Shiu, i cili ka filluar të bie sot gjatë ditës ka filluar të paraqet probleme nëpër disa fshatra të Komunës së Rahovecit duke e përfshi edhe qytetin.

Për këtë arsye kryetari i Komunës së Rahovecit Idriz Vehapi, ka kërkuar nga Muhamet Behra, DShP dhe Bislim Morina, DMSh që të koordinohen me institucionet të tjera siç është KRU “Radoniqi” njësia në Rahovec dhe në Prizren, që të jenë në gjendje gatishmëri.

Sipas drejtorive përkatëse, kërkesa për të intervenuar ka pasur në fshatin Dobidol dhe në fshatrat të tjerë po ashtu edhe në rrugët “Xhelal Hajda-Toni” dhe në rrugën “Sylejman Vokshi”, në qytetin e Rahovecit.

Situata sa u përket vërshimeve në Komunën e Rahovecit është nën kontroll dhe ekipet janë në teren dhe në vazhdimësi janë duke punuar në evitimin e përmbytjeve.

Sipas drejtorit Muhamet Behra, niveli i ujit ka filluar të ulët dhe nga kjo mund të thuhet se edhe rreziku i vërshimeve është zvogëluar.

Ai thotë po ashtu se në të ardhmen, në vendet ku është paraqitur rreziku nga vërshimet do të intervenohet që në të ardhmen të mos ketë rrezik nga vërshimet. /PrizrenPress.com/

Rënia e pandërprerë e shiut, gjatë ditës së sotme, ka bërë që të rritet niveli i ujit në lumin Mirusha, por edhe në përroska.

Sipas të dhënave nga drejtoria për Mbrojtje dhe Shpëtim, uji ka depërtuar në shkollën fshatit Burim, ku është dashur të intervenojnë ekipet e zjarrfikësve dhe shpëtimit, ndërsa mësimi është ndërprerë në atë shkollë, thuhet në një komunikatë të Komunës së Malishevës.

Momentalisht, uji ka bllokuar rrugën Malishevë-Duhël dhe rrugën Mirushë-Gurbardh. Tek liqeni në Mirushë, uji ka mbuluar urën dhe si pasojë është bërë e pakalueshme rruga për në fshatin Gurbardh.

Po ashtu, uji ka depërtuar edhe në disa shtëpi banimi në qytetin e Malishevës, kryesisht në bodrume.

Gjendja aktuale është nën kontroll, por luten qytetarët që të mos lëvizin pa nevojë, pasi sasia e ujit në lum dhe përroska, është ende e madhe. Sipas drejtorit të Drejtorisë për Mbrojtje dhe Shpëtim, Sejdi Paçarizi, ekipet emergjente janë në gatishmëri të plotë deri në qetësimin e situatës. /PrizrenPress.com/

Kryetari i Nismës për Kosovën, Fatmir Limaj ka deklaruar se vazhdimi i përdorimit të gazit lotsjellës në seancat e Kuvendit është i panevojshëm.

“Vazhdimi i përdorimit të gazit në seancat e Kuvendit mendoj se është i pa nevojshëm”, ka thënë Limaj për IndeksOnline, duke paralajmëruar një formë të re të kundërshtimit të qeverisë.

Sipas tij, opozita duhet ta trajtojë seriozisht qëndrimin në Kuvend.

“Ndoshta ka ardhur koha që opozita ta trajtoj seriozisht qëndrimin e saj te mëtutjeshëm në Kuvend”, ka thënë kreu i Nismës për Kosovën.

“Pas krejt asaj që ka ndodhur deri më tani, e posaçërisht tashmë kur ekziston vendimi i Gjykatës që i dha të drejt opozitës së marrëveshja e parimeve e nënshkruar në Bruksel është në kundërshtim me frymën kushtetuese”, arsyeton Limaj.

Tutje ai thotë se kjo qeveri është shkelëse e Kushtetutës, ky Kuvend e ka humb legjitimitetin e vet dhe e vetmja zgjidhje është që vendi të shkoj në zgjedhje.

Për formë të re të veprimit të opozitës, ka folur sot për Gazetën Express edhe nënkryetari i AAK’-së, Adrian Gjini.

Ai ka treguar se AAK-ja po shqyrton edhe mundësinë e largimit nga Kuvendi, si formë e kundërshtimit opozitar.

Reshjet e shiut kanë shkaktuar vërshime në disa komuna të Kosovës.

Edhe Suharekën e ka kapluar vërshimi, shkruan Gazeta Express.

Komunat më të prekura nga këto vërshime janë ajo e Pejës, Skenderajt, Prizrenit, Malishevës, etj.

Përsos shiut, në vendet malore, ka pasur edhe reshjeve të borës.

Si pasojë e reshjeve të shiut, pjesë të ndryshme të Kosovës, gjatë ditës së sotme janë duke u ballafaquar me vërshime.

Përveç raportimeve se Peja është qyteti që po ballafaqohet me gjendje të rëndë, në adresë të Telegrafit kanë ardhur pamje që tregojnë se edhe Malisheva po ballafaqohet me një gjendje të tillë.

Një lexues i Telegrafit ka dërguar pamjet, të cilat sipas tij janë bërë në Bajë të Malishevës.

https://www.facebook.com/telegraficom/videos/1278561152160258/