Ka humbur të bijën 3 vjeçare dhe tjetrën vajzë 10 vjeç e ka të lënduar si pasojë e shembjes së shtëpisë të vjetër dhe të pa banuar në Prizren, por kjo nënë ka edhe një tjetër problem: nuk ka ku të fle.

Për shkak të murit të shembur të shtëpisë dhe shkatërrimit të shtëpisë skaj saj ku ka qëndruar kjo nënë me vajzat e saj, ajo nuk ka ku të qëndrojë.

Kështu thonë vet qytetarët e Prizrenit, disa prej të cilëve kanë kërkuar që kushdo që ka mundësi të ndihmojë, ta bëjë këtë duke i ofruar një shtëpi apo hapësirë banimi.

Numri në të cilën mund ta kontaktoni zonjën Mihrie është 045 /504- 487.

Qendra Kosovare për Studime të Sigurisë ka reaguar pas tragjedisë që ndodhi në Prizren, ku si pasojë e shembjes së një shtëpie, ka humbur jetën një vajzë e moshës tri vjeçare.

QKSS thekson se derisa autoritetet lokale dhe qendrore të shtetit dështojnë t’i përmbushin obligimet ligjore që të garantojnë ambient të sigurt për qytetarët e tyre, do të përballemi me raste si ky i sotëm që më të vërtetë nuk mund të quhet ndryshe veç se tragjedi.

Zëdhënësja e QKSS-së, Leonora Aliu në rrjetin social facebook, ka shkruar se gjetjet e edicionit special të barometrit për siguri publike të QKSS, patën treguar se qytetarët e Kosovës nuk ndihen plotësisht të sigurt jashtë territoreve të shtëpive apo lagjeve ku jetojnë.

Kjo sipas Aliut po dëshmohet edhe me ngjarjen tragjike në Prizren.

“Kur autoritetet lokale dhe qendrore të shtetit dështojnë t’i përmbushin obligimet ligjore që të garantojnë ambient të sigurt për qytetarët e tyre, atëherë do të përballemi me raste si ky i sotëm që më të vërtetë nuk mund të quhet ndryshe veç se tragjedi. Humb ja e jetës së një fëmiu nuk duhet heshtur assesi pa gjetur përgjegjësit”, thuhet në reagimin e Aliut.

Ajo ka shtuar se akoma më tragjedi është fakti se u desh të ndodhte kjo në mënyrë që autoriteteve përgjegjëse t’i hapin sytë.

Ndryshe, zëdhënësi i Policisë së Kosovës në Prizreni, Vesel Gashi tha se vajza tre vjeçare ishte dërguar e vdekur në Spitalin e Prizrenit.

“Prindërit e kanë dërguar në emergjencë, mirëpo mjekët e kanë konstatuar vdekjen e saj”, tha Veseli.

Vdekja e një fëmije 3-vjeçar dhe lëndimi i rëndë i nënës së saj dhe motrën 10-vjeçare pasi shembjes së murit të një shtëpie të vjetër në Zonën Historike të Prizrenit, për Komunën e Prizrenit, është një tragjedi për të cilën nuk ndjehen fajtor.

Sipas Ymer Berishës, zëdhënësit të Komunës së Prizrenit, vdekja e shkaktuar nga shembja e shtëpisë, nuk ka ndodhur si pasojë e papërgjegjësisë ose mungesës së reagimit të Komunës.

“Në emër të kryetarit të Komunës, Ramadan Muja, ngushëllojmë familjen dhe ndjejmë keqardhje për tragjedinë e tyre. Në këtë rast nuk mund të veprojmë sipas tekeve të secilës organizatë”, ka thënë Berisha, për Insajderin, duke iu referuar kërkesës për dorëheqje të kryetarit nga organizata “Ec ma ndryshe në Prizren”.
Kjo organizatë ka kërkuar dorëheqjen edhe të ministrit të Kulturës, Kujtim Shala dhe atij të Mjedisit dhe Planifikimit Hapësinor, Ferid Agani.

Sipas Berishës, organizatat sikur “Ec ma ndryshe” nuk duhet të bëjnë deklarata që ai ka quajtur “jo serioze” kur bëhet fjalë për tragjedi të tilla.
Insajderi e ka pyetur Berishën nëse Komuna e Prizrenit ka qenë e njoftuar me rastin e shtëpisë për të cilën “Ec ma ndryshe” thotë se ka kërkuar intervenim urgjent në shtëpitë në rrugën “Marlin Barleti”, por sipas Berishës, për këtë çështje duhet të pyetet Qendra Rajonale e Trashëgimisë Kulturore në Prizren që funksionon në kuadër të Ministrisë së Kulturës.

“Deri më tani është kërkuar që këto shtëpi të ruhen, të konservohen. Problemi është se për këtë çështje i ka duart e lidhura, sepse është çështje e Qendrës për trashëgimi. Ata e hartojnë listën bashkë me Ministrinë”, ka thënë Ymeri për Insajderin.

Sipas Berishës, Komuna e Prizrenit do të krijojë një komision, i cili do të analizojë shkaqet që kanë sjellë deri në shembjen e shtëpisë.

Sipas Policisë së Kosovës, shembja ka ndodhur si pasojë e reshjeve të fundit të shiut./insajderi.com/