Kryetari i Prizrenit Ramadan Muja ka uruar mësimdhënësit për 7 Mars. Urimi i dërguar për media është i pakuptimit, pasi që ka shumë lëshime logjike e gjuhësore.
Urimi i Ramadan Mujës pa ndërhyrje

Urime 7 Marsi

Te nderuar, mësues, gëzuar 7 Marsin ditën tuaj.

Kryetari i komunës, prof.dr. Ramadan Muja, uron të gjithë mësuesit e komunës së Prizrenit !

Ne ketë dite ne ju nderojmë JU, punën dhe kontributin tuaj te madh qe po jepni në mësimin e gjuhës sonë te pastër, te asaj gjuhe qe na e lëne amanet te paret tanë, detyrë jone është ta përcjellim ashtu të pastër tek brezat e ardhshëm.

Mësimet e mësuesve tanë u bënë udhërrëfyes për rrugën tone të ndritur.

Ato mësime na ndjekin dhe sot.

Le t’ua dedikojmë suksesin tonë në jetë, mësuesve tanë.

Komuna e Prizrenit është krenar me ju dhe më gjithë zemër ju urojmë Gëzuar festen tuaj, “7 Marsin”..

Banorët e fshatit Fortesë të Rahovecit, janë tejet të shqetësuar për shkak të prurjeve të shumta të ujit në lumin “ Rumnik” i cili rrezikon të del nga shtrati dhe të shkaktojë vërshime në këtë lokalitet.

Ky lokalitet edhe në të kaluarën është përballur me vërshime të shumta në kohën e shirave të rrëmbyeshëm dhe këta banorë thonë se ndodhen në panik , sepse nga çasti në çast uji nga lumi mund të depërtojë nëpër objekte të banimit, ndërsa mund të shkaktojë dëme të konsiderueshme edhe në tokat bujqësore. Banorët e

Fortesës apelojnë tek organet kompetente komunale të Rahovecit dhe atyre shtetërore, që urgjentisht të intervenojnë në parandalimin e përmbytjeve të mundshme./TVPZ/

Shiu, i cili ka filluar të bie sot gjatë ditës ka filluar të paraqet probleme nëpër disa fshatra të Komunës së Rahovecit duke e përfshi edhe qytetin.

Për këtë arsye kryetari i Komunës së Rahovecit Idriz Vehapi, ka kërkuar nga Muhamet Behra, DShP dhe Bislim Morina, DMSh që të koordinohen me institucionet të tjera siç është KRU “Radoniqi” njësia në Rahovec dhe në Prizren, që të jenë në gjendje gatishmëri.

Sipas drejtorive përkatëse, kërkesa për të intervenuar ka pasur në fshatin Dobidol dhe në fshatrat të tjerë po ashtu edhe në rrugët “Xhelal Hajda-Toni” dhe në rrugën “Sylejman Vokshi”, në qytetin e Rahovecit.

Situata sa u përket vërshimeve në Komunën e Rahovecit është nën kontroll dhe ekipet janë në teren dhe në vazhdimësi janë duke punuar në evitimin e përmbytjeve.

Sipas drejtorit Muhamet Behra, niveli i ujit ka filluar të ulët dhe nga kjo mund të thuhet se edhe rreziku i vërshimeve është zvogëluar.

Ai thotë po ashtu se në të ardhmen, në vendet ku është paraqitur rreziku nga vërshimet do të intervenohet që në të ardhmen të mos ketë rrezik nga vërshimet. /PrizrenPress.com/

Rënia e pandërprerë e shiut, gjatë ditës së sotme, ka bërë që të rritet niveli i ujit në lumin Mirusha, por edhe në përroska.

Sipas të dhënave nga drejtoria për Mbrojtje dhe Shpëtim, uji ka depërtuar në shkollën fshatit Burim, ku është dashur të intervenojnë ekipet e zjarrfikësve dhe shpëtimit, ndërsa mësimi është ndërprerë në atë shkollë, thuhet në një komunikatë të Komunës së Malishevës.

Momentalisht, uji ka bllokuar rrugën Malishevë-Duhël dhe rrugën Mirushë-Gurbardh. Tek liqeni në Mirushë, uji ka mbuluar urën dhe si pasojë është bërë e pakalueshme rruga për në fshatin Gurbardh.

Po ashtu, uji ka depërtuar edhe në disa shtëpi banimi në qytetin e Malishevës, kryesisht në bodrume.

Gjendja aktuale është nën kontroll, por luten qytetarët që të mos lëvizin pa nevojë, pasi sasia e ujit në lum dhe përroska, është ende e madhe. Sipas drejtorit të Drejtorisë për Mbrojtje dhe Shpëtim, Sejdi Paçarizi, ekipet emergjente janë në gatishmëri të plotë deri në qetësimin e situatës. /PrizrenPress.com/

Reshjet e shiut kanë shkaktuar vërshime në disa komuna të Kosovës.

Edhe Suharekën e ka kapluar vërshimi, shkruan Gazeta Express.

Komunat më të prekura nga këto vërshime janë ajo e Pejës, Skenderajt, Prizrenit, Malishevës, etj.

Përsos shiut, në vendet malore, ka pasur edhe reshjeve të borës.