Një aksident trafiku ka ndodhur mbrëmë rreth orës 20:55 në rrugën “Remzi Ademi” në qytetin e Prizrenit.
Policia e Kosovës njofton se i dyshuari duke lëvizur me veturën Audi B8 nga pakujdesia dhe mospërshtatja e shpejtësisë se lëvizjes me kushtet e rrugës ka goditur veturën VW Passat të cilën e drejtonte një mashkull.
Si pasojë e aksidentit lëndime trupore ka pësuar drejtuesi i automjetit Passat dhe i njëjti ka pranuar tretman mjekësor. /PrizrenPress.com/
Kryetari i lëvizjes për Reforma – Partia Demokratike Shqiptare Ziadin Sela ka theksuar se një nga angazhimet e tij parësore do të jetë zgjidhja e statusit të familjeve të dëshmorëve, invalidëve të luftës dhe veteranëve të UÇK-së, informon INA.
Ai këtë e ka theksuar në Shipkovicë të Tetovës, ku shtoi se si mundet që “branitellat” të gëzojnë status special, derisa ushtarët e UÇK-së, shumica prej tyre kanë ngelur në gjendje të mjerueshme dhe pa shpresë.
Sipas kreut të LR-PDSH, Ali Ahmeti që thirret në UÇK i la pa dinjitet ushtarët e kësaj ushtrie kombëtare, ndërsa realizoi planet e “branitellave”.
Në kalanë e Prizrenit pati mysafirë nga vende të ndryshme të Kosovës.
Në ditëlindjen e shtetit të Kosovës këtë vit pati më shumë vizitorë se herëve të tjera.
Atmosfera ishte nxehur edhe në qendër tek Shadërvani.
Ata që po festonin nuk e kishin mendjen tek protesta që po mbahej në Prishtinë.
Ndërkohë kishin filluar edhe përgatitjet për koncertin që nisi në orën 20 e skena ishte e rezervuar për artistët nga Prizreni.
Pjesëmarrësit i argëtoi me këngë e valle ansambli “Lidhja e Prizrenit”.
E gjithë dita e festës kaloi e qetë.
Sipas zëdhënësit të policisë së rajonit të Prizrenit, Hazir Berisha, nuk u regjistrua asnjë incident ku kishte organizime për festë. /Klan Kosova/
Është vështirë të imagjinohet se si Mozart dhe Adele ulen në një dhomë dhe punojnë për melodinë e një kënge hit së bashku.
Grupi “The Piano Guys” e kanë bërë këtë në vend të tyre, duke i bashkuar dy kryevepra të këtyre muzikantëve, “Hello” dhe “Lacrimosa”, në një kompozim të mrekullueshëm.
Dëgjojeni më poshtë.
Avokatja Eni Cobani, e njohur në publik për emisionin “Shihemi në Gjyq” , është paditur rreth një javë më parë në prokurorinë e Korçës për mashtrim nga shtetasja Valbona Hasankolli, e cila ka pretenduar se është mashtruar prej avokates të cilën e ka pasur si përfaqësuese në një çështje.
Valbona Hasankolli tha se padinë e ka bërë rreth një javë më parë sepse avokatja i ka marrë 3.5 milionë lekë të vjetra për një çështje e cila është pushuar në gjykatë.
Duke sqaruar me detaje marrëdhënien e saj me avokaten Eni Çobani, ajo thekson se: “Kam pësuar një dëmtim në punë dhe për këtë çështje kam marrë avokaten Eni Çobani që të më përfaqësojë në këtë çështje. Hasankolli tha për Citynews se: “Janë zhvilluar disa seanca dhe nga ana e avokates Çobani mu tha se unë e kisha fituar çështjen, ndërkohë informohem se çështja është pushuar”.
Vlabona Hasankolli tha se është takuar me avokaten Eni Çobani në Tiranë. Kjo e fundit i ka kërkuar asaj një shumë tjetër lekësh për të vazhduar çështjen penalisht.
Ndërsa Valbona Hasankolli u shpreh se ka kryer një padi ndaj avokates Eni Çobani. Valbona tha se ndihej e mashtruar nga avokatja Çobani.
Pasi i kishte marrë një shumë prej 3.5 milionë e kishte njoftuar se ajo kishte fituar gjyqin,ndërsa çështja ishte pezulluar. Mësohet se padia është bërë në prokurorinë e Korçës ndërsa së fundmi është transferuar në Tiranë. /Citynews/
Kyeministri i Kosovës, Isa Mustafa, në mbledhjen e Qeverisë foli ka folur për vendimin e Serbisë dje për dënimin e tetë ushtarëve të UÇK.
Ai tha se për të bërë këtë s’ka kompetenca asnjë gjykatë. Mustafa tha se asnjë gjykatë më Serbi s’ka të drejtë të dënoj ushtarët e Kosovës, raporton Tribuna.
Mustafa tha se si Qeveri do të kërkojnë nga ndërkombëtarët që të ushtrojnë trysni ndaj Serbisë.
