Por, Nënkryetari i PDK’së, Enver Hoxhaj, megjithatë, ka vendosur të takohet me Kryetarin e dënuar të Prizrenit.
Takimi, sipas fotos, shihet se është bërë diku në ndonjë prej restauranteve të Prizrenit./Gazeta Express/
Më në fund dikush nga udhëheqja e PDK’së takon të dënuarin Ramadan Muja (FOTO)
Autobusi përplaset me një veturë në Prizren (Foto)
Një aksident trafiku ka ndodhur sot rreth orës 14:00, në dalje të Arbanës së Prizrenit.
Aksidenti ka ndodhur në mes një veture dhe një autobusi.
Policia dhe ambulanca ka mbërritur në vend të ngjarjes./PrizrenPress.com/
Espanyol tallet me Messin
Espanyol ka shfrytëzuar rastin për t’u tallur me asin e Barcelona, Lionel Messi, para përballjes së të shtunës.
Fqinjët nga Katalonia do të ndeshen në RCDE Stadium, me Barcelona që rrugëton drejt një tjetër titulli të La Liga.
Messi shënoi golin e fitores në përballjen me Real Madrid, në minutat e fundit të ndeshjes, të cilin e festoi me shfaqjen e fanellës para tifozëve.
Dhe rivalët nuk kanë humbur mundësinë për t’u tallur me këtë festim, duke shpërndarë në Tëitter një fotografi, ku në qendër është fanella e Espanyol – për të theksuar shpirtin e ekipit.
Demà, recordin allò que importa.
Mañana, recuerden lo importante.
Tomorrow, remember what is important. #RCDE #EspanyolFCB
Mourinho kërkon tre futbollistë
Menaxheri i Manchester United, Jose Mourinho, ka bërë gati 72 milionë funte për të transferuar treshen e Monaco – Tiemoue Bakayoko, Djibril Sidibe dhe Benjamin Mendy.
Shefi i Djajve të Kuq shpreson të ketë në dispozicion 250 milionë funte për transferime gjatë afatit kalimtar veror.
Tekniku portugez është duke bërë gati ndryshime rrënjësore në Old Trafford, pasi edicioni i parë nuk i ka ecur siç e ka pritur.
Ziadin Sela transferohet në Spitalin e Tetovës
Lideri i LR-PDSH-së Ziadin Sela pas qlndrimit në Spitalin e Shkupit sot rreth orës 10,30 është transferuar në Spitalin Klinik të Tetovës
Pas arritjes së tij në spitalin e Tetovës në fillim ka bërë disa inçizime e më pastaj është shtrirë në dhomë ku vazhdon të kujdeset nga mjekët specialist, njofton TetovaSot.
Drejtori i Spitalit të Tetvoës Florin Besimi ka pohuar se Ziadin Sela do të qëndrojë disa ditë, do të jetë në kujdesin e mjekëve sepcialist ku edhe kushtet janë më të mira dhe ka hapsirë më të madhe.
Tyson parashikon duelin Joshua-Klitschko
Mike Tyson ka parashikuar edhe duelin e madh mes Anthony Joshua dhe Vladimir Klitschko.
Ai mbështet Anthony Joshuan në duelin e madh që do të zhvillohet sonte.
Tyson pret që britaniku të fitojë duelin që në raundet e para. Ai thotë se nëse ballafaqimi shkon me të gjitha raundet, ukrainasi ka shanset e tij.
“Mezi pres ta shoh këtë duel”, deklaroi Tyson për “Sky Sports”.
“Dua ta shoh Joshuan, ai është një bishë. Një bishë e madhe”, u shpreh Tyson.
“Shpresoj që Joshua ta përfundoj punën në raundet e para sepse nëse shkon më vonë Klitschko do t’i ketë shanset e tij”, theksoi ai.
Aktorja e famshme shfaqet lakuriq në filmin e ri (Foto)
Në filmin e ri ku interpreton aktorja Lily James do të keni mundësi të shikoni disa sekuenca tmerrësisht të nxehta të aktores.
28-vjeçarja e luan rolin kryesor së bashku më Jai Courtney, dhe filmi mban titullin “The Exception”. Filmi ka të bëjë me një ngjarje të Luftës së Dytë Botërore.
Magjia e ringut dhe fabula njerëzore pas tij!
