Tre persona janë arrestuar në Rahovec. I arrestuari i parë dyshohet për grabitje. Ai është dërguar në mbajtje.

Ndërkaq, dy të tjerët janë arrestuar me urdhër të Gjykatës.

Pas arrestimit, ata janë dërguar në burgun e Dubravës./PrizrenPress.com/

Banorët e fshatit Zojz të Prizrenit, kanë premtuar se në zgjedhjet e ardhshme do të përkrahin fuqishëm Lëvizjen Vetëvendosje!

Këtë premtim ata e kanë dhënë mbrëmë para anëtarëve të nivelit qendrorë, Rexhep Selimi dhe Dukagjin Gorani, dhe atyre të Prizrenit, Artan Abrashi dhe Arbër rexhaj.

“Nga Zojzi doli një mesazh nga të pranishmit, që VETËVENDOSJE do të përkrahet fuqishëm në dy palë zgjedhje, ato parlamentare dhe ato lokale”, tha Rexhaj./PrizrenPress.com/

Në shqyrtimin gjyqësor ndaj katër të akuzuarve për tjetërsim të pronës komunale, gjykata ka administruar disa prova të propozuara nga ana e mbrojtjes. Gjatë kësaj procedure, çështjen penale ndaj të akuzuarve e ka cilësuar si të paqëndrueshme avokati Florin Vërtopi, i cili në këtë rast e mbron të pandehurin, Bedri Bytyqin. Sipas tij, në këtë rast ende nuk ka palë të dëmtuar, i cili është një ndër elementet kryesore për ngritjen e një aktakuze. Vërtopi tha se nuk ka palë të dëmtuar pa vendosur Departamenti Administrativ i Gjykatës Themelore në Prishtinë, në lidhje me padinë ndaj vendimit të Komunës së Prizrenit,  e ushtruar nga i akuzuari tjetër Faton Hoxha.

Gjatë kësaj seance të mbajtur në Gjykatën Themelore në Prizren, mbrojtësit kanë propozuar që të administrohen vendimet e lëshuara nga të akuzuarit Bedri Bytyqi si Drejtor i Inspektoratit, dhe Bashkim Krasniqit, si Inspektor i Ndërtimit në Komunën e Prizrenit, për rrëzimin e objektit të bashkë-akuzuarit, Faton Hoxha.

Sipas mbrojtjes, çështja e konkluzioneve të lëshuara nga Komuna e Prizrenit, për rrënimin e objektit në fjalë, ende nuk ka arritur fuqinë e ekzekutimit, pasi që të njëjtat janë goditur me ankesa dhe për këtë çështje është bërë edhe një padi në Departamentin Administrativ të Gjykatës Themelore në Prishtinë.

Prandaj, avokati Florin Vërtopi ka thënë se nëse Departamenti Administrativ, vendos që për pronën në fjalë, i akuzuari Faton Hoxha, të paguajë vlerën e saj, atëherë në këtë rast nuk do të ketë palë të dëmtuar e si rrjedhojë edhe çështje penale.

Kryetari i trupit gjykues, Xhevdet Elshani, ka aprovuar kërkesat e mbrojtjes për administrimin e vendimeve në fjalë, duke ndërprerë shqyrtimin gjyqësor, i cili u caktua për datën 15 shkurt 2017, duke filluar nga ora 10:00.

Në seancën e radhës, pritet që të akuzuarit të fillojnë mbrojtjen e tyre dhe të jepen fjalët përfundimtare nga palët në procedurë.

Aktakuza e përfaqësuar nga prokurori Metush Biraj, i ngarkon të akuzuarit për keqpërdorim të detyrës zyrtare dhe uzurpim të paligjshëm të pronës së paluajtshme.

Sipas aktakuzës, Bashkim Krasniqi, në cilësinë e inspektorit komunal për ndërtim, nuk ka vepruar për rrëzimin e objektit afarist-banesor të të pandehurit Faton Hoxha, të ndërtuar pa leje në pronë komunale.

I akuzuari tjetër Bedri Bytyqi akuzohet se duke qenë drejtor i Inspektoratit, megjithëse ka nënshkruar aktvendimin për rrënim të objektit, nuk ka vepruar për të realizuar atë, duke i mundësuar Faton Hoxhës që të vazhdojë ndërtimin.

Ndërsa i akuzuari, Ilaz Susuri akuzohet se ka uzurpuar në mënyrë të paligjshme pronën ku është ndërtuar objekti, ku të njëjtën, pa fletë-poseduese, ia ka shitur të pandehurit Faton Hoxha për 35 mijë euro.

Poashtu i akuzuari Faton Hoxha akuzohet se pa kontratë të vërtetuar dhe pa dokumentacionin përkatës ka blerë pronën në fjalë nga i pandehuri, Ilaz Susuri dhe më pas ka ndërtuar objekt afarist në atë pronë./betimiperdrejtesi/

Në mbledhjen e Komisionit për Arsim, Shkencë, Teknologji, Kulturë, Rini dhe Sport ish ministri i Arsimit, Rexhep Osmani, ka mbajtur një fjalim në të cilin ka paraqitur fakte dhe të dhëna lidhur me disa shkelje të cilat po bëhen në rregullore dhe udhëzime administrative të arsimit.

