Instituti Demokratik i Kosovës (KDI) ka kryer një hulumtim të opinionit publik në mesin e votuesve të rinj nga mosha 17 deri 21 vjeçare, shumica e të cilëve politikan model e kanë Albin Kurtin; pas të cilit radhiten Hashim Thaci e Kadri Veseli.

Shumica e të rinjve kanë thënë se do të dalin në zgjedhje, ndërsa subjekti politik i preferuar rezulton të jetë Lëvizja Vetëvendosje, e pasuar nga Partia Demoraktike e Kosovës, njofton Klan Kosova.

Pesë shqetësimet kryesore të tyre ka thënë të jenë: papunësia, zhvillimi ekonomik, luftimi i korrupsionit, shëndetësia dhe liberalizimi i vizave.

Gjendja financiare në familjet e shumicës së të anketuarve është deklaruar të jetë e vështirë për të përballuar shpenzimet mujore.

Dukurive negative dhe të shëmtuara, që kanë lëshuar rrënjë tash e një kohë të gjatë në shoqërinë tonë, si duket nuk i kanë shpëtuar as avokatët e vendit, pasi, sipas njohësve të kësaj fushe, një pjesë e caktuar e tyre e luajnë rolin e dyfishtë me arsyen e vetme; atë të përfitimit, ku shpeshherë i tejkalojnë tarifat e caktuara, duke arritur kësisoj që të realizojnë pasuri e patundshmëri me përmasa të jashtëzakonshme e të paimagjinueshme.

Ndaj, së këndejmi është shtuar edhe dilema se a ka të tillë avokatë që janë në rolin e ‘sekserëve’ të gjyqtarëve ku verdiktet jepen në favor të atij që paguan më shumë. Për këtë dhe atë se sa masa disiplinore e dënime i ka shqiptuar këtë vit Oda e Avokatëve të Kosovës ndaj avokatëve që kanë shkelur ligjin dhe etikën e punës, flet shkrimi në vijim. Profesori universitar Mazllum Baraliu, në një prononcim për gazetën “Kosova Sot”, ka thënë se avokatia është një nga hallkat shtyllë e sistemit të drejtësisë me një peshë dhe relevancë jashtëzakonisht të madhe dhe të përhershme.

Sipas tij, funksionimi i saj në baza ligjore dhe në bazë të Ligjit për avokatinë, por edhe në bazë të parimeve etike dhe ligjeve të tjera, do të ndihmonte shumë në forcimin e drejtësisë, ku tashmë të gjithë jo vetëm po e perceptojnë, por edhe po e thonë si opinioni publik vendor, por edhe ai ndërkombëtar, që thjesht drejtësia dhe gjyqësia brenda saj lënë shumë për të dëshiruar.

Nevojitet konsolidim më i madh

Sipas Baraliut, edhe sistemi i avokatisë, si një shërbim shtyllë i drejtësisë, dhe i një natyre specifike privato- publike, është një hallkë e rëndësishme e sistemit të drejtësisë derisa, sipas tij, çdo moskonsekuencë aty ose ndërlidhje e segmenteve të këtij shërbimi me segmentet e caktuara të shërbimeve të tjera dhe të hallkave të tjera institucionale të drejtësisë i bën dëm konsolidimit të shoqërisë tonë, demokratizimit të saj e veçanërisht konsolidimit të sistemit të drejtësisë.

“Prandaj, ajo që jo rrallëherë flitet e përflitet jo vetëm që perceptohet, por edhe konstatohet nga njerëz, por jo gjithherë në mënyrën e duhur ligjore dhe me shkrim se edhe brenda avokatisë ka ngecje e probleme të mëdha dhe ka edhe abuzime të caktuara të segmenteve të caktuara të këtij shërbimi, njerëz të caktuar që punojnë në avokati jo rrallëherë kanë verdikte në procedura, ose verdikte finale të instancave të caktuara gjyqësore, gjë që ishte dashur të ndërpritet puna e avokatisë, gjegjësisht ushtrimi i atij personi, por ja që nuk ndodh”, u shpreh ai.

“Po ashtu, shpeshherë flitet dhe përflitet, thuhet e konstatohet se ata për qëllime të përfitimit, segmente të caktuar, pasi sigurisht se aty ka edhe avokatë me përvojë, dije, përgjegjshmëri e etikë të plotë, por po them për atë pjesën e cila flitet që bëjnë rolin e dyfishtë vetëm e vetëm që të përfitojnë, t’i tejkalojnë tarifat e caktuara dhe bëjnë pasuri e përfitime të jashtëzakonshme, madje për disa thuhet se kanë edhe patundshmëri me përmasa të jashtëzakonshme e të paimagjinueshme, por edhe para e kapital tjetër”, ka thënë më tej Baraliu.

Sipas tij, fakti se kanë kapital e pasuri është krejt në rregull dhe shumë normale, nëse është në frymën e ligjit, por nëse nuk jep kontributin e duhur avokatia në realizimin të misionit kryesor të drejtësisë, plotësimit të së vërtetës materiale, të realizimit dhe të sendërtimit të drejtave deri në pafajësi të qytetarëve, të cilët i drejtohen me apo pa dëshirë këtyre institucioneve, atëherë mund të flasim për një hallkë institucionale që do të duhej të konsolidohej dhe të përmirësohej.

Nëntoka i korruptoi të gjithë

Ndërkaq, analisti Shefqet Dibrani thotë se tashmë po shihet se nëntoka e krimit të organizuar ka arritur që t’i korruptojë dhe t’i shantazhojë edhe institucionet e drejtësisë, madje, sipas tij, me të drejtë mund të dyshohet se edhe një pjesë e mirë e avokatëve janë pjesë e proceseve të ngatërruara, pasi, siç duket, disa sish janë në rolin e sekserëve për shokët e tyre gjyqtarë e prokurorë, ku bashkë me ta ndajnë gjahun, prandaj i bënë me përgjegjësi edhe ata.

