Muajt e fundit, lajmet për fajdet dhe fajdexhinjtë kanë dominuar nga Prizrenii pas një vrasjeje tronditëse që ndodhi në rrugët e qytetit.

Kësisoj, edhe fokusi i policisë u zhvendos në luftimin e këtij fenomeni.

Rubrika “Policia” e emisionit “Drejtësia në Kosovë” transmetoi pamje ekskluzive të një aksioni policor në ndjekje të fajdexhinjve.

Pamjet tregojnë se si të dyshuarit fshihen në banjo.

Atë mëngjes, njësitet policore arrestuan tre të dyshuar dhe konfiskuan një kallashnikov, një revole dhe një pushkë gjuetie.

Analistët politikë konsiderojnë se është momenti i fundit, që kapësit e shtetit dhe rrënuesit e Kosovës të ballafaqohen me ndëshkimin që sjellin zgjedhjet dhe me forcën e ligjit

Kapja e shtetit nga krimi i organizuar dhe korrupsioni është bërë një barrë e rëndë për qytetarin e Kosovës, si pasojë e instalimit në institucione të një lidershipi të papërgjegjshëm që sheh vetëm interesat e veta dhe të klaneve të oligarkisë kriminale. Analistët politikë konsiderojnë se tash është momenti i fundit që kjo klasë politike të japë përgjegjësi, qoftë përmes votës, apo edhe para drejtësisë, kur dihet se që prej shpalljes së pavarësisë nuk ka pasur kaq shumë pakënaqësi në mesin e qytetarëve.

Analisti politik, Isa Mulaj thotë se rezultatet e degjenerimit dhe perspektivës së zymtë në Kosovë me mundësi serioze të përkeqësimit të mëtejmë tani nuk kanë nevojë të vërtetohen me anketa dhe hulumtime, sepse ato dihen dhe shumica e qytetarëve janë duke i ndier në lëkurën e tyre, prandaj është vetëm momenti kyç që dikush ta marrë iniciativën e organizimit dhe të ndodhë shpërthimi qytetar kundër së keqes.

“ Është naivitet të kërkohet alternativë më e mirë pa ndëshkimin me vendosmëri të keqbërësve në pushtet që e kanë sjellë Kosovën në këtë gjendje. Me këtë kastë politike dhe mafioze, e mira kurrë nuk duket në horizont. Në fakt, as që duhet të mendojmë për ndonjë alternativë më të mirë të qeverisjes, sepse ajo krijohet vetëm nga ndëshkimi i keqbërësve”, ka thënë Mulaj. Sipas tij, disa ambasadave të huaja dhe Zyrës së BE-së në Kosovë duhet t’u shihet për të madhe tek mbështetin rrjetin kriminal të instaluar në institucionet kyçe të Kosovës../kosova sot/

Deputeti i Kuvendit të Kosovës nga radhët e Lëvizjes Vetëvendosje!, Rexhep Selimi, ka thënë se çelësi i stabilizimit politik dhe institucional në Kosovë është në dorën e kryeministrit Isa Mustafa.

Në këtë intervistë për “Epokën e re”, ai ka vlerësuar se zgjidhja më e mirë për të gjitha palët është pezullimi i marrëveshjes për ‘Zajednicën’.

“E vetmja zgjidhje për kryeministrin, për Qeverinë, për opozitën e, para së gjithash, për Kosovën, është pezullimi i marrëveshjes për ‘Zajednicën’, për shkak se kjo marrëveshje është antikushtetuese dhe është kundër interesave të shumicës së qytetarëve të Kosovës”, është shprehur Selimi.

Ai ka thënë se marrëveshja për “Zajednicën” fare nuk do të duhej të dërgohej në Gjykatën Kushtetuese meqë, sipas Selimit, kjo gjykatë është në duart e politikës si dhe kredibiliteti i saj nuk është i mjaftueshëm për ta bindur opozitën që t’i besojë.

“Kryeministri i Kosovës kërkon nga ne t’i besojmë një Gjykate Kushtetuese së cilës për një çështje të caktuar nuk i ka besuar ai vetë. Prandaj, Gjykata Kushtetuese është në duart e kryeministrit dhe të politikës. Duke qenë e tillë, fare nuk do të duhej të dërgohej marrëveshja për ‘Zajednicën’ në këtë gjykatë”, ka theksuar ai.

Selimi ka bërë me dije se pas ratifikimit të Marrëveshjes për Stabilizim Asociim opozita do të vazhdojë ta bllokojë punën e Kuvendit të Kosovës, duke thënë se sa më kryeneçe të jetë Qeveria, aq më i madh do të jetë reagimi opozitar.

“Sa më tepër që të ketë masa represive për ta mposhtur opozitën, aq më tepër do të ketë përshkallëzim. Nuk ka variant të kthimit prapa të opozitës si pasojë e trysnisë nga pozita”, ka deklaruar Selimi.

Po ashtu, ai i ka komentuar edhe reagimet e zyrtarëve serbë për mundësinë e pezullimit të marrëveshjes për “Zajednicën”. Selimi ka thënë se ky reagim do të duhej të ishte një argument shtesë për ta kundërshtuar edhe më shumë marrëveshjen për asociacionin e komunave serbe.

Analistë politikë dhe deputetë të opozitës theksojnë se ky pushtet po e humb krejtësisht besimin, për shkak të mashtrimit të madh që u ka bërë qytetarëve, dhe për shkak të instalimit të krimit të organizuar dhe korrupsionit në të gjitha nivelet e pushtetit

Raporti më i ri i UNDP-së, që mat besueshmërinë e qytetarëve të Kosovës në institucionet e tyre, sipas analistëve politikë dhe opozitës, vlerësohet si një nga raportet më negative që nga legjislatura e parë e këndej. Kjo humbje e madhe e besimit në institucionet e zgjedhura nga qytetarët vetëm para një viti, është dëshmia më e fortë, që tregon se kjo Qeveri e dështuar për një vit të punës po e humb edhe legjitimitetin e marrë në zgjedhje me premtime mashtruese dhe blerje e vjedhje të votës. Kjo situatë cilësohet edhe si një paralajmërim për një proces të ri të parakohshëm zgjedhor më së voni vitin e ardhshëm.

Deputeti i lëvizjes ‘Vetëvendosje’, Ismail Kurteshi, konsideron se ky pushtet po e humb besimin për shkak të mashtrimit të madh që u ka bërë qytetarëve. “Ndjeshmëria karshi korrupsionit, krimit të organizuar dhe dukurive të tjera negative po rritet me shpejtësi edhe në mesin e qytetarëve të rëndomtë, të cilët po i ndiejnë drejtpërdrejt pasojat”, tha Kurteshi për “Kosova Sot”. Ai është i sigurt se vetëm me daljen e shpejtë në rrugë nga qytetarët e pakënaqur, kjo Qeveri do të detyrohet të vetëdorëzohet për t’u liruar rrugë zgjedhjeve të reja…/kosova sot/