Avokatët e Xhelal dhe Arben Berishës e kanë njoftuar gjykatën se nuk mund të jenë të pranishëm në seancën e sotme për shkak se kanë rast vdekje në familje.

Seanca e sotme gjyqësore për kontestin rreth shtëpisë së familjes së Shyhrete Berishës në Suharekë është shtyrë për shkak të vdekjes së vjehrrës së saj.

Pikërisht e ndjera ka qenë e planifikuar që të dëshmojë në seancën e sotme.

Bashkë me bijtë e saj, Xhelalin dhe Arbenin, Bahrije Berisha pretendonte se reja e saj Shyhretja, e cila humbi në luftë burrin dhe katër fëmijët, nuk ka të drejtë ta trashëgojë shtëpinë e familjes në Suharekë.

Shyhretja e cila po këmbëngul në këtë të drejtë, tash e shumë vjet është duke ndjekur rrugën ligjore përmes gjykatës për ta marrë shtëpinë.

Avokatët e Xhelal dhe Arben Berishës e kanë njoftuar gjykatën se nuk mund të jenë të pranishëm në seancën e sotme për shkak se kanë rast vdekje në familje.

Të pranishëm në seancë ishin vetëm avokati i Shyhrete Berishës, Naim Qelaj, i cili u njoftua nga gjykatësi Shaban Zeqirja, se seanca e sot nuk mund të mbahet.

“Seanca e sotme nuk mbahet pasi që të autorizuarat e palëve të paditurve e kanë njoftuar gjykatën se nëna e të paditurve Xhelal Berisha ka vdekur dhe për këtë arsye kanë kërkuar që të shtyhet seanca e sotëm dhe të caktohet për një datë tjetër”, tha Zeqirja.

Avokati Qelaj tha për KALLXO.com se ka qenë e pranueshme që të shtyhet seanca.

Ai tha se vdekja e vjehrrës së Shyhrete Berishës nuk ndikon në procesin gjyqësor.

“Nuk ndikon fare në proces, pasi që ka qenë vetëm dëshmitare dhe jo palë në procedurë”, tha avokati Naim Qelaj.

Shyhrete Berisha i ka mbijetuar masakrës së forcave serbe të 26 marsit 1999, në të cilën asaj iu vranë bashkëshorti dhe katër fëmijët, më i riu prej të cilëve ishte nën dyvjeçar, ndërsa vetë ajo mbeti e plagosur.

Mirëpo, pas luftës, më 2001 ajo nisi një betejë gjyqësore me kunatin e saj, Xhelal Berisha, i cili i mori shtëpinë në të cilën Shyhretja kishte jetuar me familjen e saj deri në ditën e masakrës.

Seanca e ardhshme u caktua me 8 korrik.

Trupi gjykues i Gjykatës Themelore të Prizrenit Departamenti i Krimeve të Rënda pashpallur aktgjykimin lirues ndaj 9 personave të akuzuar për keqpërdorim të pozitës zyrtare.

Të akuzuarit, me inicialet I.B. R.E. I.M. H.M. S.B. S.B. Sh.Sh. N.A. dhe V.H. nga Prizreni, akuzohen se me 16 shtator 2013, në cilësi të personave zyrtarë, si anëtarë të këshillit drejtues të shkollës së mesme “Ymer Prizreni” në Prizren, në kundërshtim me nenin 11 parag. 1, dhe paragrafin 2.13 të udhëzimit administrativ mbi aktivitetet jashtë shkollore me nr.27/2013, kanë marrë vendim për realizimin e ekskursionit në këtë mbledhje të këshillit drejtues dhe haptas kanë favorizuar kompaninë turistike “Bashkimi Reisen”.

Emisioni “Drejtësia në Kosovë” ka raportuar se Luan Delili kishte luajtur rolin e sekserit në mes të prokurorit tashmë të suspenduar, Bajram Hamitaga, dhe familjes së të akuzuarit Granit Paqarizi.

Luan Delili, shoferi i Prokurorisë së Prizrenit, për të cilin emisioni “Drejtësia në Kosovë” raportoi se kishte luajtur rolin e sekserit në mes të prokurorit tashmë të suspenduar, Bajram Hamitaga, dhe familjes së të akuzuarit Granit Paqarizi, është shkarkuar nga detyra.

