“Sa i përket korrupsionit dhe shkallës, me të cilën janë të zhytur zyrtarët politikë, kjo gjë varet vetëm nga posti udhëheqës. D.m.th. aty ku u është krijuar mundësia më e vogël, zyrtarët e Kosovës e kanë shfrytëzuar, duke krijuar mirëqenie të madhe dhe duke siguruar kapital milionësh, gjë që Prokuroria e EULEX-it nuk është dashur t’i lejojë kaq gjatë të qeverisin Kosovën”, shprehet analisti Shefqet Dibrani

Tash e 16 vjet me radhë Kosova po nëpërkëmbët nga politikanët që ia duan të keqen këtij vendi dhe në vend që të prodhojë stabilitet, siguri e zhvillim, po prodhon dhe njeh vetëm kriza të njëpasnjëshme, politikanë të korruptuar. Duket se faji për gjithë këtë dështim i ka klasa e dështuar politike, e cila e ka kapur shtetin dhe çdo por të jetës.

Njohësi i mirë i çështjeve të politikës, Shefqet Dibrani, thotë se fajtorët për dështimet e shumta të shtetit janë gjithfarësh.

“Natyrisht këta që janë zvarritur nga posti në post, qoftë në nivel shtetëror apo partiak, janë përgjegjësit kryesor. Derisa në LDK ka pasur ndryshime rrënjësore, sidomos pas vdekjes së dr. Rugovës, në PDK elementet udhëheqës janë konstant. Ato pak mospajtime brenda PDK-së, ngjasojnë me përpjekjet e fraksioneve brenda LDK-së për të gjallë të Dr. Rugovës. Kjo analogji na sjell tek konstatimi se përgjegjës kryesor të krizës në Kosovë janë strukturat e PDK-së të njohura e përfolura si SHIK, ndërsa brenda LDK-së kryesisht është instaluar mendësia përjashtuese dhe përçarëse e cila si protagonist të saj e ka dr. Bujar Bukoshit”, thotë ai për “Kosova Sot”.

Frika nga Gjykata Speciale

Dibrani tutje shton se si SHIK-u, ashtu edhe Bujar Bukoshi, janë dy elemente që e kanë shkatërruar Kosovën.

“Nëse në PDK kanë vepruar strukturat e SHIK-ut të cilat kanë bërë kërdinë nëpër Kosovë, strukturat e Bujar Bukoshit kanë bërë të njëjtën kërdi, por veprimtaria e tyre është fokusuar brenda LDK-së, ndryshime këto që lidhen drejtpërdrejt me kohën e udhëheqjes së dr. Fatmir Sejdiut, përmes të cilit u futen pa vështirësi në radhët e LDK-së, ku kjo parti komplet përfundoi në duart e Bujar Bukoshit. Fillimisht dr. Bujar Bukoshi do të rehabilitohet në Familjen Rugova dhe më pas përmes mekanizmave të tij do të arrin ta futi brenda LDK-së z. Isa Mustafa. Sot z. Isa Mustafa ia ka ndryshuar tërësisht konceptin dhe vizionin politikës paqësore, shtetndërtuese dhe unifikuese filozofisë së dr. Ibrahim Rugovës, koncept ky që kishte investuar për vitet të tëra, prandaj krimi politik dhe ekonomik tashmë po e bënë të veten edhe brenda kësaj partie, në të cilën më nuk funksion asnjë nga postulatet e konceptit të dr. Rugovës”, mendon ai.

Dibrani mendon se nuk mund të krijohet stabilitet politikë, as 16 vjet pas luftës për shkak se kemi një kryeministër që nuk përfillë askënd.

“Si mund të prodhojë stabilitet politik një kryeministër mbi të cilin rëndojnë një bagazh veprash, disa prej të cilave flitet se janë të proceduara edhe tek prokurori i shtetit dhe ai në EULEX.

Por, nëse gjërat i shikojmë me një sy kritik, tek partnerin qeverisës PDK-ja gjendja është shumë më e rënduar, veçmas nga frika se Gjykata Speciale do të merret me disa sish. Por, do të jetë e dhembshme dhe me pasoja nëse kjo mund të ndodhë me Presidentin e ardhshëm të Kosovës”, thotë ai.

