Presidenti i Turqisë, Rexhep Taip Erdogan, do qëndrojë më 13 maj në Shqipëri për një vizitë zyrtare, me ftesë të presidentit të Republikës, Bujar Nishani.
Kreu i shtetit turk i është përgjigjur pozitivisht ftesës së homologut të tij shqiptar. Ai pritet të takohet me të gjithë krerët shqiptarë.
Kjo vizitë ishte parashikuar të kryhej vitin e shkuar po në muajin maj, por u anulua për shkak të tragjedisë, e cila ndodhi në një minierë në Turqi, ku humbën jetën qindra minatorë. /Shekulli/
Policia e Kosovës e ka konfirmuar arrestimin e sekretarit organizativ të Lëvizjes Vetëvendosje!, Dardan Molliqaj. Sipas, zëdhënësit të Policisë së Kosovës, Daut Hoxha, Molliqaj është arrestuar të premten në orët e mëngjesit, i ngarkuar me vepër për pengim të personit zyrtarë në detyrë.
Hoxha ka thënë se Molliqaj është arrestuar me urdhër të Gjykatës Themelore.
“Mund të konfirmojmë se duke u bazuar në një urdhër arrest të Gjykatës Themelore në Prishtinë i njëjti është arrestuar dhe do të sillet para organeve të drejtësisë”, ka thënë ai, raportojnë mediat.
Hoxha ka shtuar se Molliqaj është arrestuar për shkak të protestave të organizuara të 27 janarit, ndërsa vendimet tjera priten të pasojnë nga gjykata kompetente.
Të rikutjojmë se sekretari organizativ i Lëvizjes Vetëvendosje!, Dardan Molliqajt, sot rreth orës 09:20 është arrestuar nga policia në Aeroportin ndërkombëtar të Prishtinës “Adem Jashari, derisa po donte të udhëtonte për në Zvicër.
Festa e 1 Majit dhe vikendi ka bërë që pika kufitare e Vërmicë sot të jetë e stërngarkuar me shtetas Kosovarë, që kanë zgjedhur ta kalojnë këtë ditë në Shqipëri. Qytetarët nga komuna të ndryshme të Kosovës ia mësyjnë Shqipërinë, por vonohen me orë të tëra në kufi.
Fluksi i madh i qytetarëve për të kaluar andej kufirit, si duket i ka gjetur pa përgatitur punonjësit e pikës kufitare. Autoritetet policore thonë se kanë punuar me pesë sportele, në Morinë, ndërsa udhëtarët kanë pritur me orë për të kaluar matanë kufirit.
Policia thotë se kanë punuar me kapacitete të plota nga mëngjesi, por nuk kanë mundur të shmangin kolonat e gjata dhe qëndrimet në radhë të gjata të udhëtarëve nga Kosova.
Duke parë shkallën e lartë të papunësisë që ka Kosova më të lartën në rajon e Evropë, qytetarët në vend se të zgjedhin formën e protestave paqësore për të kërkuar punë dhe për të kërkuar respektim të drejtave të punëtorëve, kanë zgjedhur formën e festimit.
Ata përveç se festojnë brenda Kosovës, dalin edhe përtej kufijve për të vizituar vendet ku ka shqiptarë. Ndërkaq ne vendet e zhvilluara ekonomikisht në ditën e punës protestohet dhe kërkohen respektim të drejtave të punëtorëve.
Një gjyshe në Sarandë ka bërë një denoncim shokuese. Ajo thotë se mbesa e saj e mitur është dhunuar në kopsht.
Sipas saj, vajza e vogël është autike dhe ka mbërritur në shtëpi e gjakosur.
Gjyshja e ka dërguar vajzën tek një mjek gjinekolog, që thotë se i ka konfirmuar se është abuzuar seksualisht me të.
Policia nga ana e saj thotë se ka pasur një dëmtim fizik, por nuk bëhet fjalë për abuzim seksual.
Vogëlushja ka një dëmtim pranë organit gjenital.
Ndërkohë për ngjarjen ka reaguar edhe Policia, e cila mohon pretendimet e gjyshes së vajzës.
