Mbrëmë është zhvilluar debati i radhës në mes të dy kandidatëve për President të Shteteve të Bashkuara të Amerikës nga radhët e Demokratëve – Hillary Clinton dhe Bernie Sanders.

Clinton e Sanders janë përplasur për disa çështje, siç janë politikat shëndetësore dhe politika e jashtme, por debati më i ashpër është zhvilluar se kush është pro e kush kundër, Presidentit të tanishëm të SHBA-ve, që vjen nga radhët e Demokratëve, Barack Obama, njofton Klan Kosova.

Hillary Clinton ka thënë se Bernie Sanders e ka kritikuar shumë shpesh qasjen e Obamës dhe politikat e tij, madje ajo tha se Sanders e ka quajtur Presidentin aktual të dobët dhe më mbiemra të tjerë jo të hijshëm.

“Këto lloj kritikash i pres nga Republikanët, por jo nga senatori Sanders”, ka thënë Clinton.

Sanders është përgjigjur se ai ka qenë në vazhdimësi përkrahës i Obamës dhe i ka ndihmuar në vazhdimësi atij, por ka thënë se kur duhet të kritikohet dikush, ai nuk heziton ta kritikojë as Obamën.

“Në mes nesh është vetëm njëri që ka garuar kundër Presidentit Obama, dhe ai nuk jam unë”, ka ironizuar Sadners.

Në debatin e organizuar nga televizioni publik PBS NewsHour, të shtatin me radhë mes Demokratëve, është diskutuar edhe për reformën e migrimit dhe për 11 milionë njerëzit që qëndrojnë ilegalisht në Amerikë. Sanders ka thënë se nuk do ta deportonte asnjë nga vendi dhe me këtë është pajtuar edhe ish-sekretarja Clinton.

Normalisht nuk është lënë pa u diskutuar edhe për temën favorite të senatorit nga Vermonit – Wall Street-in.

Ai përsëri ka përmendur faktin se në Amerikë ka një sistem të korruptuar zgjedhor, ku të pasurit financojnë kampanjat e politikanëve dhe më pas i influencojnë ata.

Clinton, e cila ka mbështetje nga donatorët e mëdhenj, është kundërpërgjigjur se jo domosdoshmërisht nëse ndihmohesh me para nga pasanikët edhe influencohesh nga ata dhe ka përmendur Obamën, i cili përkundër se kishte donatorë të mëdhenj iu vu pas atyre, kur ishte e nevojshme.

Shtetet e radhës të cilat votojnë, janë Nevada dhe Karolina Jugore, të dyja vende këto me popullsi kryesisht hispanike dhe afro-amerikane, prandaj është diskutuar edhe për barazinë para ligjit të të gjitha racave që jetojnë në Amerikë.

Sanders ka thënë se është e pakuptimtë se si burgjet në vend janë të mbushura kryesisht me afro-amerikan, ku vetëm në shtetin e Karolinës Jugore çdo i katërti adoleshent me ngjyrë përfundon në burg.

Sanders ka premtuar se nëse zgjedhet President ai do ta ndryshojë sistemin duke krijuar më shumë qendra edukimi dhe duke zvogëluar numrin e të burgosurve në vend.

Ndërsa Clinton, e cila u mundu të paraqitet mirë, pas humbjes së thellë që e pësoi në New Hampshire para pak ditësh, tha se Sanders do ta rrisë për nga numri i personelit administratën shtetërore deri në 40 për qind, nga sa është tani.

Votimet në Nevada e Karolinën Jugore do të jenë shumë të rëndësishme, sidomos për Bernie Sanders, i cili, sipas sondazheve, nuk përkrahet shumë as nga komuniteti afro-amerikan e as nga hispanikët.

Fuqitë botërore, kanë rënë dakord që të të bëjnë armëpushim mbarëkombëtar në Siri, duke filluar javën që vjen, shkruan The Guardian, transmeton Klan Kosova.

Një vendim i tillë është marrë gjatë mbrëmjes të së enjtes në mes Amerikës, Rusisë e fuqive të tjera botërore në Mynih të Gjermanisë.

Pezullimi i konfliktit nuk vlen për luftën kundër grupeve xhihadiste të Shtetit Islamik.

Marrëveshja në mënyrë eksplicite e përjashton Shtetin Islamik dhe frontin al-Nusra, lufta kundrejt të cilëve do të vazhdojë.

Në anën tjetër, qeveria siriane dhe grupet e tjera opozitare nuk e kanë konfirmuar se janë të gatshëm t’i përmbahen armëpushimit.