Emisioni “Drejtësia në Kosovë” ka raportuar se Luan Delili kishte luajtur rolin e sekserit në mes të prokurorit tashmë të suspenduar, Bajram Hamitaga, dhe familjes së të akuzuarit Granit Paqarizi.

Luan Delili, shoferi i Prokurorisë së Prizrenit, për të cilin emisioni “Drejtësia në Kosovë” raportoi se kishte luajtur rolin e sekserit në mes të prokurorit tashmë të suspenduar, Bajram Hamitaga, dhe familjes së të akuzuarit Granit Paqarizi, është shkarkuar nga detyra.

Siç pati raportuar “Drejtësia në Kosovë”, Luan Delili kishte ndërmjetësuar në mes të familjes së të akuzuarit Granit Paqarizi dhe prokurorit Bajram Hamitaga, i cili është suspenduar pas transmetimit të emisionit.

Sipas të gjeturave të emisionit “Drejtësia në Kosovë”, prokurori Bajram Hamitaga dyshohet se u ka kërkuar mito familjarëve të Granit Paqarizit, të cilin e kishte akuzuar për vrasje të rëndë në tentativë.

Po ashtu, Hamitaga dyshohet se duke shfrytëzuar pozitën e tij si prokuror kishte kërkuar favore nga familjarët e të akuzuarit duke rregulluar kositëse të barit tek prindi i të akuzuarit pa paguar për shërbimin e marrë.

Gjithashtu Hamitaga e ka pranuar se e kishte pranuar edhe një çadër për kopsht nga familja e Granit Paqarizit, por të njëjtën e kishte kthyer një ditë më vonë./kallxo.com/

Deputeti i Nismës për Kosovën, Zafir Berisha, ka vlerësuar se kthimi i opozitës në Kuvend ka rrezik që t’ia zgjasë jetën Qeverisë aktuale. Ai ka thënë se pa opozitën koalicioni PDK-LDK nuk ka arritur ta bëjë as kuorumin në Kuvendin e Kosovës.

“Kthimi i opozitës në Kuvendin e Kosovës, po dyshoj se nuk është mirë i analizuar, sepse duke mos marrë pjesë opozita në seanca u pa fytyra e vërtet e koalicionit Thaçi/Mustafa/Vuçiq, të cilët nuk ishin në gjendje të kenë as edhe kuorum për t’i mbajtur seancat plenare. Duke i bërë kuorum këtij koalicioni, ka rrezik që t’ia zgjasim jetën Qeverisë antikushtetuese, e cila është duke venë në pikëpyetje sovranitetin e vendit. Bojkoti ynë si një formë e protestës nxori në pah interesat e ngushta të parapolitikës së partive në pushtet si dhe u dhanë simptomat që ky koalicion elefantësh po shkon në vetëshkatërrim”, ka shkruar Berisha në profilin e vet në Facebook.

Lëvizja Vetëvendosje ka deklaruar se do të kthehet në Kuvendin e Kosovës kështu për të kundërshtuar marrëveshjet e arritura.

Kryetari i VV-së Visar Ymeri ka thënë se Vetëvendosje do të jetë në Kuvend.

“Ne do të bëjmë opozitën ashtu siç e kemi bërë çdo herë. Cfarëdo tentimi që ti ringjall projektet e dëmshme për vendin, Asocioni i Komunave me shumicë serbe dhe Demarkacioni do ta rikthejnë edhe më fuqishëm kundërshtimin tonë”, ka thënë Ymeri.

Glauk Konjufca nga ky subjekt politik ka thënë se Vetëvendosje do të kundërshtoj çdo marrëveshje të cilat janë në dëm të Kosovës.

“Vetëvendosje do ta kundërshtoj çdo marrëveshje të dëmshme për Kosovës. Këto do të jenë të kundërshtueshme me çdo forma. Jemi të shqetësuar nga deklaratat e pushteti ku po duan ta sjellin sa më shpejt punën e demarkacionit. Zërat që vijn nga ana e ministrave tregojnë për një përshpejtim të procedurës së demarkacionit. Në po kthehemi në Kuvendin e Kosovës për të ngritur çështjen dhe dilemat ku do t’i kundërshtojmë marrëveshjet”, ka thënë Konjufca.