Ish­ shefi i shërbimit Informativ shtetëror, Fatos Klosi mohon se Shërbimi Sekret Kombëtar i drejtuar nga ai bashkëpunonte me Serbinë, për të cilën u akuzua nga kryeministri i Kosovës, Isa Mustafa.

Në një intervistë për Ora News, Fatos Klosi thotë se Mustafa ka arsye që lidhen ngushtësisht me interesa politike për të fshehur një tjetër të vërtetë të madhe që është e shkuara e tij.

Shqipëria sipas Klosit në kohën kur ai drejtonte Shërbimin Informativ, bashkëpunonte me shumë vende perëndimore, por kurrë me Serbinë dhe vendet e lindjes.

“Më erdhi shumë keq për gjuhën që përdori duke më quajtur mua kryespiun. Është injorante të më quajë mua kryespiun. Unë kam përçarë UCK’­në?! Është absolutisht e kundërta, ata që kanë qenë në UÇK e dinë shumë mirë, ky ska qenë ndonjëherë, ky trembej nga UÇK’­ja. Ky bën pjesë në atë qeveri në emigracion, që ka qenë jashtë Kosovës. Gjatë gjithë luftës ka qenë jashtë Kosovës. Nuk më intereson ku ka qenë, por ai nuk ka gojë të flasë për bëmat e UÇK’­së, dhe të japë opinion për UÇK’­në. Ne quanim armikun kryesor të shqiptarëve Serbinë dhe ka qenë në krye të listës. Nuk kishte asnjë shans që të kishim bashkëpunim me serbët në atë kohë. Hë për hë ka interesa në valle. Këta që nuk luftuan duhet ta justifikojnë pse nuk luftuan, dhe fshihen pas filozofisë së Rugovës. Ai duhet të justifikojë veten e vet, është kryeministër i Kosovës, Kosovë që lindi nga kjo luftë dhe ai nuk ishte pjesë e saj dhe mbron Rugovën për të mbrojtur veten e vet. Ai ishte i fshehur gjatë luftës, asnjeri nuk e dinte se ku ishte dhe çfarë bënte”, shprehet Klosi.

Klosi shkon me tej kur flet edhe për rolin e Rugovës në shpalljen pavarësisë se Kosovës. Ai thotë se nëse nuk do të ishin vendet e huaja, Kosova sot nuk do të ishe e pavarur:

“Unë nuk isha dakord me filozofinë e Rugovës, meqë e kisha parë se për shumë vite ajo filozofi nuk kishte çuar asgjëkundi gati gati kisha bindjen se ajo I pëlqente Serbisë. Prandaj ajo e kishte toleruar. Nuk ishte aq e thjeshtë të toleronte Serbia që paska president Kosova. Rugova këtë thoshte gjithmonë: Mos u ngusni e kemi qeverinë, ndërkohë që ajo qeveri nuk ishte efektive. Iu lanë vetëm shkollat pasi u kërkua me ngulm, dhe qe një aktivitet shumë i vogël dhe nuk përfaqësonte një autonomi reale. Me fillimin e luftës filozofia e rugovës mori fund dhe doli nga loja Kur Millosheviçi qe i detyruar të zbonte kosovarët, asnjëherë nuk kishte për të ndodhur kjo me Rugovën në krye, asnjëherë”

Klosi tha se opinionin i Rugovës nuk është marrë parasysh nga ndërkombëtarët:

“Asnjeri nuk e ka marrë parasysh opinionin e Rugovës se kur do ndodhnin bombardimet, se do bëhej Rambujeja dhe për Rambujenë e dinë shumë mirë se kush ka qenë opinionin i Rugovës. Absolutisht nuk është futur në llogaritë e ndërkombëtarëve filozofia e Rugovës, sepse ai doli nga loja. Me fillimin e luftës filozofia e tij mori fund dhe ai doli nga loja. Kaq e thjeshtë është, prandaj më vjen keq. Ky është opinionin im, mbase jam një pakicë, por nuk është e nevojshme që një kryeministër të përdorë një gjuhë të tillë.

Gjatë intervistës Klosi pranon se ushtria e drejtuar nga Bukoshi, pjesë e së cilës ishte dhe Isa Mustafa, ka dështuar në betejën e Kosharës, ku ushtarët lëshuan armët dhe flamurin shqiptar:

“FARKU, ushtria e qeverisë së Bukoshit ku bënte pjesë dhe zotëria ishte një ushtri me oficerë shqiptarë që kishin mbaruar akademitë ushtarake në Serbi, Jugosllavi, mbase në Kroaci dhe dinin të flisnin më mirë serbisht sesa shqip. Madje një pjesë e madhe e tyre ishin martuar me gra serbe. Ata do ta bënin luftën?!” Është vetëm një betejë që përfundoi me shumë turp për shqiptarët, beteja e Kosharës. Një brigadë e kësaj ushtrie u shpartallua dhe hodhën armët hodhën flamurët. Serbët e regjistruan dhe e dhanë në televizionet e tyre”.

