Forumi i Rinisë së NISMA-s për Kosovën – dega Prizren, do të solidarizohet për t’i dal në ndihmë studentes së sëmurë Anila Brahaj nga Gjonaj i Hasit.

Anila ditë më parë u diagnostifikua me leukemi akute. Një sëmundje e tillë në Kosovë nuk mjekohet.

“Të jesh human do të thotë t’i duash njerëzit, t’u dëshirosh të mirën dhe lumturinë dhe të jesh i dhembshur me ta. Të kesh një zemër të gjerë dhe të madhe, për të ndihmuar me aq mundësi sa ke. Pra kjo është një virtyt që rrjedhë nga brendësia për ndihmë mes veti, në mënyrë që të mos ia kthejnë shpinën njëri tjetrit,sepse përgjegjësia që kemi, nuk bënë të mos i thërras arsyes për ndihmë”, thuhet në kumtesë.

“Forumi i Rinisë së NISMA – dega Prizren, në mënyrën më modeste të mundshme do të solidarizohet , bashkë me shumë qytetar anekënd Kosovës, të cilët po i dalin në ndihmë Anila Brahajt”.

“Kjo mënyrë e ndihmesës nga Forumi i Rinisë së NISMA-dega Prizren, do të manifestohet me pjesëmarrjen masive të të gjithë anëtareve dhe simpatizantëve të NISMA- këtu në degën e Prizrenit, e që janë një numër tejet i madh i tyre, të cilët do të marrin pjesë në koncertin humanitar që do të mbahet në Prizren, në shenjë humanizmi për këtë engjëll”.

“Pra Forumi i Rinisë së NISMA- dega në Prizren, shpreson thellë se një mision i tillë i shenjtë që po bëhet në formë humanizmi për ti dalur në ndihmë Anila Brahajt, do të jetë i realizuar, ngase vullneti i mirë që buron nga shpirti human, tundë edhe malet”.

“Andaj ne si forum i Rinisë së NISMA- në Prizren, njëherit bëjmë edhe thirrje që sa më masovikisht të dalim në ndihmë”. /PrizrenPress.com/

Departamenti për Krime të Rënda i Gjykatës Themelore të Prizrenit ka vendosur nje muaj oaraurgim ndaj të pandehurit me iniciale F.P. nga Prizreni, për shkak të dyshimit të bazuar se ka kryer veprën penale ‘vrasja në tentativë’ nga neni 178 lidhur me nenin 28 të KPK-së, dhe veprën penale ‘mbajtja në pronësi, kontroll ose posedim të paautorizuar të armëve’ nga neni 374 par.1 të KPK-së.

Në në komunikatë të gjykates thuhet se i pandehuri do të mbahet në paraburgim në kohëzgjatje prej një muaji, i cili do të llogaritet prej kohës së ndalimit, data 14.03.2016 në ora 13:00, dhe do të zgjasë deri me datën 14.04.2016.

I pandehuri dyshohet për shkelje të Kodit Penal, sepse me datën 14.01.2016 rreth orës 20:20 minuta në Prizren në rrugën “Flamuri” pas një mosmarrëveshje paraprake që ka pasur një javë më herët me B.K. me dashje tenton të privojë nga jeta personin tjetër, në atë mënyrë që armatoset me një pistoletë të cal.7.65 mm dhe më të parë B.K., i cili ishte në shoqëri me B.M., Z.T. dhe M.B. e ndalon automjetin “FiatPunto” dhe shtënë me pistoletë pesë herë në një vend publikë në drejtim të B.K. në një distancë prej 20 metra me ç’rast plagos të dëmtuarin M.B. duke i shkaktuar të njejtit lëndime të rënda trupore. /PrizrenPress.com/

Dega e LDK-se në Zhur, përmes një komunikate, e ka akuzuar drejtorin e shkollës “Dëshmorët e Zhurit“, Bedri Hoxhajn, për mos zbatimin e konkluzionit për transportin e nxënësve udhëtar të lagjës “Gurishta“ për në shkollën amë në Zhur dhe anasjelltas.

“Në vend të marrjes së masave ndëshkuese ligjore nga kompetentët komunal – kryetari Muja, për shkak të dënimit nga Gjykata Themelore në Prizren për keqpërdorim të detyrës zyrtare të drejtorit të SHMU “Dëshmorët e Zhurit“ në Zhur, Bedri Hoxhaj, ‘zyrtari’ në fjalë vazhdon me avazin e vjetër, sepse zbaton ose refuzon heshtaz, zbatimin e Konkluzionit të nënshkruar nga kryetari Muja, i datës 19.01.2016 nr.01/06-7757 për bartjen-transportin e nxënësve udhëtar të Lagjës “Gurishta“ për në shkollën amë në Zhur dhe anasjelltas. Për këtë është shpallur edhe tenderi bartës sipas këtij konkluzioni është drejtoria e shkollës në Zhur”, thuhet në reagim.

