Sierra Leone është një ndër shtetet më të varfra në Afrikë dhe me shkallën më të lartë të prostitucionit.

Sipas medieve ndërkombëtare, të shkosh në shkollë kushton rreth 60 dollarë në vit, por për nxënësit e këtij vendi këto shifra janë të papërballueshme në shumicën e rasteve.

“Daily Mail” shkruan se në disa komunitete të varfra, adoleshentet e kanë të pamundur të vazhdojnë shkollën nëse nuk prostituohen. Shumë prej vajzave dalin si prostituta në rrugë ndërsa të tjera lidhen me pasanikë që u paguajnë tarifën e shkollës.

“Natën shkojmë me klientë për 5 dollarë, ndërsa në mëngjes shkojmë në shkollë”, rrëfen një prostitutë 15-vjeçare. Shumica e tyre përfundojnë shtatzëna dhe të braktisura.

Aminata ul kokën dhe me zë të ulët tregon se si fiton paratë. Është vetëm 15-vjeçe dhe punon si prostitutë. Ajo ka 3 klientë çdo natë. Ajo shet trupin e saj pasi do që të përfundojë shkollën.

Afrikani 40 vjeçar, Tony Schiena, në karrierën e tij ka qenë spiun, bodiguard, kampion në karate, mercenar, aktor, producent.

Në të njëjtën kohë ai ka komentuar për “Financial Times” kërcënimet nga terrorizmi, pastaj ka qenë në ballinën e revistës për karate dhe u shfaq në një tabloid amerikan të thashethemeve.

“Edhe pse gazetarët skeptikë dëshirojnë ta paraqesin misterioz, kurse gazetaret e dëshpëruara si fotografi dhe rast të Rambos në botën e agjencive të sigurisë. Tony Schiena është serioz dhe personazh i respektuar”, shkruan gazetarja e Jutarnji.hr, transmeton Indeksonline.

Kompania private e sigurisë MOSAIC, udhëheqës e së cilës është Schiena, ofron shërbime të sigurisë në zonat e rrezikshme, trajnime për luftën kundër terrorizmit, krizave, komunikimit dhe teknologjisë së sigurisë.

Lista e klientëve të MOSAIC-ut përfshin klient si policinë e New York-ut NYPD, forcat speciale kurde Peshmerga që luftojnë kundër ISIS-it, NATO-n, Legjionin francez të të huajve, specialët afganë, të Mongolisë, Lituanisë, Italisë dhe Kroacisë. Ai ka këshilluar shumë prej anëtarëve të qeverive të botës dhe organizatave qeveritare për çështjen e terrorizmit dhe ka trajnuar njësitë e tyre të veçanta. Kjo nuk është për t’u habitur që ditët e tij të punës shpesh ndodhin në zonat e luftës, konflikteve, histerive, terrorizmit e plot gjëra të tjera që për dikë janë të frikshme.

“Terrorizmi ka ndryshuar, situata do të jetë shumë më e keqe”

“Sot terrorizmi ka ndryshuar në masë të madhe. Është formuar si lloji i Kalifatit, ku ideologjia është përhapur tej mase, ajo është më e rrezikshme se kurrë. Para se situata të shkoj mirë, ajo njëherë do të jetë shumë më e keqe”, thotë Schiena.

“Nga jeta jonë terrorizmi që implementon ISIS-i nuk do të largohet. ISIS-i sot ka njerëzit e tij pothuajse në të gjitha qytetet e mëdha të botës. Pasi që ajo është pjesë e agjendës së tyre. Sa më shumë sulme të fuqive perëndimore ndaj kalifatit, do të ketë edhe më shumë sulme në qytetet e Perëndimit. Në qoftë se ne ndalojmë se sulmuari, Kalifati do të përhapet, kështu që nuk kemi zgjidhje. Kemi punë me terroristët ideja fondamentale e të cilëve është pushtimi i botës dhe eliminimi i të gjithë atyre që janë të pafe sipas tyre. Në sytë e tyre shihemi të gjithë si armiqtë e tyre”, thotë ai.

Schiena në një intervistë me Jutarnji.hr thotë se skenari që u zhvillua në Bruksel ishte “absolutisht alarmant”.

Ai thotë se qeveritë duhet të ndryshojë shumëçka në mënyrë që të parandalohen sulmet e tilla.Megjithatë, Siena ka shtuar se një nga problemet më të mëdha në luftimin e ISIS është mungesa e njerëzve në terren, transmeton Indeksonline.

“Kur i shikoni qytetet si Parisi dhe Londra, atëherë duhet të dërgoni miliona spiunë në rrugë që të kontrollojnë gjithçka çfarë ndodh. Kjo nuk mund të realizohet. Përveç kësaj, spiunët e sotëm nuk janë sikur ata që ishin dikur”, thekson Schiena.

