Në Kroaci ka shumë mundësi që të mbahen zgjedhje të reja në vjeshtë edhe pse në fund të janarit është formuar Qeveria e re, shkruajnë sot mediat kroate.

Në publikun kroat pas njëqind ditësh të punës së Qeverisë flitet për riformatim të Qeverisë, por njëri nga anëtarët e “Koalicionit Patriotik” Darinko Kosor ka thënë për Index.hr se zjgidhja shihet tek zgjedhjet.

“Ne jemi kundër riformatimit të koalicionit qeveritar, ne nuk do të marrim pjesë në këtë, por e shohim zgjidhjen me mbajtjen e zgjedhjeve në vjeshtë”, ka thënë Kosor.

Ai ka thënë për Index.hr se nuk është i kënaqur me njëqind ditët e Qeverisë duke shtuar se “të gjithë partnerët e koalicionit” janë fajtor për këtë situatë.

Agjencia Qendrore e Inteligjencës, CIA, është kritikuar në mbarë botën online për shkak se ka postuar në Twitter vrasjen e Osama bin Laden sikur të kishte ndodhur sot.

Në postim tregohen detaje të misionit që çoi në zbulimin e vendndodhjes së personit më të kërkuar të Shteteve të Bashkuara të Amerikës.

Por reagimet kanë qenë negative, me një përdorues të Twitterit që i quajti publikimet “groteske dhe të turpshme”.

Të tjerë postuan meme dhe gif-e me njerëz që shqyenin sytë dhe vinin duart në kokë, duke u tallur kështu me agjencinë prestigjioze të spiunazhit, përcjell TCH.

Lideri i Al Kaedës, të cilit i atribuohej përgjegjësia kryesore për sulmet e 11 shtatorit 2001 në Nju Jork dhe Uashington, u qëllua për vdekje në një kompleks në Abotabad të Pakistanit, në maj të vitit 2011, pasi i kishte shpëtuar arrestimit nga trupat amerikane dhe aleatëve të tyre për thuajse një dekadë.

Duke folur në 5-vjetorin e vdekjes së tij, drejtori i CIA-s, John Brennan deklaroi se, Shtetet e Bashkuara kanë shkatërruar pjesën dërrmuese të Al Kaedës.

“Bin Laden kishte një simbolikë të madhe dhe domethënie strategjike për organizatën, ndaj dhe ishte e rëndësishme dalja e tij nga skena”, deklaroi Brennan.

Në adresimin e tij për pjesëmarrësit e Samitit 13 të Organizatës së për Bashkëpunim Islamik, i cili para dhjetë ditësh u mbajt në Stamboll, kryetari turk, Rexhep Taip Erdogan, tha se ata duhet të përshpejtojnë hapat diplomatikë dhe të njohin pavarësinë e Kosovës.

“Në mesin e 56 vendeve islamike, janë edhe disa që nuk e kanë njohur Kosovën dhe për këtë jemi shumë të shqetësuar”, citon “Politika” e Beogradit të ketë thënë kryetari turk, transmeton Koha.net.

Kjo deklaratë e Erdoganit nuk ka mbetur pa reagime në Beograd. MPJ e Serbisë pas kësaj deklarate e kishte ftuar ambasadorin e Turqisë në Beograd, Mehmet Kemal Bozai, dhe atij i ishte shprehur protesta gojore lidhur me këtë deklaratë të Erdoganit.

Ambasadori turk me këtë rast kishte thënë se Erdogan është dashur ta përmendë Kosovën, pasi Turqia e merr kryesimin e OBI-së dhe pasi ai nuk është i kënaqur me njohjet që vende të OBI-t i kanë bërë Kosovës.

Gazeta e Beogradit, duke shkruar për këtë, thotë se kërkesa e Turqisë nuk është pritur mirë nga Egjipti e Siria, duke harruar ose injoruar se Egjipti ka njohur pavarësinë e Kosovës më 26 qershor 2013.

Serbia, në anën tjerët lavdërohet me qëndrimin e Indonezisë, si vend mysliman, me numrin më të madh të banorëve kundër kërkesës së Erdoganit për ta njohur pavarësinë e Kosovës. Për shkak të mosnjohjes së Kosovës, citon Koha.net shkrimin e kësaj gazete,Turqia nuk ka marrëdhënie të mira me shumë vende anëtare të OBI-t, e as me Indonezinë.