Ditët e nxehta të verës kanë filluar, ndërsa muzika është pjesë e pandashme e argëtimit veror.

Disa prej yjeve botërore kanë publikuar këngët që priten të jenë hite në këtë verë, e disa kanë konfirmuar se do t’i lansojnë më vonë. Por, uebfaqja Buzzfeed ka bërë një listë të këngëve që pritet të shpërthejnë në këtë verë.

Listës së Buzzfeed i prin këngëtarja shqiptare Dua Lipa, e cila me këngët e saj ka marr vëmendjen e mediave botërore.

“Hotter Than Hell” është kënga që siç shkruan Buzzfeed do të jetë hiti i kësaj vere me “muzikën vallëzuese dhe vokalin e zjarrtë të Dua Lipës, do të jetë më e ëmbël se luleshtrydhja në ditët e nxehta të verës”.

Këto janë top pesë këngët sipas Buzzfeed do të jenë hitet e verës:

Dua Lipa – “Hotter Than Hell”

MO – “Final Song”

Dragonette – “Lonely Heart”

Shura – “What’s It Gonna Be?”

Clean Bandit feat Louisa Johnson – “Tears”

Ashtu sikur edhe njerëzit e zakonshëm edhe yjet kanë armiqtë e tyre dhe marrëdhënie të këqija me disa kolegë. Këta yje nuk mund të durojnë njëri-tjetrin dhe nuk e kanë ndërmend të punojnë së bashku në të ardhmen.

Kevin Smith dhe Bruce Willis kanë një histori të tërë të mosmarrëveshjeve dhe grindjeve, për këtë arsye nuk është çudi që nuk kanë tolerancë ndër vete. Kevin dhe Bruce kanë punuar së bashku në filmin “Cop Out”, për të cilën Kevin-i kishte thënë se ishte “rraskapitëse” dhe puna me Willis ishte shumë e vështirë.

Nick Nolte dhe Julia Roberts kanë punuar së bashku në filmin “I Love Trouble”. Roberts beson se Nolte është i neveritshëm kurse aktori mendon se ajo nuk është person i mirë.

A keni menduar ndonjëherë pse Bill Murray nuk përsëriti rolin e tij në pjesën e dytë të filmit “Charlie’s Angels”? Me sa duket mospajtimi i tij me yllin e filmit, Lucy Liu, ishte i mjaftueshëm për të mos u shfaqur në atë projekt. Murray është i pari që publikisht kritikoi aktrimin e Lucy-s, ndërsa vlerësoi aktoret Drew Barrymore dhe Cameron Diaz.

Tyrese Gibson tha se James Franco ishte shumë i vrazhdë në filmin “Annapolis” dhe se me të vërtetë e ka goditur në skenat e luftës. Tyrese e përjetoi atë si përvojë personale dhe tha: “Unë nuk dua më të punoj me të dhe mendoj se edhe ai ka të njëjtin mendim”. Franco u përpoq për të kërkuar falje, por duket se djelmoshat ende nuk janë pajtuar.