Krerët e shtetit premtuan vazhdimisht se do të formohej Ushtria e Kosovës, por premtimet i mori era dhe ja ku jemi në përvjetorin e nëntë të Republikës, pa atributin kryesor të një shteti-Ushtrinë

Kosova po e kalon edhe këtë përvjetor të radhës të shpalljes së pavarësisë, pa e pasur akoma të ndërtuar institucionin kryesor, që bën bazamentin e shtetit, Ushtrinë e vet. Njohësit e fushës juridike, ekspertë të së drejtës kushtetuese dhe përfaqësues të opozitës, konsiderojnë se është pikërisht kjo klasë politike e papërgjegjshme, që e ka futur në rrugë pa krye procesin e formimit të Ushtrisë së shtetit, duke e bërë atë peng të sanksionuar edhe në Kushtetutë, përmes kushtëzimit nga vota e deputetëve serbë me listë të përzgjedhjes nga Qeveria armike e Serbisë.

Premtimi për transformimin e FSK-së në Ushtri, që e pati bërë ish kryeministri Thaçi qysh në vitin 2014, së bashku me ish-presidenten Jahjaga, po shihet se ishte një premtim elektoral, dhe i njëjti sipas ekspertëve të së drejtës ka filluar të dalë në sipërfaqe edhe tani, të marrë rishtas karakter të premtimit elektoral, pa pasur shpresë se do të mund të konkretizohet së shpejti. “Lidhur me ketë çështje tash veç dihet. Në kohën e nxjerrjes së Kushtetutës së Kosovës, si në shumë fusha, edhe këtu dhe në kundërshtim me çdo normë demokratike, është futur norma e 2/3 të deputetëve serbë. Duket se kryetari i grupit punues në atë kohë ka pasur urdhër nga shefi i vet, Hashim Thaçi, që norma e tillë të futet në dispozitë kushtetuese. Mendoj se kjo është bërë për dy qëllime që janë: krijimin e një gjendjeje që të diskutohet me minoritet për interesa politike dhe individuale, gjë që qartë u pa edhe kur Thaçi u zgjodh president i vendit. Çka u premtua nuk di saktësisht po Lista Serbe e votoi atë. Edhe në çështjen e Ushtrisë duket se pushteti këtë rrugë do ta zgjedhë”, tha prof. Muhamet Kelmendi, shkruan gazeta Kosova Sot.

Kushtëzimi me mosveprimin në veri

Sipas Kelmendit, më e keqja është që Ushtria e Kosovës mos të veprojë në veri të vendit, dhe ky mund të jetë kompromis për ta votuar atë edhe deputetët serbë. “Kjo do të shkatërrojë tërësisht vendin dhe një Ushtri e tillë nuk i duhet Kosovës. Jam i mendimit së këndej tani krejtësisht në fushatën elektorale po shkon përsëri kjo çështje. Qeveria dëshiron unitet me deputetët serbë, por pa u parë, gjë që e treguan në Kuvend, ndërsa edhe opozita ka atë karakter, zgjedhor. Në fund të fundit kjo edhe nënkuptohet sa i takon opozitës”, tha Muhamet Kelmendi për “Kosova Sot”.

Ai konsideron se nëse mbështetemi në premtimet e dhëna tash e 6-7 vite del se kemi një anomali politike dhe një analfabetizëm të lartë. Por, këtë po e besojnë akoma qytetarët, të cilët po vazhdojnë të besojnë symbyllas në premtimet boshe që aq lirë po u shiten. “Me këtë na kanë gënjyen vazhdimisht. Atë e beri Hashim Thaçi, Atifete Jahjaga dhe madje edhe Isa Mustafa. Kurdo në prag të festës së pavarësisë deklaronin me pompozitet formimin e Ushtrisë”, tha Kelmendi.

Ushtria për konsum elektoral

Edhe prof. Riza Smaka konsideron se aq shumë po devalvohet dëshira për formimin e Ushtrisë së shtetit të Kosovës, me premtimet e kota të krerëve të shtetit, sa që tani fare pak mbetet për të besuar në planet e tyre. “Persona të papërgjegjshëm dhe të pandërgjegjshëm, në vendin tonë, gjatë fushatave elektorale japin premtime iluzore, irreale, voluntare e arbitrare, të cilat, gjatë ushtrimit të pushtetit, mbase as që orvaten për t’i përmbushur. Premtimet e tilla për qytetarët, në përgjithësi, janë irrituese, provokuese dhe bajate”, u shpreh ai. “Gjatë ushtrimit të pushtetit, veçanërisht, të atij ekzekutiv, referuar premtimeve elektorale të tilla dhe të ngjashme, në raste jo të rralla, disa nga funksionarët publikë do të duhej të shkarkoheshin, për shkak të zotimeve zgjedhore abuzive, shkohet aq larg, saqë me të njëjtat dhe përkitazi me të njëjtat, praktikohen ironizime bizare”, potencoi më tutje ai. Sipas Smakës, edhe kur është fjala për obstruksionet kundër formimit të FAK-ut të vendit tonë, të njëjtat nuk mund të cilësohen ndryshe, pos si konsekuenca të qeverisjes së keqe, qeverisjes së dobët e të dështuar me huqe të mëdha përkitazi me tema shoqërore, ekonomike, arsimore, shëndetësore e tema të tjera të rëndësishme/Kosova Sot/

Policia e Prizrenit ka arrestuar tre persona të cilët gjatë ditës së sotme, me rastin e 9-vjetorit të Pavarësisë së Kosovës, hoqën flamujt turq në këtë qytet.

