Duhet të bësh kujdes kur vesh një fustan të tillë.
Jess Impiazzi ekspozoi gjoksin më shumë se ç’duhej.
Ylli britanik kishte dalë me një mikeshën e saj, Talitha Minnis për një natë jashtë.
Ardita Statovci kurorëzoi koncertet recitale të “Chopin Piano Fest”
Për arritjet e saj si pianiste është shpërblyer disa herë me çmime nga institucionet kulturore të Austrisë. E mrekullueshme, e pastër dhe interprete që sjellë shumë emocion, është cilësuar kështu të jetë sa herë që ajo ka hedhur gishtërinjtë e saj me elegancë në tastierën e pianos.
Përderisa ajo vazhdon të mbajë koncerte në pjesët më të bukura të Evropës, pianistja tashmë e famshme shqiptare, Ardita Statovci, ka zbarkuar të premten mbrëma në Prishtinë, me një repertor aktual i cili aktualisht po del të jetë më i preferuari i kohës.
E veshur me një fustan të bardhë ku shquheshin vijat ngjyrë të kuqe, pianistja e talentuar Statovci përballë spektatorëve të shumtë që nuk i zinte dot salla e Swiss Diamond, nisi mbrëmjen e parafundit të “Chopin Piano Fest”, duke luajtur meloditë “Sonatë për piano, as-dur op 57…” të realizuar nga mjeshtrja e madhe nga Kroacia – Dora Pajaçevic, kurse ajo vazhdoi me një vepër themeltare për pianistët, “Sonatë c-dur KV 330” të W.A. Mozart.
Pastaj, Statovci pasi priti gjersa të përfundonin duartrokitjet që shpërndaheshin furishëm në sallë nga ana e publikut, nën qetësinë e duhur teksa morri frymë thellë, filloi të ekzekutonte me saktësi çdo notë të veprës muzikore “Prishtina-Blues” e kompozitorit Rafet Rudi.
Vepra më e rëndësishme e periudhës moderne të literaturës pianistike, e thënë ndryshe të jetë vepër jashtëzakonisht virtuoze në çdo aspekt, “Sonata pour piano” e francezit Henri Dutilleux, u performua në fund të këtij koncerti që shënoi mbrëmjen e tetë të edicionit të gjashtë të “Chopin Piano Fest”.
“Çështja është që repertori aktual i cili po interpretohet në vende të ndryshme të Evropës, u performua edhe këtu në Kosovë, siç është me rastin e veprës së kompozitores nga Kroacia, Dora Pejaçeviç. Pastaj kudo në performancat e mija unë luaj veprën e Rafet Rudit, të cilën e luajta edhe sonte, me qëllim që të promovoj kulturën dhe muzikën shqiptare. I falënderoj të gjithë të pranishmit të cilët kishin shprehur interesim për koncertin tim”, deklaroi për KultPlus, pianistja Statovci, vetëm pasi morri shumë lëvdata nga miqtë dhe familjarët e saj.
“Me këtë koncert ne përfunduam suksesshëm serinë e koncerteve recitale. Në të gjitha mbrëmjet kishte audiencë tejet të interesuar e të cilët ndaheshin të kënaqur me performancat e pianistëve të ardhur në këtë edicion. Neve s’na ndal asgjë, përkundër vështirësive treguam se dimë të organizojmë gjëra të bukura. Vlerat tejkalojnë çdo sfidë, prandaj çdo vlerë ia vlen të përkrahet, pasi që i bën nder vendit, e jo neve si organizatorë”, theksoi drejtuesja e festivalit “Chopin Piano Fest”, Besa Luzha.
Sido që të jetë, pianistja Ardita Statovic do të jetë e pranishme edhe këtë të shtunë mbrëma në Shkollën e Mesme të Muzikës “Prenk Jakova” në Gjakovë, me po të njëjtin repertor në një koncert i cili pritet të nis nga ora 20:00.