Brezi i politikanëve që nuk e kanë dert përgjegjësinë!

Fajin që Kosova është në këtë krizë të thellë politike duhet kërkuar te politikanët uzurpatorë që kanë kapur shtetin, mendon Dibrani, i cili shton se kjo kastë politike nuk ka lënë ligj dhe statut partiak pa e shkelur dhe e kanë uzurpuar edhe postin e Presidentit, atë të kryekuvendarit dhe postin e kryeministrit. /Kosova Sot/

Konfrontimi i ish-drejtuesve të UÇK-së për të marrë medalje 17 vjet pas luftës, duke akuzuar njëri-tjetrin, konsiderohet i panevojshëm dhe i pasinqertë. Analistët politikë thonë se lufta është bërë me disa gabime, ndërsa shkas i përplasjeve mund të jetë Gjykata Speciale

Ata që dikur luftuan përkrah njëri-tjetrit për çlirimin e Kosovës, sot janë shndërruar në armiq, duke sulmuar virtualisht njëri-tjetrin për tradhti ndaj shokëve. Akuzat e ndërsjella, sipas analistëve politikë, por edhe ish-guerilëve të UÇK-së, janë të panevojshme dhe të pasinqerta, aq më pak që lidhen me koncepte politike.

Drejtor ekzekutiv i Këshillit për Mbrojtjen e të Drejtave dhe Lirive të Njeriut (KMDLNJ), Behxhet Shala, ka thënë për “Zërin” se KMDLNJ-ja ka reaguar dhe ka kërkuar që ish-luftëtarët e UÇK-së duhet të jenë më të përmbajtur, pasi, sipas tij, të gjithë këta persona që janë përfshirë në këtë debat dikur kanë qenë bashkëluftëtarë dhe kanë rrezikuar jetën për njëri-tjetrin.

Shala konsideron se kjo nuk është aspak e dinjitetshme dhe se nuk është në dobi të askujt.

“Këto nuk po bëhen për ta treguar një të vërtetë, por për ta sulmuar njëri-tjetrin. Realisht po duket që po keqpërdoret lufta për qëllime politike… ata po vlerësojnë se ka ardhur momenti kur duhet të eliminohen politikisht për të realizuar interesa të caktuara”, është shprehur Shala.

Shkas i përplasjeve, Gjykata Speciale

Më tej ai ka thënë se nuk e lidh këtë konfrontim me Gjykatën Speciale, por thotë se duhet ta kemi parasysh faktin që nëse këta që deri dje kanë qenë në gjendje ta japin jetën për njëri-tjetrin tani të dalin kundër njëri-tjetrit, çfarë mund të thonë dëshmitarët e mbrojtur.

I pari i KMDLNJ-së, gjithashtu, ka thënë se kjo nuk është goditje për UÇK-në ashtu siç nuk kanë qenë as uzurpimet e keqpërdorimet tjera që janë bërë pas luftës në emër të UÇK-së/zeri/

Europol nuk kanë kompetenca direkte të arrestimit, prandaj edhe nuk është i përfshirë në asnjë mënyrë në arrestimin e mundshëm të ish-pjesëtarëve të UÇK-së të dënuar me nga 15 vite burg për krime lufte nga një Gjykatë në Nish të Serbisë.

Alexandru Niculae (Aleksandru Nikilli), nga zyra për Informim e Europolit, ka thënë për Tribuna Channel se ky mekanizëm nuk ka kompetenca ekzekutive që të mund të ekzekutojë urdhër arrestimi.

“Europol është i përfshirë në vendimet e gjykatave të çfarëdo lloji. Roli i Europolit është të mbështesë hetimet penale të udhëhequra nga 28 shtetet anëtare të BE-së”, ka sqaruar ai.

Një Gjykatë në Nish të Serbisë, ka “dënuar” me vendim të formës së prerë, me masë burgimi prej 16 vitesh, ish pjesëtarët e UÇK-së: Rrustem Berisha, Anton Quni, Xhafer Gashi, Shiqer Maloku, Demë Maloku, Demush Gacaferi, Agron Jusufi dhe Rabit Alija

Avokatët thonë se Kosova duhet të reagojnë që këta emra të mos përfundojnë në listat e Interpolit.