“Asnjë vendim i djeshëm i Serbisë ndaj eprorëve ushtarë s’do të ketë ndikim dhe s’do të zbatohet. Kosova është shtet i pavarur dhe për Serbinë qytetarët e Kosovës janë qytetarë të huaj”, tha Mustafa.
Analistët komentojnë protestën e opozitës. Isa Mustafa e Hashim Thaçi t’u hapin rrugën zgjedhjeve të reja
Protesta e djeshme e opozitës së bashkuar, e cila ishte ndër më masivet deri më tani, me kërkesën kryesore të dorëheqjes së kësaj qeverie, si ndëshkim ndaj marrëveshjeve në dëm të shtetit, ndëshkim ndaj instalimit të krimit të organizuar dhe korrupsionit në vend, komentohet si goditje e rëndë për Qeverinë aktuale të Kosovës.
Analistët politikë theksojnë se dorëheqja e kësaj qeverie është e pashmangshme. Kundërshtimi pa argumente i qeverisë për të mos u dorëhequr, që u bë vetëm disa minuta pas përfundimit të protestës së djeshme nga analistët politikë, cilësohet vetëm si një provokim i radhës i Qeverisë së papërgjegjshme dhe blerje kohe, por që gjithsesi do të përfundojë më largimin e saj nga vetë qytetarët.
Analisti politik Albrim Badallaj shpreson që pavarësisht arrogancës me të cilën po sillet pushteti, pa vonesë të madhe, ky lidership qeverisës i papërgjegjshëm të bindet se është pjesë e një shoqërie në tranzicion dhe tranzicionet, pavarësisht se janë të dhimbshme, duhet të ndodhin edhe në kërkim të një qeverisje më të mirë, ashtu sikur e dëshiron qytetari.
“Fillimisht shpresoj që kjo shoqëri në tranzicion të jetë e pjekur në veprimet e saj dhe qëllimet njëkohësisht, duke mos ia kthyer në të njëjtën formë Mustafës, siç ai bënë me qytetarët, sepse ky shtet është i popullit dhe jo i pushtetarëve”, është shprehur ai për “Kosova Sot”. /KS/
Lëvizja Vetëvendosje ka reaguar ndaj arrestimit të sekretarit organizativ Dardan Molliqajt, duke thënë se “regjimi në largim, nga paniku arrestoi Molliqajn”.
VV-ja në komunikatën ka thënë se protesta e djeshme ia ka bërë të qartë Isa Mustafës dhe Hashim Thaçit se ditët e këtij regjimi antipopullor janë të numëruara.
“Prandaj, në panik e sipër ata po përdorin të gjithë aparatin e dhunës si mjeti i fundit për të mbajtur në këmbë regjimin e tyre te delegjitimuar. Nuk ka dhunë që mund ta ndalë frontin e gjerë shoqëror të rezistencës që është ngritur kundër këtij regjimi”, thuhet në komunikatë.
Vetëvendosje ka kërkuar largimin e menjëhershëm të Molliqajt dhe aktivistëve tjerë që po mbahen të burgosur.
Deri në lirimin e të gjithë aktivistëve dhe deri në ditën e largimit të këtij regjimi shtypës policor, në Kosovë nuk mund të ketë drejtësi dhe qetësi”. /PrizrenPress.com
Një tërmet me magnitudë 3 ballë është ndier gjatë orëve të para të ditës së enjte në qytetin e Vlorës, atë të Fierit, të Durrësit madje edhe në kryeqytet.
Sipas të dhënave të Qendrës Sizmologjike Europiane, epiqendra e tërmetit ka qenë në detin Adriatik, rreth 34 kilometra në jugperëndim të qytetit të Vlorës.
Tërmeti i parë është shoqëruar edhe nga disa lëkundje më të lehta. Nuk ka të dhënë për dëme materiale.
Rreth 30 minuta para lëkundjeve të regjistruara në qytetin e Vlorës, ishulli i Kretës në Greqi është goditur nga një tërmet më i fuqishëm, 4.7 ballë, por pa shkaktuar persona të lënduar apo dëme materiale./TCH
Policia e Kosovës në orët e mëngjesit ka arrestuar anëtarin e lëvizjes Vetëvendosje, Dardan Molliqaj.
Daut Hoxha, zyrtar për informim në Policinë e Kosovës ka konfirmuar për Telegrafin se Policia ka zbatuar urdhër arrestin ndaj personit në fjalë, dhe i njëjti është arrestuar në orët e mëngjesit.
Telegrafi mëson se ai është arrestuar në banesën e tij, prapa kinemasë ABC.
Dardan Molliqaj është kërkuar nga Policia e Kosovës, për “prishje të rendit dhe qetësisë publike, si dhe dëmtimin e veturave zyrtare”.
Molliqaj është larguar nga jeta publike që nga protesta në Prishtinë në të cilën ai u pa duke e nxjerrë nga vetura zyrtare këshilltarin e ministrit Memli Krasniqi, Shasivar Haxhiajn, ndërsa të mërkurën u rikthye duke iu drejtua masës në protestën e organizuar nga opozita.