Më shumë se 250,000 njerëz janë vrarë gjatë 5 viteve të fundit në luftën në Siri.

Mbrëmjen e së enjtes, “Fiks Fare” trajtoi problemin e shkarkimeve dhe emërimeve politike. Si ndikojnë zgjedhjet në emërimet dhe shkarkimin e punonjësve të administratës, hera-herës edhe pa jua komunikuar zyrtarisht.

Gazetarja e “Fiks Fare” shkoi në Rubik në familjen e zonjës Dava Kola. Ajo kërkoi ndihmën e emisionit për një padrejtësi që pretendon se i është bërë me vendin e saj të punës.

“Unë kam mbi 30 vite pune në shtet, duke punuar si përgjegjëse e një çerdheje në Rubik. Jam shkarkuar nga ky pozicion më 15 gusht 2015 me urdhër të administratores së njësisë bashkiake Rubik, e cila ma tha gojarisht se unë nuk do të jem më përgjegjëse, por do të më kalonte si kujdestare çerdheje. Unë mendoj se arsyeja është politike. Ne kemi marrë pjesë në votimet e fundit, por ajo më ka akuzuar se nuk ka votuar për Partinë Socialiste. Unë vazhdova të mbaja pozicionin që kisha më parë dhe i kërkova zonjës të ma sjellë me shkrim lëvizjen time nga ai pozicion. Por, më pas më erdhi letra, por jo për zhvendosje, por për shkarkim nga puna. Unë tashmë jam e papunë”, shprehet zonja Dava Kola.

Pas kësaj që tha zonja Dava Kola gazetarja e “Fiks Fare” mori edhe një regjistrim audio, të bërë në zyrën e zonjës Flora Jushi, administratore e njësisë bashkiake Rubik.

Bisedë në zyrën e administratores Flora Jushi

Dava Kola: Kam qenë përgjegjëse e sot s’do jem…

Flora Jushi: Unë jam këtu me ba punën e shtetit…

Dava Kola: Po, si keni marrë super xhiro?

Flora Jushi: Atëherë, detyrat e punonjësve të çerdhes….ja detyrat, meqenëse e doshe jo ashtu si ishte në dritare…po mua më erdhi turp me e bë shumë zyrtare.

Dava Kola: Jo.

Flora Jushi: Një, e kemi shkru përgjegjse…tashti, unë do përgjigjem more dikund.

Dava Kola: Po, dakord.

Flora Jushi: Ashtu…Ky pozicion, jo Flora, se mund të mos jem unë këtu…Mbroj veten unë.

Dava Kola: Jo s’kam punë me ty.

Flora Jushi: Nuk më kuptove, unë do të mbrojë veten…

Dava Kola: Unë desha sqarim zyrtar prej teje.

Flora Jushi: Ti mos mban me fol…po a e din si asht e keqja? Flora nuk ka dasht me lef…sepse hajde ta normojmë, po e normojmë aty s’ka vend…po ka qenë o Dav…A e di si ka qene? Për të hek Davën qafe…je tu m’kuptu?

Dava Kola: Si pa kuptim asht.

Flora Jushi: A të lutem…po ka qenë pa kuptim pra.

Dava Kola: Po t’i a je t’u mpas frikë mu?

Flora Jushi: Jo, unë jo.

Flora Jushi: Sa herë të ndërrohen pushtetarët, vu njena lagje, vu tjetra…tashti… dhe në fund fare, që unë nuk e kam prit p[rej teje, po prit moj ta tregoj si ka qenë. Se Endrini jot s’ka ardh hiç me votu simjet… a kujton se unë e di që kalamajtë s’kanë ardh me votu? Do hap listat 99% nuk ka votu.

Dava Kola:Po, ka votu.

Flora Jushi: S’ka ardh. Unë jam ma socialiste se ty. Unë hala skam shku kund me than.

Dava Kola: Të tjerët shtojnë, unë s’di gja…

Zonja Flora Jushi edhe për gazetaren e “Fiks Fare” u shpreh se Dava Kola është kujdestare edhe pse në dokumente ajo është përgjegjëse e çerdhes. Ndërsa për shkarkimin e saj, administratorja ka thënë se ajo braktiste punën. Flora Jushi shprehet se kurrë nuk i ka pyetur punonjëset e çerdhes për përkatësitë e tyre politike edhe pse në regjistrim ajo i thotë Dava Kolës se djemtë e saj nuk kanë votuar. /Top Channel