Ai argumenton se spiuni modern nuk ka ngjashmëri me James Bond-in, ka edhe prej atyre që prej zyrave marrin informacione të rëndësishme, por puna më e mirë sipas tij është terreni pasi e prek problemin në zemër të tij dhe nëse është i keq nuk e len të zgjerohet.

“Unë kam qenë një spiun i modës së vjetër. Unë kam qenë në terren, unë jam infiltruar në një organizatë terroriste dhe unë me të vërtetë rrezikoi jetën për të ardhur deri të informata e dobishme. Përveç këtij roli jam përgatitur shumë mirë edhe në fusha të tjera, kam kaluar shumë trajnime për njësi të veçanta. Mirëpo për mua të gjitha llojet e situatave të rrezikshme duken normale dhe di si të sillem. Sot ajo nuk është kështu. Sot, shërbimet sekrete janë përqendruar më shumë në teknologji se sa në palestra fizike. Mendimi im është se ka një softuer të sofistikuar që mund më të vërtetë të kompensoj mungesën e njerëzve të mirë atje ku duhet të jenë- të flasim atë që kanë për të thënë dhe të bëjnë atë që kanë për të bërë”, thotë ai.

Edhe pse MOSAIC pjesërisht merret edhe me “softuer të sofistikuar”, Schiena mbetet në fushën e mercenarit tradicional si dhe kolegët e tij që janë ish agjentë të CIA-s, MI6, SAS-it britanik dhe NavySeal-it amerikan. Ata janë në çdo cep të botës, thjesht paguhen për këtë punë

Një student irakian në Kaliforni është dëbuar nga fluturimi i Southwest Airlines pasi po fliste arabisht.

Student i dëbuar ka deklaruar se ai po fliste me dajën e vet në telefon, të cilit po i tregonte për fjalimin e Sekretarit të Përgjithshëm të Kombeve të Bashkuara, Ban Ki-Moon, shkruan BBC.

“Unë jam prekur shumë nga kjo ngjarje”, tha Makhzoomi për NYT.

Gjithçka kishte filluar pasi një grua kishte filluar të ulërinte në aeroplan pasi kishte dëgjuar shprehjen ‘inshAllah”.

“Islamofobia e ka sjell këtë vend në këtë gjendje”, është shprehur ai.

Makhzoomi i cili në SHBA ka arritur si refugjat dhe më pas është regjistruar në Universitetin e Kalifornisë në Berkeley, ka theksuar se pas dëbimit ai nuk ka mundur të kthehet në aeroplan, transmeton koalb.com.

“Familja ime dhe unë kemi kaluar nëpër shumë gjëra të vështira, ndërsa kjo është edhe një tjetër përvojë e keqe që kam pasur”, tha ai.
“Dinjiteti i njeriut është gjëja më e vlefshme në botë, që nuk blihet me para. Nëse kompania ajrore më kërkon fajle, atëherë ndoshta kjo do u bëhet mësim për të trajtuar njerëzit në mënyrë të barabartë”, shtoi ai.

Megjithatë, kompania ajrore në deklaratën e tyrë kanë theksuar se kopania ajrore Southwest nuk toleron diskriminimin.

Numri i personave të vrarë si pasojë e tërmetit të fuqishëm që tronditi Ekuadorin gjatë fundjavës ka shkuar në 413, siç bën me dije qeveria. Më shumë se 2500 të tjerë u plagosën në lëkundjen më të dhunshme që ka prekur Ekuadorin në dekada.

Skena të dëshpëruara kërkimi u panë në zonat e prekura më rëndë, ku pjesëtarë të grupeve të shpëtimit dhe familjarë të viktimave gërmojnë nëpër rrënojë, shpesh me duar, për gjetjen e të mbijetuarve.

Ekipe nga Zvicra, Spanja dhe disa vende amerikano-latine kanë mbërritur në vend për t’ju bashkuar përpjekjeve. Ministri i Jashtëm, Guillaume Long, njoftoi se 120 skuadra shpëtimi do të gjendeshin në terren nga e marta në mëngjes.

Më herët, Presidenti i vendit, Rafael Correa, paralajmëroi se bilanci i viktimave ishte i destinuar të rritej, dhe se kishte ende shumë persona të gjallë nën rrënojat e godinave të shembura.

Presidenti paralajmëroi se tërmeti do t’i kushtonte Ekuadorit miliarda dollarë. Në vend është shpallur gjendja e jashtëzakonshme dhe rreth 10 mijë trupa ushtarake e 3500 policë janë mobilizuar në zonat e prekura.