Përndryshe, ky edicion për këtë vit të “Chopin Piano Fest”, do të marrë fund me koncertin premierë të Filarmonisë së Kosovës, i cili do të mbahet të dielën mbrëma në Sallën e Kuqe në Prishtinë nga ora 20:00, e ku do të jenë pjesëmarrëse pianistja nga Kosova Florita Dërguti si dhe bullgarja Nadjda Vlaeva, ku do të udhëhiqen nga dirigjenti vietnamez Le Fi Fi./KultPlus.com/
Redona Koci, ‘lepurushja’ seksi (Foto)
Tironsja Redona Koci vazhdon të tregojë stil të veçantë në modën shqiptare.
Ajo eksperimenton dhe shfaqet gjithmonë ndryshe prej kolegeve të saj.
Redona po vazhdon karrierën si modele.
Çiljeta Xhilaga tregon gjoksin bombastik (Foto)
Çiljeta Xhilaga ka menduar të kënaqë fansat e saj me një foto nga aseti i saj më bombastik.
Nuk dihet kur është bërë foto.
Arrestohet në Prizren, dërgohet në burgun e Dobravës
Një person është arrestuar në rrugën “Sheh Emini” në Prizren. I dyshuari është dërguar në burgun e Dubravës.
“Në bazë të urdhëresës lëshuar nga Gjykata Themelore Prizren, është arrestuar një mashkull K/Shqiptar dhe i njëjti është dërguar në vuajtje dënimi në burgun e Dubravës”, njofton Policia. /PrizrenPress.com/
Prizren: Vetura del jashtë rruge, lëndohen dy persona
Dy persona janë lënduar kur një veturë në rrugën “Qazim Berisha” në Prizren ka humbur kontrollin dhe ka përfunduar jashtë rruge.
“Drejtuesi i veturës mashkull K/Shqiptar duke drejtuar veturën e tij nga pakujdesia ka humbur kontrollin mbi veturë dhe ka përfunduar jashtë rruge”, njofton Policia. “Përveç dëmeve materiale lëndime trupore ka pësuar vetë drejtuesi dhe pasagjeri mashkull K/Shqiptar, të cilët janë dërguar në spitalin e Prizrenit për trajtim mjekësor”. /PrizrenPress.com/
Drogë drejt Kosovës, 5 të arrestuar
Një operacion i policisë së Kukësit i koduar “Jupa 1” ka zbuluar një sasi të konsiderueshme lënde narkotike me destinacion Kosovën dhe ka vënë në pranga dy persona. Në orët e mbrëmjes së lënë pas u vu në pranga Indrit Lala, 22 vjeç , banues në Krumë të Hasit dhe Selanik Hoti, 23 vjeç, banues po në Krumë.
Burime zyrtare nga policia thanë për Noa.al, se dy të rinjtë janë kapur në flagrancë në rrugën Kukës- Morinë, pasi me automjetin tip Mercedes Benz me targa AA 552 KE, që e drejtonte Indrit Lala transportonin rreth 3 kilogramë lëndë narkotike të dyshuar si marijuanë, të cilën do ta trafikonin për në Kosovë. Nga hetimet e kryera nga unifomrat blu rezulton se të ndaluarit kryenin trafikim të lëndëve narkotike në sasi të vogla në drejtim të Kosovës. Mësohet se lëndën narkotike e kanë blerë në një qytet të Shqipërisë së Mesme.
Nga ana e uniformave blu lënda narkotike dhe automjeti u sekuestruan në cilësinë e provës materiale.
Arrestohen 3 të tjerë
Paraditen e sotme policia e Kukësit informoi se ka shkuar në pesë numri i të arrestuarve të operacionit “Jupa 1”, pasi janë kapur dhe tre persona të tjerë të përfshirë në trafikun e lëndëve narkotike në drejtim të Kosovës.