“Për fat të keq kaloi faza e tretë e procesit mësimor dhe koha më e vëshirë për udhëtim/stina dimrit/, ende nuk është ndërmarrë asgje nga drejtori shkollës. Ky gjest len me kuptu se Konkluzionet e Kryetarit Muja realizohen vetëm në letër e jo në vepër”.

“Bëjm apel që ky konkluzion të vihet në praktik sa më parë, në mënyrë që nxënësit udhëtarë nga paralagja “Gurishta” të kenë udhëtim të sigurt nga rreziqet që mund ti kushtoj me jetë nga qentë endacakë dhe faktorë të tjerë”. /Prizren Press.com/

Policia e Kosovës përmes një komunikate ka bërë të ditur se ka arrestuar dy persona për sulm ndaj personit zyrtar në Prizren.

Në fshatin Sredsk, dje, një i mitur derisa ishte duke qarkulluar me veturë, ka refuzuar urdhrat e zyrtarëve policorë për ndalje dhe me automjet ka goditur zyrtarin duke i shkaktuar lëndime të lehta trupore. Me vendim të prokurorit i dyshuari është dërguar në mbajtje, ndërsa në cilësinë e provës materiale është konfiskuar edhe vetura.

Ndërkaq, në rrugën “Wiliam Woker” i dyshuar në gjendje të dehur ka kanosur me fjalë zyrtarët policorë derisa ishin duke kryer detyrën zyrtare. Me vendim të prokurorit i dyshuari është dërguar në mbajtje. /PrizrenPress.com/

Një video e shpërndarë nëpër media dhe rrjete sociale ka shokuar opinionin, pasi një mësues shihet duket rrahur një nxënës.

Lidhja direkte në emisionin Ora e Fundit të Klan Kosovës i është kushtuar këtij incidenti, ku para kamerës ka folur babai i nxënësit të rrahur si dhe vetë nxënësi, por ky i fundit ka folur pa e zbuluar fytyrën.

Babai i tij, Besnik Berisha, ka sqaruar se si e ka takuar djalin duke qarë në rrugë dhe procedurën që e ka ndjekur më pastaj.

“Gjatë orës 12:20 pasdite e kam takuar djalin duke qarë tha më ka rrahur mësuesi Gani, kur e pyeta mësuesin tha djali më ka fyer shumë, por nuk është e vërtetë që e ka fyer ka folur vetëm një fjalë. Pas kësaj kemi shkuar te drejtori së bashku me mësuesin Gani, drejtori ka thënë që t’i kërkojmë falje, i kemi kërkuar djali ka hyrë në klasë, pas dy ore pastaj kemi parë videon çfarë ka ndodhur.Rastin e kemi paraqitur në polici,” ka thënë Berisha, njofton Klan Kosova.

Viktima në këtë rast tregon se mësuesi fillimisht e ka shtyr ky ia ka kthyer me një fyerje ku më pastaj ka pasuar dhuna e mësuesit.

“Unë i thash mësuesit dua të shkojë në shtëpi, ai më ka shty njëherë nuk më ka lënë me hy e kam sharë pastaj ka filluar të më godas shumë. Unë e kam sharë pasi më ka humbur kontrolli pasi më ka shtyrë shumë. Një herë e patë rrahur një shok te klasës vetëm pasi e ka kthyer kokën mbrapa dhe ja ka lëvizur unazën nga vendi, ai nuk e ka bërë të madhe këtë,” ka përfunduar nxënësi i rrahur.

Pas zgjedhjes së ish-kryeministrit Hashim Thaçi në pozitën e presidentit të vendit, nuk përjashtohet skenari i paralajmëruar më herët në prapaskenat e politikës kosovare – shpallja e zgjedhjeve të reja.

Në këtë rast, LDK-ja, sipas njohësve të rrethanave, do të ishte subjekti kryesor politik që do ta paguante faturën e shtrenjtë të sjelljes joserioze në raport me parimet e vendosura dhe premtimet e dhëna para elektoratit të vet, duke humbur qeverisjen e vendit dhe rikthimin e sigurt në parti politike opozitare.

“Vota për Thaçin është votë për krimin dhe votë që Kosova asnjëherë të mos jetë një shtet me stabilitet dhe i liruar nga kapja e krimit”, thotë deputeti Adem Salihaj.

“Askush nuk ishte kundër zgjedhjes së presidentit të Kosovës. Ata që mundohen ta përdorin këtë si fakt e bëjnë vetëm për t’i mashtruar injorantët dhe për t’i hedhur hi syve të elektoratit të LDK-së. Elektorati i LDK-së këtë herë nuk arriti të manipulohet dhe mashtrohet, ai është skajshmërisht i revoltuar”, shprehet deputeti i LDK-së.

Ai është shumë i sigurt që PDK-ja dhe Thaçi tani synojnë zgjedhjet e reja dhe rimarrjen e sërishme të Qeverisë së Kosovës në drejtim të PDK-së. /Kosova Sot/