Si pasojë e reshjeve të shiut, pjesë të ndryshme të Kosovës, gjatë ditës së sotme janë duke u ballafaquar me vërshime.
Përveç raportimeve se Peja është qyteti që po ballafaqohet me gjendje të rëndë, në adresë të Telegrafit kanë ardhur pamje që tregojnë se edhe Malisheva po ballafaqohet me një gjendje të tillë.
Një lexues i Telegrafit ka dërguar pamjet, të cilat sipas tij janë bërë në Bajë të Malishevës.
https://www.facebook.com/telegraficom/videos/1278561152160258/
Gazetari dhe moderatori Blendi Fevziu mendon se Ilir Meta do të jetë presidenti i ardhshëm i Shqipërisë, që do të zgjidhet në vitin 2017. Gjatë një interviste dhënë për gazetarin Çim Peka në emisionin “FAKT” në SYRI.net, Fevziu thotë se kjo është pjesë e marrëveshjes qeverisëse.
Gjithashtu, Fevziu ka një mendim të tij edhe për Ben Blushin dhe përplasjet e tij brenda PS. Për intervistën e Ardit Gjebreas me Marjan Rrokun dhe për intervistat e tij me Ramiz Alinë.
Sot në Malishevë, organizuar nga Drejtoria për Arsim dhe Edukim, është shënuar 7 Marsi, Dita e Mësuesit, përmes aktivitete të ndryshme, ndërsa aktiviteti kryesor, është mbajtur në shtëpinë e kulturës “Tahir Sinani”, ku edhe janë dhënë mirënjohje për shkollat më të mira dhe arsimtarët më të mirë, në fusha të ndryshme.
Në takimin e organizuar nga DKAE, nënkryetari i Komunës së Malishevës, Raxhep Mazreku, fillimisht i ka falënderuar të gjithë veteranët e arsimit, për kontributin e tyre në shkollat e Komunës së Malishevës, për dekada të tëra.
“Ne si komunë, i çmojmë dhe i vlerësojmë lartë punën e palodhshme të mësimdhënësve tanë, të cilët kanë dhënë dhe po japin një kontribut të jashtëzakonshëm në arsimimin e fëmijëve tanë”, tha Mazreku.
“Ne si komunë, jemi të përkushtuar në ngritjen e objekteve të reja shkollore, me qëllim të rritjes së cilësisë në arsim dhe për këtë qëllim, kemi investuar dhe do të vazhdojmë të investojmë në shkollat tona. Si rezultat, ne sot kemi shkolla moderne”, tha ai.
Ndërsa drejtori i arsimit, Avdi Morina, tha se sot është ditë e veçantë dhe shumë e rëndësishme për kombin dhe shkollën shqipe.
“Libri dhe lapsi, janë dy armët më të fuqishme që ne kemi” tha Morina, duke folur për shkollën dhe historinë e hapjes së shkollës së parë shqipe.
“Ne sot, i nderojmë dhe i respektojmë të gjithë ata që dhanë dhe po japin kontribut në shkollat tona, për arsimimin dhe edukimin e brezave të rinj”, tha Morina.
Në fund të këtij aktiviteti, Drejtoria për Arsim dhe Edukim, ka ndarë mirënjohje në gjashtë fusha për shkollat dhe arsimtarët e dalluar, gjatë një viti shkollor, të cilët janë dalluar për aktivitete dhe sukseset e arritura, si ka dhënë mirënjohje edhe për veteranët e arsimit. /PrizrenPress.com/
NISMA për Kosovën – dega Prizren, 7 Marsin – ditën e cila i kushtohet mësuesit, e përcjell me urimin më të përzemërt për mësuesit dhe mësueset tona, kudo ku ata punojnë dhe veprojnë.
“Ne këtë ditë ne ju nderojmë për punën dhe kontributin tuaj të madh qe keni dhënë që po jepni për mësimin e gjuhës sonë shqipe, gjuhë kjo që na lanë amanet të parët tanë. Derisa neve na mbetet që këtë gjuhë, ta përcjellim ashtu të pastër dhe të dëlirë tek brezat e ardhshëm. Një gjë është e sigurt, që ju me punën dhe kontributin tuaj, na bëtë krenar ndër vite, e në veçanti vitet të cilat populli ynë i mban ende të freskëta, ku ju të dashur mësues bëtë sakrifica të mëdha në rrugën e dijes dhe të lirisë”.
“Njëherit në këtë ditë të veçantë, duhet kujtuar me pijetet të gjithë ata mësimdhënës dhe nxënës, që u flijuan gjatë luftës, duke mbrojtur atdheun dhe shkollën shqipe, të cilët ranë heroikisht me të vetmin idealë, çlirimin njëherë e përgjithmonë nga pushtuesit serb”.