” Andaj, kjo gjendje është mjaft shqetësuese, sepse kjo garniturë e involvuar në krim dhe kriminalitet as nuk ndajnë drejtësi, por edhe atë që e bëjnë e bëjnë në mënyrë selektive, gjë që po reflektohet në raste të caktuara, ku në nivel vendi gjendja është shqetësuese, pasi të gjitha raportet vlerësojnë për një gjyqësor të paaftë dhe joprofesional për të qitur drejtësinë në binarë, sepse drejtësia për shtetin është sikurse mjeku për shëndetin e njeriut”, theksoi ai. “Në këtë ndërthurje të interesave të shumta janë implikuar shumë faktorë, derisa në anën tjetër ne nuk mund të presim masa më të ashpra disiplinore nga Oda e Avokatëve, pasi askush nuk na garanton dhe askush nuk është i sigurt, nëse edhe dikush që thirret për drejtësi të mos jenë të involvuar në këto keqpërdorime. Dua të them se ka mundësi të bëhet mirë, por jo në këtë mënyrë”, potencoi Dibrani..

Analistët vlerësojnë se po të kishin partitë politike parime dhe programe të qarta, do të kishin domosdo konsensus për çështje të rëndësishme të shtetit dhe ato bashkërisht do t’i mbronin dhe do t’i çonin përpara

Thellimi i ndasive të mëdha politike, që po ndodh në shtetin e Kosovës, të shumtën e herëve edhe për çështje joparimore, por vetëm për interesa të synimit të pushtetit me çdo kusht nga subjektet politike, nga pozita për ta mbajtur atë edhe kur nuk e meriton, dhe nga opozita për ta marrë me çdo kusht dhe me mjete jodemokratike, po bën që Kosova të mbetet për kohë të gjatë në pozitën e moszhvillimit, të vendnumërimit, duke u sjellë në rreth vicioz për shkak të politikës së inateve. Si rrjedhojë, vendi nuk ka akoma liberalizim të vizave, shumë procese kanë ngecur për faj të politikës, kurse klasa në pushtet nuk po mund t’i shtyjë përpara shumë procese. Për këto pasoja janë të vetëdijshme edhe partitë politike si në pozite, si në opozite, për dëmet që po ia shkaktojnë vendit, e të cilat mund të jenë të pariparueshme, por fajin dinë t’ia hedhin gjithmonë njëri- tjetrit.

“Në Kosovë, sa herë që munden, pozita dhe opozita e bllokojnë njëra- tjetrën. Pra, lufta nuk bëhet në bazë të programeve politike. Një çështje të njëjtë një parti politike e përkrah nëse është në pozitë dhe e kundërta, e kundërshton nëse është në opozitë. Për fat të keq, kjo në shumë raste e vë Kosovën para bllokadave. Po të kishin partitë politike parime dhe programe të qarta, do të kishin domosdo konsensus për çështje të rëndësishme të shtetit dhe ato bashkërisht do t’i mbronin dhe do t’i çonin përpara. Konsensusi në mes partive për çështje të rëndësishme të shtetit ndodh në të gjitha shtetet e mirëfillta, në të cilat funksionon ligji, kushtetuta dhe luftohet për interesat e mirëfillta kombëtare”, tha deputeti Adem Salihaj për “Kosova Sot”.

Kabineti “Mustafa”, ndër më të dobëtit

Nënkryetari i AAK-së, Ahmet Isufi thotë se opozita ka provuar shumë herë që të ofrohet me pozitën për të arritur konsensus në të gjitha temat e rëndësishme të interesit nacional e zhvillimor të vendit, por është kryeneçësia e pozitës që me çdo kusht ka mbrojtur vetëm qëndrimet e veta edhe kur e ka gabim dhe nuk dëshiron komunikim as dialog konstruktiv me opozitën.

“Ne kemi një rënie ekonomike, gjendje të rëndë sociale, kemi papunësi ekstreme të madhe. Dhe, elemente të tjera shumë të prekshme që tregojnë për ngecjen e trendëve të zhvillimit dhe perspektivës në Kosovë, gjë që ka ndikuar, madje edhe në brishtësinë e raporteve dhe brenda vetë partnerëve qeverisës- pozitës së tanishme, e të mos flasim tani për raportet akoma më të acaruara në mes të pozitës dhe opozitës”, u shpreh ai.

“Kemi të bëjmë me një nga qeveritë më joserioze, jobashkëpunuese dhe nga më të dobë- tat që ka pasur vendi që nga pas lufta e deri më tani”, tha nënkryetari i AAK-së, Ahmet Isufi. Edhe analistët politikë, barrën më të madhe të përgjegjësisë ia adresojnë politikës në pushtet, ndonëse nuk amnistohet as opozita.

“Fajin ekskluzivisht e ka Qeveria, pasi udhëheq me vendin, dhe për çdo neglizhencë përgjegjësia bie mbi institucionet e vendit, përkatësisht bartësit e tyre. Kosova aktualisht në kuptimin e shtyrjes së proceseve politike lëngon shumë rëndë, kjo më shumë vjen për shkak të pap?rgjegjshm?risë politike dhe mosprofesionalizmit të caktuar. Nëse iu referohemi dy çështjeve të mëdha, siç janë liberalizimi i vizave dhe çështja e demarkimit, del se fajin thelbësor e ka politika e papërgjegjshme dhe mosgatishmëria e tyre për t’iu dhënë pozitivitet këtyre dy proceseve, çka përbëjnë edhe kushte themelore për përfshirjen e Kosovës në struktura ndërkombëtare”, theksoi ai