Të arrestuarit janë Altron Maxhuni, 23 vjeç, banues në Prishtinë, Grir Shala, 27 vjeç, banues në Prishtinë dhe Ermir Dedja, 19 vjeç banues në Durrës. Kapja e dy shtetasve nga Kosova u bë në mesnatë në afërsi të Morinës, ndërsa i riu nga Durrësi u kap në Durrës në bashkëpunim me Policinë e Durrësit. Nga tërësia e veprimeve hetimore rezultoi se Ermir Dedja gjatë ditës së djeshme iu ka shitur lëndën narkotike dy shtetasve të arrestuar gjatë operacionit, Indrit Lala dhe Selanik Hoti, të cilët do ta transportonin lëndën narkotike deri në afërsi të Morinës, ku do ta blinin dy shtetasit kosovarë. /noa/
Vritet aktivistja e të drejtave të njeriut
Një aktiviste për të drejtat e njeriut në Pakistan është vrarë nga të shtënat që janë bërë prej një veture në lëvizje në Karaçi. Aktivistja e të drejtave të njeriut, Sabeen Mehmood, ka qenë rrugës për në shtëpinë e saj dje kur persona të armatosur e kanë vrarë me armë zjarri.
Nëna e saj, e cila ishte së bashku me të, është plagosur. Deri më tash asnjë grup nuk e ka marrë përsipër përgjegjësinë për sulmin. Mehmood, e cila ka qenë drejtoreshë e fondacionit bamirës “Kati i Dytë”, shpesh herë është kërcënuar me vrasje.
Kjo organizatë posedonte një kafiteri dhe një dyqan librash ku rregullisht janë mbajtur diskutime rreth të drejtave të njeriut. Sulmi ka ndodhur pak pasi Mehmood ka organizuar një diskutim rreth abuzimeve me të drejtat e njeriut në krahinën e trazuar të Baloçistanit.
Ky diskutim fillimisht ishte paraparë që të organizohet në universitetin e Lahores, mirëpo autoritetet e patën bllokuar këtë mundësi, raportojnë mediat pakistaneze./REL/
Gjendet një trup i pajetë në aksin Lezhë-Milot
Trupi i pajetë i një personi është gjetur mëngjesin e sotëm në aksin Lezhë-Milot, nga kalimtarë të rastit që kanë lajmëruar policinë.
Autoritetet lokale bëjnë të ditur se, uniformat blu e kanë identifikuar të ndjerin, përmes një dokumenti që ai kishte me vete, si shtetasin Gëzim Sula, 60 vjeç.
Burimet saktësojnë se trupi është gjetur në vendin e quajtur Ishull Lezhë dhe nga hetimet paraprake dyshohet që ai të jetë goditur për vdekje nga një makinë. /Top Channel/
Pajtimi ndalon gjakmarrjen
Kryetari i Këshillit të Pajtimit, Fetah Bekolli ndjehet mirë kur arrin t’i pajtojë familjet e hasmëruara dhe në gjak. Thotë se nuk ka akt më madhështor se sa t’i pajtosh e largosh familjet nga gjakmarrja.
“Nuk ka akt më madhështor në këtë botë se sa t’i pajtosh familjet që për arsye të ndryshme janë hasmëruar e kanë rënë në gjak”, shprehet Bekolli.
Ai tregon se Këshilli i Pajtimit, deri më tash ka pajtuar qindra familje të hasmëruara.
“Pas luftës kam besuar se nuk do të kemi familje të hasmëruara. Por fatkeqësisht për arsye të ndryshme Këshilli i Pajtimit është i detyruar të funksionojë dhe të pajtojë këto familje”, tha Bekolli në një emision në TV Besa.
Ai thotë se pajtimi i familjeve të hasmëruara zhdukë hakmarrjen.
“Nuk ka pasur pajtim të familjeve që nuk kam qarë”.
Begolli thotë se të gjithë ata që kanë mundësi duhet të angazhohen në pajtimin e familjeve të hasmëruara.
“Të gjithë ata që kanë mundësi duhet të angazhohen në pajtimin e familjeve të hasmëruara. Nuk ka vepër më të shenjtë në këtë botë se sa t’i pajtosh familjet e hasmëruara,sepse ndalon edhe hakmarrjen”./PrizrenPress.com/