Kryetari i AAK-së, Ramush Haradinaj thotë se vendimi i sotëm i deputetëve të Opozitës, është pasojë e veprimeve dhe qëndrimeve të papërgjegjshme të klasës politike, e cila po vazhdon ta qeverisë vendin në mënyrë antikushtetuese.

“Dy marrëveshjet më të cilat është shkelur edhe Kushtetuta e Kosovës edhe është rrezikuar sovraniteti dhe integriteti territorial i vendit, nuk do të mund të kalojnë”.

“Ne do të vazhdojmë të jemi Opozitë e Bashkuar, që nuk do të lejojë vazhdimin e kapjes së shtetit”.

“Do të jemi të palëkundur që në aleancë me qytetarin dhe me përfaqësuesit e përgjegjshëm politik të këtij vendi, të mos lejojmë që një grusht njerëzish, të vendosin për fatin kolektiv dhe do të jemi të vendosur që mandatin se si të qeveriset ky vend, ta kthejm te ju, te qytetari”.

“Do të jemi bashkë në këtë rrugëtim. Mbështetja për një shtet të së drejtës e pa korrupsion, po rritet. Shihemi me 26 Mars në Prishtinë!”, shprehet Haradinaj. /Politiko.net/

Deputeti i Vetëvendosjes, Mytaher Haskuka ka arsyetuar veprimin e tij për gjuajtje me ujë ndaj kryeministrit Isa Mustafa.

Në një postim në rrjetin social Facebook, Haskuka është arsyetuar se e gjuajti me ujë kryeministrin për ta kthjellur nga shkeljet që po i bën kushtetutës.

“Një gotë ujë në fytyrë kryeministrit, thashë ndoshta e kthjellë nga shkeljet që po i bën kushtetutës, republikës dhe nga tendenca me e kthy Beogradin në Kosovë. Mytaheri”, shkruan Hashkukaj.

Pas hedhjes së gazit dy herë branda të njejtës seance, deputetët e opozitës kanë filluar përdorimin e laserit ndaj ministrit Skender Hyseni dhe nënkryetari Xhavit Haliti.

Sërish u hodh gaz në Kuvendin e Kosovës. Gazin e hodhi deputeti i VV-së, Sali Salihu.

Pas hedhjes së gazit, kryetari i Kuvendit Kadri Veseli, shpalli pauzë 10 minutëshe.

Paraprakisht, derisa kryetari i Kuvendit të Kosovës, Kadri Veseli po flet, opozita po i bie tavolinës për ta parandaluar fjalimin e tij. Në çdo fjalim të deputetëve, opozita u mundua ta pengoj seancën.