ataturk’ në Stamboll është rihapur, pasi sulmi terrorist ka lënë të vdekur 36 persona dhe 147 të tjerë të lënduar gjatë natë së kaluar.
Kryeministri i Turqisë Binai Yildirim u tha gazetarëve se trafiku ajror është kthyer në gjendje normale dhe se “Aeroporti ynë ka qenë i hapur për fluturime dhe nisje nga ora 02:20 sipas kohës lokale), përmes një deklarate për media në mëngjesin e së mërkurës, shkruan NewYorkPost, transmeton Indeksonline.
Ndërsa faqja e internetit turk Airline ka thënë se “operacionet e fluturimit kanë rifilluar” dhe janë udhëzuar udhëtarët për të monitoruar informacionet aktuale të fluturimeve.