I kemi përmbushur objektivat. Kemi asfaltuar shumë rrugë si dhe është në realizim e sipër ujësjellësi në 12 fshatra.

E arritura më e madhe gjatë këtij viti ka qenë largimi i rrezikut nga rriqrat, me ç’rast nuk ka pasur asnjë të vdekur. Në përgjithësi për Malishevën viti 2016 ka qenë i suksesshëm, megjithëse në fillim të tij kemi pasur vërshime me dëme rreth një milion euro, të cilat nuk janë kompensuar. Mbi 95 për qind Malisheva ka arritur ta shpenzojë buxhetin për këtë vit.

Prioritet për vitin 2017 është ndërtimi i tri shkollave, vendosja e kanalizimit në disa fshatra si dhe vazhdimi i asfaltimit të disa rrugëve. Një prej sfidave mbetet rregullimi i shtratit të lumit, por meqë komuna e Malishevës e vetme nuk mund ta rregulloj, kemi kërkuar ndihmë nga institucionet. Nëse rregullohet ky problem, atëherë do të ulet shkalla e rrezikshmërisë për vërshimet në të ardhmen.

Ndërkohë sa i përket situatës politike në nivelin qendror, mendoj se ajo ka ndikuar në komuna. Sepse kur niveli qendror nuk është stabil, atëherë nuk është stabil as niveli lokal. Prandaj duhet të kemi një pjekuri politike në nivel vendi./Telegrafi/

Kryetari i LDK-së në Prizren Haxhi Avdyli, premton se LDK-ja këtë vit do të rikthehet në Prizren. Ai në ditën e dytë të këtij viti është takuar me strukturat e partisë.

“LDK do rikthehet fuqishëm në qytetin e vlerave, në të mirë të qytetarëve dhe në mbrojtje të interesave të tyre”,shkruan Avdyli në Facebook, transmeton PrizrenPress.

“Bashkë me të gjithë ata që duan ndryshimin,dhe që besojnë në vlerat e LDK-së”.

“Bashkë deri te ndryshimi i domosdoshëm”.

“Ndryshim së pari i konceptit të qeverisjes përmes programit të duhur, qeverisjes së pastër dhe punës ekipore të cilin qytetarët e Prizrenit po e kërkojnë”./PrizrenPress.com/

Në Prizren të dielën janë arrestuar katër persona pasiqë janë rrahur në mes veti.

Si pasojë e rrahjes dy të dyshuarit kanë pësuar lëndime trupore dhe të njëjtit kanë pranuar tretman mjekësor ku njëri prej tyre ka pësuar lëndime të rënda nga një mjet i mprehtë.

Policia njofton se me urdhër të prokurorit të dyshuarit janë dërguar në mbajtje

Lideri i NISMA-s për Kosovën, Fatmir Limaj, konsideron se vendit i humbi mundësia për ndryshime me daljen e LDK-së nga koalicioni opozitar.

Limaj ka bërë një vlerësim të gjendjes së përgjithshme në Kosovë, duke akuzuar PDK dhe LDK se kanë punuar pa asnjë prioritet.

Kreu i NISMA-s në një intervistë për lajmi.net ka folur edhe për prishjen me Vetëvendosjen.

“Kemi provuar, mendoj që ka pasur dëmtime, është lënduar mirëbesimi. Shpresoj se kjo të tejkalohet, por ka lëndim të madh në mirëbesim të funksionimit. Ka ndodhur disa gjëra që e kanë lënduar funksionimin e mirëbesimit. A do të tejkalohet, koha do të tregojë”.

“Disa veprime që janë bërë e kanë lënduar mirëbesimin e aleatëve. Kur jeni aleat, duhet të jeni dy, dhe jo t’iu ndodhë diçka aleatëve dhe në anën tjetër të ndodhin veprime që nuk i takojnë partneritetit. T’ia lëmë kohës nëse ka vullnet për ta shëruar atë lëndim të mirëbesimit”, ka thënë numri një i Nismës.

Kryetari i Lëvizjes Vetëvendosje!, Visar Ymeri, ka vlerësuar se subjekti që drejton ka qenë pengesa e vetme serioze për krimet e qeverisë gjatë vitit 2016.

Në një intervistë dhënë për gazetën “Epoka e re”, ai ka thënë se kjo lëvizje e tillë do të vazhdojë të jetë edhe në të ardhmen. Prandaj, sipas Ymerit, përndjekja dhe aparati i dhunës së pushtetit ka qenë vazhdimisht e përqendruar te ky subjekt politik, tek aktivistët dhe deputetët e saj.

Kreu i LV-së ka thënë se pushteti i frikësohet vetëm Lëvizjes Vetëvendosje!

Qendra e Prizrenit ishte bërë gati për të pritur ndërrimin e motmoteve.

Mirëpo, numri i njerëzve që kishin zgjedh ta presin fillimin e vitin e ri në këtë vend ishte më i vogël se vitet e kaluara, njofton Klan Kosova.

Por, në mesin e tyre kishte edhe turistë të huaj.

E në orën 12 qielli u ndriçua. Kontribut për këtë dhanë edhe fëmijët.

Krismat nuk i sollën telashe kameramanit të Klan Kosovës. Por, jo të gjithë i kishin në qejf mjetet piroteknike.

Familja, për shumë qytetarë të Prizrenit, ishte edhe zgjedhja e parë për të festuar.

Kjo natë kishte kaluar pa incidente të mëdha.

Pjesa më e madhe e qytetit të Prizrenit ka mbetur pa ujë të pijshëm në ditën e parë të Vitit të Ri.

Kryetari i LDK-së në Prizren, Haxhi Avdyli, është shprehur i shqetësuar me mungesën e ujit në disa lagje.

“Mbrëmë 1 orë pa rrymë, sot tërë ditën pa ujë. Ky është Prizreni jonë, i kontradiktave me qytetarët më të qetë dhe jo kërkues, të cilët votuan e duruan 10 vite udhëheqës qyteti, të përgjumur, pa iniciativa e të dënuar. S’ka dyshim që do durojnë edhe ndonjë ditë pa ujë e pa rrymë. Po ashtu Prizreni mbetet në margjina, i harruar nga të gjitha qeveritë. Edhe pse qyteti me banorë sa Prishtina, prioritet për zhvillim ekonomik s’kishte as sa Drenasi që s’është as sa lagja e Ortakollit. Prizreni ishte e mbetet prioritet vetëm kur vjen puna e mbledhjes së taksave dhe çdo 4 vjet mbledhja votave. Me rëndësi që uji ka ymyt që vjen këto ditë dhe na do jetojmë të lumtur dhe pa brenga”, ka shkruar Avdyli në llogarinë e tij në Facebook, përcjellë PrizrenPress.

Kurse, kryetari i Lëvizjes Vetëvendosje në Prizren, Artan Abrashi ka ironizuar me “Hidroregjionin Jugor” dhe Komunën e Prizrenit, duke i falënderuar për mungesë të ujit në ditën e parë të vitit 2017

“Të gjitha urimet për një vit të mbarë ranë n’ujë që në ditën e parë. Faleminderit Hidroregjioni i Prizrenit. Faleminderit Komunë. Gëzuar me bidonë!” ka shkruar Abrashi në llogarinë e tij në Facebook. /PrizrenPress.com/