Lajmin e bëri të ditur në Ora e Fundit, Haris Dida – komandant i stacionit policor në Prizren -i cili shtoi se gjatë festimeve nuk ka pasur telashe.

“Nuk ka ndodhur as edhe një incident më i vogël për të cilin mund ta potencojmë, përveç dëmtimit të flamurit të Turqisë. Por, në bazë të veprimeve hetimore janë identifikuar tre persona të cilët janë ndaluar për procedura të mëtutjeshme”, ka thënë ai,.

“Në Prizren ka pasur dhe forca të shtuara të policisë me rastin e Pavarësisë së Kosovës”. /Klan Kosova/

Ministria e Punëve të Jashtme e Republikës së Kosovës ka dënuar ashpër heqjen me dhunë të flamujve të Republikës së Turqisë në Prizren, duke e cilësuar këtë veprim si akt vandal nga persona të papërgjegjshëm që kanë për qëllim dëmtimin e shtetit demokratik dhe multietnik të Kosovës.

Po ashtu Ministria e Punëve të Jashtme kërkon që autorët të vihen para drejtësisë dhe të japin përgjegjësi për veprimet e tyre të papërgjegjshme dhe të dëmshme.
Ministri i Jashtëm, Enver Hoxhaj ka komunikuar me Ambasadoren e Turqisë në Kosovë ku e ka dënuar ashpër aktin si të tillë, përcjell Indeksonline.

“Marrëdhëniet e Kosovës me Turqinë janë të shkëlqyera dhe si të tilla ato nuk do të pengohen e as dëmtohen nga kurrfarë akti vandal e të izoluar që nuk ja duan të mirën Kosovës dhe marrdhënieve tona miqësore me Turqinë”, ka deklaruar ministri Hoxhaj.

Parlamenti Studentor i UPZ-së, me rastin e 9 vjetorit të Pavarësisë, ka bërë homazhe pranë varrezave të dëshmorëve në Landovicë.

“U nisëm nga shtëpia jonë pra nga Universiteti ynë, ku udhërrëfyes qëndron lapidari i të madhit Ukshin Hoti, për të vazhduar më tej për në varrezat e dëshmorëve në Landovicë, e nga aty në Nashec, në vendin e rënies heroike të Komandant Petritit – Remzi Ademajt”, thuhet në komunikatën për media.

“Më pas u ndalëm në kompleksin e dëshmorëve në Arbanë, ku gjendet edhe lapidari i dëshmorit Ismajl Kryeziu dhe nga aty vazhduam për në qendër të Prizrenit, për të vendosur lule pranë lapidarëve të dëshmorëve, Xhemajli Berisha, Ismet Jashari – Kumanova, Xhevat Berisha dhe Pal Paluca”.

“I nderojmë dhe përkulemi para veprës së atyre që na mundësuan ta festojmë këtë ditë, duke sakrifikuar gjithçka pa kursyer as gjënë më të shtrenjtë të tyre, vetë jetën.

Ajo që na mbetet sot neve është që secili të japim kontributin tonë nga pozitat të cilat gjendemi, drejt forcimit dhe ruajtjes së këtij shteti, themelet e të cilit janë të përgjakura ndër shekuj”.

“Konsideratë dhe mirënjohje pa fund për veprën e dëshmorëve, dhe të gjithë atyre që kontribuan që ne sot ta gëzojmë lirinë.
Duke nderuar dëshmorët ne nderojmë veten tonë. Urime 9 vjetori i Pavarsisë së Kosovës”/PrizrenPress.com/

Zyrtarë të institucioneve në Prizren, të prirë nga kryetari i Komunës së Prizrenit, Ramadan Muja kanë bërë homazhe në Prizren, njofton Klan Kosova.

Homazhet në të cilat kanë marrë pjesë edhe shumë qytetarë, janë bërë në kompleksin e dëshmorëve në Landovicë.

Disa të rinjë në Prizren në 9 vjetorin e pavarësisë kanë shprehur patriotizmin e tyre përmes një viedoje.

Ata kanë hequr një flamur të Turqisë që po qëndronte në një shtyllë të varur në qytet, raporton Indeksonline.

Në një video dërguar në Indeksonline ata dëgjohen duke thënë “Kjo festë është e jona e jo e turkut”

Derisa tjetrin shan duke thënë “F**k turku”, për ta shkelur dhe shqyer pastaj flamurin e Turqisë.