“Konsiderojmë se neve tani na prin arsyeja e fortë për ta kremtuar këtë ditë, pasi që ideali i shumë brezave, tani është bërë realitet, duke u kurorëzuar me shtetësinë e Kosovës. Prandaj edhe njëherë NISMA për Kosoven – dega Prizren uron 7 Marsin, ditën e mësuesit të gjithë mësimdhënësve kudo ku ata kontribuojnë në ngritjen dijes dhe arsimit shqip”, thuhet në urimin e NISMA-s. /PrizrenPress.com/
Në kuadër të shënimeve të Epopesë së lavdishme të UÇK-së dhe Ditës së Mësuesit, shkolla e mesme profesionale në Malishevë, u emërtua me emrin e dëshmorit të kombit Kujtim Krasniqi, ndërsa u zbulua edhe busti i dëshmorit, në oborrin e kësaj shkolle profesionale. Zbulimin e bustit, e bënë nëna e dëshmorit, kryetari i NISMA për Kosovën, Fatmir Limaj dhe bashkëluftëtarët e dëshmorit Kujtim Krasniqi.
Paraprakisht, në shtëpinë e kulturës “Tahir Sinani” në Malishevë, është mbajtur një akademi, kushtuar dëshmorit të kombit Kujtim Krasniqi, ku u vlerësua lartë jeta dhe vepra e dëshmorit, heroizmi i tij, deri në momentin e rënies në altarin e lirisë, për të mos vdekur kurrë.
“E dashur nënë Salë (nëna e dëshmorit Kujtim Krasniqi), sot është një moment i veçantë për të gjithë. Ajo që sot na bashkon këtu, është krenaria për një djalë, për një bashkëluftëtar dhe një bashkëvendës. Emri i Kujtim Krasniqit, do të jetoj për jetë”, tha në fillim të fjalës së tij, Fatmir Limaj, kryetar i NISMA për Kosovën dhe deputet i Kuvendit të Kosovës.
Pastaj, duke folur për Epopenë e UÇK-së, Limaj, tha se “askush më shumë se treva e Malishevës, nuk ju ka përgjigjur kushtrimit të Adem Jasharit, e ndër ta edhe Kujtim Krasniqi”.
“Tempujve të dijes dhe të kulturës, po ju shtohet edhe emri i Kujtimit, sikur që kjo shtëpi e kulturës mban emrin e Tahir Sinanit, gjimnazi që mbanë emrin e H\mdi Berishës, pallati i sporteve që mban emrin e Habib Zogajt, ashtu edhe qendra e kompetencës do të mbaj emrin e Kujtim Krasniqit, e këta emra janë ata që na sollën lirinë”, tha Limaj.
Më pasi, dha një mesazh për mësuesit e kësaj vatre shkolle, ku tha se “ky bust, nuk është thjeshtë material, ky emër, nuk është thjeshtë një emër, por ky emër është vet liria që sot gëzojmë”. Fatmir Limaj, përgëzoi komunën, për iniciativën e ndërmarrë dhe emërtimin e Qendrës së Kompetencës, me emrin e dëshmorit Kujtim Krasniqi.
Ndërsa nënkryetari i Komunës së Malishevës, z.Rexhep Mazreku, duke folur me këtë rast, tha se “sot në kuadër të shënimit të “Epopesë së UÇK-së” dhe Ditës së Mësuesit, jemi dëshmitar të zbulimit të bustit të dëshmorit Kujtim Krasniqi, i cili sot e tutje i bën nder me emrin tij Qendrës së Kompetencës, dhe ne të gjithë duhet të angazhohemi me kompetencë, ashtu siç ishte i angazhuar me kompetencë edhe dëshmori Kujtim Krasniqi, i cili është emër i madh i luftës së lavdishme të UÇK-së”.
Drejtori i Drejtorisë për Arsim në Malishevë, Avdi Morina, tha se “nga sot, ky piedestal, do të shikoj në drejtime nga e kaluara e lavdishme e luftës çlirimtare dhe nga e ardhmja e ndritshme e shtet ndërtimit, e para themeltar dhe e dyta kurorëzuese”.
Për jetën dhe veprimtarinë e dëshmorit Kujtim Krasniqi, folën edhe bashkëluftëtarët Hafir Kryeziu dhe Refki Mazreku, ndërsa në emër të familjes, ka falënderuar Blerim Krasniqi, vëlla i dëshmorit. /PrizrenPress.com/
Shiu ka vërshuar qytetin e Prizrenit.
Rrugët e Prizrenit tanimë janë të mbushura me ujë, të cilin nuk po arrijnë ta përballojnë kanalet e ujërave atmosferike.
Në ditën e mësuesit deputeti i Vetëvendosjes Mytaher Haskuka ka kritikuar institucionet e vend për lënie anash të gjendjes së arsimit në Kosovë.
Ai ka thënë se ka pasaktësi të shumta në librat shkollor ka seksizma dhe nuk është ngritur cilësia e arsimit që prej hapjes së parë së shkollës shqipe.
Haskuka ka kritikuar edhe për mosunifikimin e kutikulës me Shqipërinë dhe të gjitha vendet e rajonit ku jetojnë shqiptarët.
