Policia e EULEX-it nuk arriti ta arrestojë sot Azem Sylën. E kërkoi në Prishtinë dhe në shtëpinë e tij familjare në Kishnarekë të Drenasit, por kot.

Indeksonline mëson se Azem Syla për herë të fundit i është lajmëruar policisë në telefon nga Durrësi.

“Jam në Durrës, tash po nisna me ardhë për Kosovë”, janë fjalët e fundit të Azem Sylës, e që më pas nuk është bërë i gjallë, duke e shkyçur celularin, thonë burime të Indeksonline.

Indeksonline po ashtu merr vesh se Azem Syla akuzohet për tri vepra të rënda penale: Krim të organizuar, pastrim parash dhe keqpërdorim të pozitës zyrtare.

Në aksionin e gjerë të Policisë së EULEX-it e cila ishte e asistuar nga forcat speciale të Policisë së Kosovës janë bastisur mbi 40 lokacione në tërë Kosovë, derisa deri me tash janë arrestuar disa persona. /Indeksonline/

Policia e Kosovës dhe EULEX në kërkim të Azem Sylës, arrestohet ish shoferi i tij

E plotësuar: Në lagjen Pejton nga ora 06:00 e mëngjesit të sotëm, për mbi dy orë, Policia e Kosovës dhe EULEX kanë bastisur njërën nga ndërtesat e banimit, përkatësisht banesën e ish shoferit të deputetit Azem Syla.

Fqinjët e këtij personi i kanë thënë KosovaPress-it se policia e ka arrestuar fqinjin e tyre të cilin ata e njohin si vozitës të Azem Sylës.

Aksion i madh i Policisë dhe EULEX-it, kërkojnë Azem Sylën

Policia e Kosovës dhe EULEX-i janë duke bastisur në 50 lokacione të ndryshme, ndërsa aksioni ka të bëjë me krimin e organizuar.

Aksioni është duke u zhvilluar momentalisht. Burime të RTV Dukagjinit bëjnë të ditur se Policia e Kosovës do të arrestojë edhe ish-komandantin e përgjithshëm të UÇK-së, Azem Sylën.

Mësohet se tashmë Policia ka qenë në shtëpinë ku jeton Azem Syla, por meqenëse ai nuk ndodhej aty i ka lënë një ftesë për tu paraqitur në Polici.

Hetimet për Sylën kanë të bëjnë me dyshimet se ai është pjesë e grupit kriminal i cili tjetërsoi prona shoqërore në zonat kadastrale përreth Veternikut dhe Çagllavicës.

Në vazhdim, Telegrafi do të ju informojë me të rejat tjera rreth këtij aksioni. /Telegrafi/

Në fshatin Drenoc të Rahovecit është mbajtur një tubim gjithëpopullor për nder të 18-vjetorit të daljes publike të UÇK-së në Zonën Operative të Pashtrikut.

Në këtë tubim kanë qenë të pranishëm kryetari i Rahovecit, Idriz Vehapi, nënkryetari i Komunës së Gjakovës, Ramadan Hoti, veteranët e luftës nga Rogova e

Hasit dhe Theranda, me ç’rast është zbuluar Pllaka Përkujtimore në vendin ku ka qenë furra e bukës e UÇK-së.

Veterani i luftës, Isuf Gashi, ka potencuar se është nder që shtabit të tretë në nivel të Kosovës i janë bashkëngjitur e gjithë rrethina si Zatriqi, Ratkoci, Malësia e Vogël e shumë fshatra të tjerë.

Në fjalën e tij të mbajtur në shënimin e 18-vjetorit të daljes publike të UÇK-së Zona Operative e Pashtrikut, kryetari i Komunës së Rahovecit, Idriz Vehapi, ka thënë se janë mbledhur për ta shënuar 18-vjetorin e rezistencës, ku djemtë më të mirë i thanë jo histerisë së një armiku i cili po synonte shuarjen tonë.

“Urdhërdhënësit dhe zbatuesit serbë filluan realizimin e planit famëkeq për zbrazjen e tokës sonë qoftë përmes dëbimit, vrasjeve e dhunës në forma të ndryshme. Por, djemtë e këtij trualli ishin ndër të parët që bënë një plan tjetër për ta prishur këtë plan famëkeq të pushtetit”, ka thënë Vehapi.