Edhe në emisionin Komiteti, prodhim i Gazetës Express për RTK’në, ish-shefi i SHIK-ut Fatos Klosi kishte folur për kohën sa ishte në krye të Shërbimit Informativ të Shqipërisë.

Kishte thënë se Ibrahim Rugova udhëhiqte politikë pa krye.

Pas kësaj, në një reagim të tij në rrjetin social Facebook, lideri i LDK’se, Isa Mustafa i kundërvihet ashpër Klosit, madje e akuzon atë se Shërbimi Informativ i drejtuar prej tij kishte përçarë luftën e UÇK’së.

Ish kryetari i Kuvendit të Kosovës, Jakup Krasniqi, përmes një statusi në Facebook ka thënë se shqiptarët nuk po janë në gjendje ta kuptojnë demokracinë, pasi që nuk po munden ta respektojnë mendimin ndryshe.

Krasniqi ka shkruar edhe për veteranët e UÇK-së. Sipas tij meqenëse të gjithë shqiptarët janë UÇK kohët e fundit atëherë ai ka propozuar që të mos numërohet askush dhe e gjithë Kosova ta marr statusin e veteranëve.

Postimin i plotë i Jakup Krasniqit në Facebook

Pasi ne shqiptarët nuk po kemi mundësi ta kuptojmë Demokracinë, pasi nuk jemi të gatshëm ta respektojmë mendimin ndryshe, idetë e kundërta e as të zhvillojmë debat si njerëz me edukatë e kulturë, pasi e vërteta po na vret, te heqim dorë nga Sistemi Demokratik e ta kërkojmë një sistem tjetër, p.sh. atë te njemendsisë. Pasi siç po dëshirojmë edhe mashtrimin edhe demokracinë, sikur këto te dyja nuk po shkojnë bashkë. A pak na mashtruan gjatë fushatave zgjedhore?

Pasi nuk po mund ta durojmë të vërtetën, pse ajo po godet, atëherë le t’i shpallim të gjithë ata që flasin shqip ( që flasin te vërtetën), si persona të pa dëshiruar për të ardhur qoftë edhe si turist apo edhe për të jetuar në Kosovë. Pra të gjithë ata që flasin shkurt e shqip.

Kur t’ua ndalojmë atyre që flasin shqip te hyjnë në Kosovë, t’ua hapim rrugën atyre që flasin serbishtë apo atyre që flasin shqip, por që mendojnë paraprakisht serbishtë! Se këto kategorit e fundit kanë gjasa të merren më mirë vesh njëri me tjetrin?!

Si po duket këtyre të fundit po ju pelqen vetëm njëmendësia?! Disa po e lakmojnë njememdësin e mos të bërit asgjë e të pasuritë gjithçka. Pasi “gjithë shqiptarët janë Mic Sokola” . Tani si po flitet, “të gjithë shqiptarët janë UÇK”?! Atëherë për çka na duhet numërimi i veteranëve?! T’i shpallim gjithë veteranë e kemi më lehtë apo jo?

Gjermania dhe partnerët evropianë presin një normalizim të plotë të marrëdhënieve midis Serbisë dhe Kosovës përmes një marrëveshje e cila i detyron të dy palët. Kështu tha ministri i jashtëm gjerman Frank-Walter Steinmeier, para vizitës së tij në Serbi, që do ta zhvillojë të martën.

Ai, në një intervistë për Tanjug, tha se kushtet për hapjen e negociatave për anëtarësim në BE të Serbisë, janë të njohura dhe ato nuk kanë ndryshuar.

Ministri gjerman tha se është i vetëdijshëm se ky proces do të jetë i gjatë dhe i vështirë.

Ai shtoi se njohja e Kosovës nga ana e Serbisë, nuk është kusht që i është vënë Beogradit për integrim në BE, dhe këtë nuk ja ka thënë as qeveria gjermane.

“Gjermania është e angazhuar që hapjen e kapitullit 35 të rrugës së integrimit të Serbisë në BE, ta lidh me normalizimin e plotë të marrëdhënieve – dhe implementimin e marrëveshjes së nënshkruar më 19 prill të vitit 2013”, ka thënë ai.

Ai theksoi se në Beograd vjen me mesazhin se Gjermania mbetet partner i besueshëm i Serbisë në rrugën e saj drejt BE-së. /Lajmi.net/