Prokurori i Krimeve të Rënda Bajram Hamitaga, është shfaqur i habitur kur ekipi i “Drejtësia në Kosovë” i ka prezantuar pamjet filmuara ku shihet shoferi i tij duke negociuar me familjen Paçarizi rreth lëndës të cilën është duke e hetuar Hamitaga.

Në edicionin e sontëm, Hamitaga ka mohuar ta ketë dërguar shoferin e tij te familja Paçarizi për të negociuar për lëndën, ndërsa nuk ka dhënë shpjegim të qartë për arsyet pse shoferi i tij ka ditur për veprimet e prokurorit.

Ai ka deklaruar se asnjëherë nuk ka biseduar me shoferin Luan Delili për punën e tij si prokuror.

Hamitaga ka deklaruar se ndaj shoferit duhet të ndërmerren masa nëse ai ka keqpërdorur emrin e tij në takimin me familjen Paçarizi.

Shoferi i prokurorisë së Prizrenit Luan Delili është filmuar gjatë takimeve me familjen Paçarizi ku janë diskutuar çëshjet rreth aktakuzës së prokurorisë për Granit Paçarizin.

Takimi i shoferit me familjen është mbajtur pak ditë pasi Granit Paçarizi gjatë një seance gjyqësore akuzoj prokurori Hamitaga për mitëmarrje.

Njëri nga aktorët kryesorë të negociatave, shoferi Luan Delili nuk ka pranuar të flasë rreth takimit të tij me familjen Paçarizi.

Familja Paçarizi ka rrëfyer në emisionin “Drejtësia në Kosovë” për ofertat për mitëdhënie për mbylljen e rastit të tyre. Emisioni ka sjellë edhe pamjet e filmuara të takimeve të familjes Paçarizi dhe shoferit të prokurorisë Luan Delili gjatë negociatave për të heshtur akuzat për mitëdhënie.

I akuzuar për vrasje të rëndë në tentativë Granit Paçarizi, ka rrëfyer për emisionin “Drejtësia në Kosovë” momentin dhe arsyet pse ai e ka akuzuar për mitë-marrje prokurorin nga Prizreni Bajram Hamitaga.

“Jam qu në këmbë dhe i kam thënë prokurorit se nuk je i drejtë, sepse ke kërkuar pesë mijë euro”, ka thënë Paçarizi për “Drejtësia në Kosovë”.

Ai ka shpjeguar reagimin e prokurorit pas akuzës e po ashtu reagimin e gjykatësit të rastit.

Familja Paçarizi ka rrëfyer në emisionin “Drejtësia në Kosovë” për ofertat për mitëdhënie për mbylljen e rastit të tyre. Emisioni ka sjellë edhe pamjet e filmuara të takimeve të familjes Paçarizi dhe shoferit të prokurorisë Luan Delili gjatë negociatave për të heshtur akuzat për mitëdhënie.

Prokurori Bajram Hamitaga edhe pse ka pranuar se ka qenë pjesë e një takimi me familjen Paçarizi ka thënë se nuk i ka kërkuar para asnjëherë kësaj familje. Ai ka deklaruar se akuzat e familjes Paçarizi kanë për qëllim që ta shpëtojnë të akuzuarin Granit Paçarizi nga përgjegjësia penale.

Familja Kqiraj nga Prizreni, që në një aksion të sotëm të Policisë së Kosovës iu sekuestruan prona dhe para të gatshme që kapin vlerë deri në 3.5 milionë euro, në një reagim dërguar në redaksinë e Gazetës Express pretendojnë se raportimet për familjen e tyre janë tendencioze dhe me qëllim të njollosjes së tyre.

Sipas tyre, pasuria që ata kanë ndërtuar e gjitha është krijuar me punë nga vitet 1960 në Zagreb të Kroacisë.

Ndryshe, Policia e Kosovës gjatë një aksioni që ka ndërmarr sot në rajonin e Prizrenit ka sekuestruar pasuri, para të gatshme dhe prona të familjes Kqira. Vlera e tyre arrijnë në 3.5 milionë euro. Bëhet fjalë për një hotel (448 m2); një restorant (327 me2); veranda (92 m2); një objekt (24 m2) parcelë tokë (6664 m2).

Ky është reagimi i plotë i familjes Kqira:

Po qarkullojnë shumë lajme lidhur me konfiskimin e pasurisë së familjes Kqira. Për të disatën herë po e përmendim se gjithë pasuria e familjes tonë është krijuar me shumë mund, punë e sakrificë e këtë e dijnë të gjithë ata që i njohin familjen Kqira. Këtë e vërtetojnë edhe tokat bujqësore dhe fermat që i posedon familja jonë.

Pasuria nuk u krijua tash po kjo pasuri rezulton qysh nga vitet 1960 fillimisht e krijuar nga të parët e familjes Kqira me disa biznese në Zagreb të Kroacisë, e pastaj vazhdon me disa objekte hoteliere, kafiteri, argjendari e tekstil të gjitha këto në Prizren, për të cilat e dijnë të gjithë banorët e qytetit tonë.

Në gjithë këto vite janë të punësuar me dhjetra punëtor që sigurojnë mbijetesën e familjeve të tyre.

Vëllezërit Kqira po mbahen në paraburgim që 12 muaj por ne si familjar kemi shpresë se shumë shpejt ata do të lirohen sepse besojmë në drejtësi prandaj drejtësia edhe në rastin tonë do të triumfoj. Ky reagim vjen pas disa shkrimeve nga gazeta të ndryshme, për t’iu bërë me dije opinionit për të pavërtetat që fliten për familjen Kqira, se këto shkrime janë tendencioze, e kanë për qëllim njollosjen e familjes tonë.

Jemi në pritje të fjalës së drejtësisë e kjo mbetet të shihet ditëve në vazhdim.

Me respekt familja Kqira.