Kryetari i Prizrenit, Ramadan Muja ka injoruar ushtruesin e detyrës së PDK-së, Kadri Veselin. Ai nuk ka marrë pjesë mbrëmë në takimin që strukturat e PDK-së në Prizren, Rahovec, Suharekë, dhe Has, kanë pasur me Veselin.

Burimet e “PrizrenPress”-it bëjnë të ditur se Ramadan Muja ka mospajtime me strukturat e parisë(PDK).

Sekretari Organizativ i PDK-së në Prizren, Kujtim Gashi tha se Ramadan Muja ka qenë i ftuar në takimin e mbrëmshëm të PDK-së, pjesë e së cilës ishte edhe Kadri Veseli.

“ Ka qenë i ftuar, por nuk ka mundur të vijë për shkak se ka qenë me grip”, tha Gashi. Sipas tij, Muja,për shkak ftohjes, dje nuk ka qenë as në punë.

“Sot, ka dalë në punë”.

Ndërkaq, zëdhënësi i Komunës së Prizrenit, Ymer Berisha tregon se kryetari Muja,dje ka qenë në punë dhe se nuk ka probleme shëndetësore.

“Dje ka qenë në punë”.

“Edhe sot”,tregon Berisha.

Kryetari i Prizrenit Ramadan Muja, ka qenë mirëpritësi i parë i ish-kryetarit të PDK-së, Hashim Thaçi. Ai nuk ka lënë takim që nuk e ka shoqëruar Thacin, gjatë vizitave në Prizren./PrizrenPress.com/

Ekzekutivi i Prizrenit ka marr sot 16 vendime të reja.

Shefi i Zyrës për informim i Komunës, Ymer Berisha, tha se këto vendime kanë për qëllim përmisimin e jetës së qytetarëve.

Ai veçoi disa vendime që janë miratuar, sipas kërkesës së Drejtorisë së Shërbimeve Publike, për shpalljen e tenderit të rregullimit të varrezave në afërsi të fshatit Landovicë, projekt ky që do të realizohet në partneritet publiko-privat, si dhe vijimin e projekteve për rregullimin e infrastrukturës rrugore dhe asaj nëntokësore, si dhe për shtimin e kapaciteteve të ujit në komunën e Prizrenit.

Zyrtari Berisha, njoftoi më tej edhe rreth miratimit të kërkesës së Drejtorisë së Administratës për mbështetje financiare të manifestimit përkujtimor që organizohet në Gorozhup, për shënimin e 17- vjetorit të betejave të ushtrisë së lavdishme çlirimtare në kufirin ndërshqiptar. /TV Prizreni/

Drejtoria e Shërbimeve Publike:
Shpallë tenderin për ndërtimin e varrezave të reja në Landovicë, sipas procedurave me Partneritet Publiko Privat, ndërtimin e ujësjellësit në rr. “Beteja e Pashtrikut” dhe në fshatin Gërnqarë, ndërtimin e rrugëve lokale dhe kanalizimit ne fshatin Krajk, Nashec-faza e dytë, në Bregdri, si dhe ndërtimin e kanalizimit në fshatin Mazrek. DSHP-ë, shpallë edhe tenderin për rregullimin e parkut ne lagjen Ortakoll,dhe ndërtimin e rrugës në fshatin Reqan.

Drejtoria e Administratës:
Lejon mbështetje financiare për organizimin e manifestimit “Epopeja e Gorozhupit”

Drejtoria e Arsimit dhe Shkencës:
Mbulon shpenzimet e ushqimit për komisionar dhe vëzhgues të Testit të Arritshmërisë për semimaturantë.

Drejtoria e Kulturës, Rinisë dhe Sportit:
Mbështet financiarisht shënimin e festës memoriale-kombëtare të turqve të Kosovës, në vlerë 3000 euro.

Drejtoria e Shëndetësisë:
Shpallë tenderin për mbikëqyrjen e punimeve të Drejtorisë së Shëndetësisë dhe Drejtorive tjera komunale dhe furnizim me lëndë djegëse-pelet për nevojat e QMF-ve dhe Urgjencës.