Stadiumi i Wembley-it sonte do të kthehet në një arenë dyluftimi. Prej një viti janë në përgatitje të ndeshjes Joshua vs Klitscho. Një përballje e vështirë e një ylli në ngjitje siç është Joshua dhe një profesori në boks si Vladimir Klitscho. Të cilësuar si dy mbretërit e Knock out-it, ata sot do të masin forcat.
Çfarë ka të veçantë kjo përballje nga aspekti teknik?
Në një analizë historike, kjo ndeshje ka një rëndësi shumë të madhe në reputacionin e boksit. Mbase deri diku është edhe një lëvizje fondamentaliste që kërkon të rikthejë boksin në origjinën e tij popullore, te përplasjet e peshave të rënda.
Një aspekt, i pakapshëm për syrin, por shumë i rëndësishëm për ata që hartojnë politikat e boksit. Prej shumë vitesh, që pas Mike Tyson, ndeshjet e boksit profesionist kanë pësuar një zhvendosje të vëmendjes nga përballjet e peshave të rënda, ku grushti ishte i thatë i dukshëm për syrin, te boksi teknik i dominuar nga shpejtësia, teknika e strategjia, që kulmon me boksierë si Floyd Mayweather dhe Manny Pacquiao.
Kjo lëvizje në dukje rastësore, ka qenë për shumë arsye. E para, që pas Tajsonit nuk kishte më yje në peshat e rënda që mund të mbanin këtë shtyllë të rëndësishme. E dyta, Federata Botërore e Boksit Olimpik, u bë më e hapur ndaj boksit profesionist, duke lejuar që të kishte programe të veçanta brenda saj që të bënin kalimin nga boksi olimpik te boksi profesionist. Është e provuar që eksperienca e boksit olimpik është një armë e fortë ata që duan të kalojnë në profesionizëm. Kjo pasi boksi olimpik ose siç njihet rëndom me termin boksi amator, ka një përqëndrim më të lartë të fuqisë dhe shpejtësisë, një orientim më të lartë drejt teknikës në shpërndarjes së goditjeve. Pra, 3 në raunde prodhon me rendiment më të lartë atë për të cilën mund të jesh stërvitur një vit të tërë. Boksi profesionist nuk e ka këtë aspekt. Prandaj, prej vitesh përballjet e mëdha të boksit profesionist kanë qenë të dominuara nga peshat e lehta dhe nga boksierë teknikë.
Çfarë ka ndryshuar?
Orientimi që ka pasur boksi në rang botëror ka bërë që boksi profesionist të furnizohet në nivele më larta nga boksierë që vinin nga boksi amator, e kjo padyshim e ka bërë boksin profesionist më teknik. Nga ana tjetër, kjo ka ndikuar në programet stërvitore dhe në rimodelim të akademive të boksit. Ky orientim ka pasur edhe një efekt negativ në marketing-un e përgjithshëm të këtij sporti. Boksi profesionist dhe aspekti teknik nuk është gjithnjë i kuptueshëm për publikun e thjesht, e kjo në një farë mënyre ka larguar audiencën, duke e mbajtur larg masave.
Me përballjen në ring Joshua vs Klitscho, synohet që të bëhet një rikthim i fuqishëm në këtë drejtim. Të dy kanë parametra të jashtëzakonshëm fizikë, i përkasin peshave të rënda, çka nënkupton një duel fizik i ashpër. Me këtë ndeshje pritet që boksi profesionist të riorientohet drejt të qënit sërish një sport popullor.
Fabula e përballjes
Nga ky aspekt, sonte pritet betejë dhe padyshim që kjo ndeshje do mbyllet me KO. Bastet janë për fitoren e Joshua, duke qenë se është më i ri, me një performancë më të lartë fizike, pra është drejt kulmit, kjjo kundrejt eksperiencës së Klitscho, i cili tashmë është në prag të mbylljes së karrierës, në moshë të madhe. Pra, në këtë kontekst, nuk është thjesht një ndeshje boksi por dhe një fabul humane. Një përballje klasike, një përballje brezash. E reja kundër të vjetrës, e shkuara me të ardhmen, eksperienca kundrejt moshës. Një filozofi mendësish, që nis dhe ndërton të gjithë qytetërimin modern. Rezistenca ndaj ndryshimit dhe përparimit.