Ai ka treguar gjithashtu se i ka bërë një kallëzim penal ndaj Universitetit të Prizrenit, pra ndaj rektorit të këtij Universiteti, Ramë Vata, njofton Klan Kosova.
Advertisement

Përveç kësaj, Osmani ka folur edhe për rezultatet e testit PISA, dhe përgjegjësitë e akterëve për ketë test ndërkombëtar.Komisioni ka thënë se do i merr parasysh rekomandimet e ish ministrit Osmani dhe disa nga të dhënat që më parë nuk i posedonin.

Pas një pune intensive hetimore, hetuesit e Stacionit Policor në Prizren kanë arritur ta identifikojnë një të dyshuar me mbiemër Rama i cili në bashkëveprim edhe me një të dyshuar tjetër që tanimë ndodhet në paraburgim, kishin kryer shumë vjedhje të rënda e ndër to edhe ajo në rrugën “Sezai Surroi” e datës 25 janar në market “Lindi”.

Pas arrestimit, njofton Policia e Kosovës, i dyshuari është intervistuar në prani të avokatit mbrojtës dhe gjatë ballafaqimit me provat e sekuestruara, i njëjti ka treguar edhe për gjashtë raste tjera të vjedhjeve.

Gjësendet e vjedhura i kishte shitur një i dyshuar i tretë në ketë rast i cili është marrë në pyetje në cilësi të personit të dyshuar e më pas me urdhër të prokurorit është liruar në procedurë të rregullt, ndërsa ndaj të dyshuarit Rama është vendos masa e arrestit.

Disa nga gjësendet e vjedhura që janë gjetur nga policia i janë kthyer pronarit./PrizrenPress.com/

Anëtarët e Kuvendit të Komunës së Prizrenit, kanë miratuar vendimin për plotësimndryshimet e Rregullores së transparencës, por njëherësh kanë kërkuar zbatimin e këtij akti, meqë kanë konsideruar se transparenca e Ekzekutivit lokal nuk ka qenë në nivel deri tashti, shkruan sot “Koha Ditore”.

Ndonëse shefi i Zyrës së informimit, Ymer Berisha, ka vlerësuar se Komuna e Prizrenit është model për transparencën, një gjë e tillë është kundërshtuar nga këshilltari i LDK-së, Haziz Hodaj i cili ka theksuar se kjo komunë është model për të keq në këtë aspekt.

Drejtori ekzekutiv i “Dokufest”-it, Eroll Bilibani, ka mbetur jashtë “Berlinales” pasi që Ambasada gjermane ia ka refuzuar kërkesën për vizë. Ai në një intervistë për “Zërin” ka treguar arsyet e refuzimit të vizës, të cilat i konsideron si absurde dhe të pakuptimta.

Ambasada gjermane në Kosovë ia ka refuzuar vizën drejtorit të “Dokufestit”, Eroll Bilibani, ku dhe ia ka pamundësuar pjesëmarrjen në festivalin e njohur “Berlinale”. Drejtori i “Dokufestit” thotë se në arsyetimin e Ambasadës thuhet se ai nuk ka dhënë dokumente që dëshmojnë se ka mjete për qëndrimin në Gjermani, si dhe nuk kam dhënë dëshmi të kthimit në vendlindje. Për këtë çështje Bilibani thotë se i ka shkruar edhe Ulrike Lunaçekut

Zëri: A jua ka dhënë Ambasada gjermane ndonjë arsye për refuzimin e vizës pasi ju ishit pjesëmarrës në festivalin “Berlinale” edhe gjatë viteve paraprake?

Bilibani: Në fakt unë nuk isha aty, e kisha autorizuar kolegun tim që ta marrë pasaportën edhe ai më lajmëroi që është një letër brenda pasaportës dhe me tha se vizën ta kanë refuzuar. Ajo letra është standarde e tyre, në të cilën tregojnë arsyen se pse, ishte kjo arsyeja numër tre ku thotë që: nuk kam dhënë dokumente që dëshmojnë se kam mjete të mjaftueshme për qëndrimin tim në Gjermani dhe se nuk kam dhënë dëshmi të kthimit në vendlindje. E para është e vërtetë sepse unë zakonisht nuk e jap llogarinë bankare private kur aplikoj për viza, edhe në 7 vjetët e fundit kur kam aplikuar nuk i kam dhënë ato dokumente, por i kam dhënë vetëm llogarinë bankare të organizatës, sepse unë zakonisht udhëtoj për punë, është zyrtare, nuk po aplikoja për vizë turistike, besoj që kur aplikon për vizë turistike ndoshta të duhet dëshmi, por nëse aplikon për vizë afariste t’i mjafton të dëshmosh që organizata jote ka mjete për t’i mbuluar shpenzimet gjatë udhëtimit e shpesh në shumë raste neve na ndodh që të mbulohemi nga ato organizata, të cilat na ftojnë…