Sipas tij është e papranueshme që një komb të ketë disa kurikuila mësimore./Zëri/
Akademik Rexhep Qosja flet sot për zgjedhjen e Thaçit President, për PDK’në, për profilin e Isa Mustafës, vrasjen e Rexhep Lucit e Dino Asanajt etj.
Njoftimi i Qosjes në Facebook
Të nderuar miq, më ndiqni sot, e hënë, më datë 7 mars 2016, në një bisedë me gazetaren Rudina Xhunga në emisionin Dritare, Vizion Plus, ora 20:45, ku ndër të tjera do të diskutohet:
• Bashkimi i dy të ndarave! A është koalicioni PDK-LDK shkaktare e krizës institucionale në Kosovë?
• Situata në të cilën u zgjodh presidenti i Kosovës. A është zgjedhje legjitime?
-Gjendje e jashtëzakonshme
-Shtetërrethim
-Opozitë e përjashtuar me dhunë nga Kuvendi.
• Çka i duhen Kosovës ata deputetë të cilët aq lehtë e shesin interesin e Kosovës.
• Pozita e serbëve të Kosovës është forcuar shumë gjatë kësaj qeverisjeje.
• Sa janë të dëmshme për Kosovën dy marrëveshjet e kontestuara.
• Kuvendi i Kosovës – i delegjitimuar dhe i margjinalizuar.
• Forcimi i ndikimit të mediave dhe i shoqërisë civile, strategji për krijimin e shtyllës së IV, dhe si po i përndjekë qeveria kundërshtarët përmes tyre.
• Koha e intelektualëve të fundit dhe shpërfillja e tyre nga mendjet e frikësuara të pushtetit.
• Mbi servilët dhe poltronët në politikë.
• Privatizimi i dyfishtë
• Kush e vrau Rexhep Lucin
• Pse u (vetë)vra Dino Hasanaj
• Deklaratat staliniste të prokurorëve të Kosovës
• A mund të njëjtësohet dhuna e individit (deputetit) me dhunën e pushtetit (Parlamentit)
• Roli i SHBA-ve në KS dhe koncepti anakronik i qeverisjes së pushtetarëve
• Profili i Isa Mustafës
• Kosova në terror psikologjik
• Si po degradon PDK-ja
• Gjykata speciale – kundërkushtetutare dhe shumë e dëmshme për historinë dhe të tashmen e Kosovës
• Lulëzimi i korrupsionit në Kosovë dhe EULEX-i
• Rëndësia e reformave ne drejtësinë e shtetit shqiptar dhe rezistenca e PD-së sepse po cenohen interesat e disa individëve brendapartiak
• Simpatia ime për amabsadorin Donald Lu
• Pse dhe si do të duhej të merrte fund kriza institucionale në Kosovë
• Figura e Adem Demaçit në 80 vjetorin e tij dhe kush po e shfrytëzon figurën e Demaçit për poena politik.
Rektori i Universitetit “Ukshin Hoti” në Prizren, Ramë Vataj, të gjithë mësimdhënësve të UPZ-së dhe arsimtarëve në të gjitha nivelet e arsimit në Kosovë dhe anembanë trojeve shqiptare ua uron Ditën e Mësuesit “7 Marsin”.
“Me këtë rast shprehim mirënjohjen për punën e madhe dhe sakrificën që mësuesit kanë bërë dhe po vazhdojnë të bëjnë në arsimimin e gjeneratave”.
“Kjo është një ditë e shënuar dhe më e ndritshme e popullit shqiptar që shënon kthesën e madhe”.
“Neve na mbetet që të jetësojmë porosinë e atyre që ngritën dhe mbajten gjalle shkollën shqipe ne etapa te ndryshme historike te veshtira per popullin tone, të punojmë në edukimin e shendoshe te gjeneratave të reja ne menyre qe te ndertojme nje shtet te shendoshe”, thuhet në urimin e rektorit Vataj. /PrizrenPress.com/
Vijimi i hetimeve për rastin e Bulqizës në Shqipëri, ku 30-vjeçari Havalja kreu marrëdhënie seksuale me 13-vjeçaren Doga, i ka befasuar efektivët.
Teksa hynë në Tunelin e Qafë-Buallit për të vijuar hetimet për zbardhjen e ngjarjes, ata gjetën një tjetër çift që kryenin marrëdhënie seksuale.
Çifti që policia nuk e ka njohur, ashtu gjysmë të zhveshur, ia kanë mbathur me vrap, duke dalë nga tuneli dhe duke u ngjitur në pyll, shkruan “Panorama”.
Ky tunel, thanë qytetarë të Bulqizës, është ndërtuar muaj më parë në shërbim të Rrugës së Arbërit.
“Ai nuk është vënë në funksion dhe tani shërben për çiftet që hyjnë aty për të kryer marrëdhënie seksuale, në mënyrë të fshehtë. Ky tunel duhet të ketë roje ose duhet të bllokohet deri kur të vihet në punë”.