Në kushte të tilla është e vështira të parashikosh fitues. Boksi nuk vetëm përplasje grushtash apo rezistence, boksi është inteligjencë dhe ego. Nëse do kishte një ekuacion për fituesin linear nisur nga parametrat fizikë dhe cilësor padyshim që fituesi do të ishte Joshua. Por, morali njerëzor na mëson që përballjet e mëdha fituesit përcaktohen nga ekuacione jolineare, me element të paparashikueshëm. E sonte, në fitore ky element është egoja. Sonte, fiton ai që ka egon më të madhe.
Prizren: FEMaktiv me performacë publike mbi kontrata të jashtëligjshme
Iniciativa e grave dhe vajzave të Prizrenit, FEMaktiv, për ditën e 1 Majit organizon një performacë publike me qëllim të një mundësie që bashkë me qytetarë t’i ndajnë dhe artikulojnë shqetësimet në raport me institucionet dhe bizneset mbi kontrata të jashtëligjshme, shkruan PrizrenPress.
Perfomanca mbahet në ora 12:00, në Sheshin e Lidhjes, në Prizren.
“Kosova gjendet me përqindje më të lartë të papunësisë në rajon. Gjithashtu, shumica e punëtorëve/eve vazhdojnë të punojnë pa kontrate pune dhe në kushte të mjerueshme. Gratë janë të diskriminuara dyfish në tregun e punës në raport me burrat. Ndërkaq, mungesa e sigurisë në vendet e punës pason me humbjen e jetës së puntorëve. Brenda këtyre rrethanave, ne si FEMaktiv për ditën e 1 Majit organizojmë një performacë publike me qëllim të një mundësie që bashkë me qytetarë t’i ndajmë dhe artikulojmë shqetësimet në raport me institucionet dhe bizneset mbi kontrata të jashtëligjshme”, thuhet në komunikatën e FEMaktiv.
FEMaktiv është iniciativë e grave dhe vajzave të Prizrenit që synojnë ta sfidojnë mendësinë patriarkale në diskursin publik të qytetit. /PrizrenPress.com/
Vehapi: Nuk jepet tokë për viza
Kryetari i Komunës së Rahovecit, Idriz Vehapi në një intervistë për Ekonomia Online ka thënë se është i bindur që nuk ka politikanë, e as qytetarë të Kosovës, i cili do të pranonte të jepte tokë në këmbim të vizave e as për asgjë tjetër.
Mirëpo ai ka thënë se nëse Komisioni shtetëror për matjen e territorit e ka kryer punën si duhet edhe marrëveshja për demarkacionin të ratifikohet.
“Jam i bindur që s’ka as politikanë, as qytetarë në Republikën e Kosovës që do të jetë pro dhënies së tokës, jo për viza, por për asgjë tjetër. Por nëse Komisioni e ka kryer punën si duhet pse mos me u ratifikuar marrëveshja. Unë po ju them që nuk e di saktësisht, nuk jam as ekspert i asaj fushe, por njëkohësisht nuk jam as banorë i zonës dhe nuk e di se si është çështja kështu korrekte, mirëpo komisionet profesionale duhet ta kryejnë këtë punë”, ka thënë ai.
E, sa i përket asaj se a pritet që vendi të shkojë në zgjedhje të parakohshme dhe të ketë prishje të koalicionit pasi që po dëgjohen zëra të tillë, Vehapi ka thënë se nuk dëshiron të flas për këtë, por vetëm për koalicionin në komunën e Rahovecit.
“Jo unë për këtë çështje nuk do të kisha fol, besoj se kjo më shumë i takon krerëve të partive politike dhe partnerëve të koalicionit me bisedu për këtë çështje. Unë mundem të bisedoj vetëm për koalicionin këtu në komunë që e kemi që po funksionon shumë mirë dhe do të vazhdojë”, ka thënë ai.
Por, se a do të pranojë një koalicion të tillë nëse edhe në zgjedhjet lokale do të jetë përsëri e nevojshme ai ka thënë se do ta bëjë këtë në të mirë të qytetarëve.
“Patjetër. Koalicionet janë normale sepse duhet çdo herë asambletë ose kuvendet me pas një numër të mjaftueshëm për të kaluar çështjet me interes për qytetarët dhe koalicionet janë normale dhe unë jam ithtar i koalicioneve kur lehtësohet puna edhe punët kryhen më shpejtë pa pritje, pa zhurma e kështu me radhë”, ka thënë ai.