“Në lidhje me kallëzimin e bërë nga shtetësja: E.K., vjeç 58, e cila është gjyshja e të miturës: V.K., vjeç 5, banuese në Sarandë, se me mbesën e saj është abuzuar seksualisht në kopësht, sqarojmë se: Pas kallëzimit të bërë në Komisariatin e Policisë Sarandë, menjëherë janë kryer të gjitha veprimet proçeduriale dhe hetimore si dhe është bërë ekspertiza nga mjekja-gjinekologe, në prani të mjekut ligjor, ku ka rezultuar se nuk kemi të bëjmë me ngacmim seksual, por me një gërvishje në pjesën e jashtme që mund të ketë ardhur nga rrëzimi ose nga ndonjë mjet mekanik. Në përfundim të gjitha veprimeve, materialet i janë dërguar Prokurorisë së Sarandës për “Vlerësim”,” thuhet në deklaratë. /Mapo/
Disa maturantë nga Tirana kanë valëvitur flamurin shqiptar në muret e qytetit të vjetër të Budvës , për çka ka intervenuar edhe policia, transmeton gazeta malazeze Vijesti .
Gazeta raporton se një grup i nxënësve të shkollave të mesme nga Tirana , me flamurin shqiptar në dorë, janë fotografuar me të në njërin nga plazhet kryesore të qytetit, për çka janë fishkëllyer nga disa banorë të Budvës.
Disa nga nxënësit kanë hipur në muret e vjetra, për çka ka intervenuar policia duke marrë flamurin dhe duke i përcjellë deri tek autobusët me të cilët udhëtonin maturantët. Policia siç thuhet ka intervenuar me kërkesë të qytetarëve.
Ligjet malazeze rregullojnë mënyrën e shfaqjes së flamujt e vendeve tjera, dhe me një rregullore të veçantë është rregulluar përdorimi flamurit dhe simboleve kombëtare të popujve pakicë që jetojnë në Mal të Zi.
Kjo mënyrë e shfaqjes së flamurit kombëtar është një kundërvajtje , dhe trajtohet si prishje e rendit dhe qetësisë.
Të dielën më 03 maj në Prizren do të votohet për “Young Audiace Award 2015” (Çmimi nga Audienca e Re), e cila është një iniciativë nga Akademia Evropiane e Filmit.
Tre filmat e nominuar “My Skinny Sister” nga Sanna Lenken (Suedi/Gjermani), ” The Invisible Boy” nga Gabriele Salvatores (Itali) dhe “You’re Ugly Too” nga Mark Noonan (Irlandë) do të shfaqen para publikut të moshës 12-14 vjeç në 25 qytete evropiane.
“Filmat e nominuar do të shfaqen në “DokuKino”, ndërsa filmi fitues do të zgjedhet nga audienca e re, të cilët do të votojnë për filmin më të mirë dhe rezultatet do të shpallen në një video konferencë të drejtpërdrejt nga qyteti Gjerman, Erfurt”. njofton zyrtarja nga “DokuFest”-it, Nita Deda.
Aktorja kosovare Arta Dobroshi, regjisorët Daniel Molloy dhe Kreshnik Berisha dhe drejtori i Qendrës Kinematografike të Kosovës, Arben Zharku, do t’i shiqojnë filmat së bashku me të rinjtë dhe do t’i udhëzojnë ata në vlerësimin e filmave.
“DokuFest” është njëri ndër partnerët e këtij edicioni të “EFA Young Awards” për të dytin vit me rradhë. Ky bashkëpunim nisi në vitin 2013, kur drejtori artistik i “DokuFest”, Veton Nurkollari, u bë pjesëtar i Akademisë Evropiane të Filmit. Si pjesëtar, Nurkollari prezantoj programin e filmave “Short Matters!” në “DokuFest”, votoj për filma për Çmimet Evropiane të Filmit dhe filloj bashkëpunimin për prezantimin e “EFA Young Awards” për herë të parë në Prizren dhe në Kosovë. /PrizrenPress.com/
Organizata Joqeveritare “EC Ma Ndryshe” gjatë muajit prill ka monitoruar e vendimeve të Komunës së Prizrenit.
Monitoruesja Elmedina Baxhaku tha se monitorimi është bërë nga kryetari, drejtoritë e deri tek seancat e Kuvendit Komunal të Prizrenit.
Raporti për muajin prill nga “EC Ma Ndryshe”
1. Ekzekutivi
Përgjatë periudhës 01-30. 04. 2015, kryetari Muja ka mbajtur dy takime me drejtorët e ekzekutivit, të parin më 07.04.2015 dhe mbledhja e dytë është mbajtur me 21.04.2015.
1.1 Statistikat nga vendimet e kryetarit Muja për periudhën 1-30 prill 2015
Në këto dy takime janë miratuar gjithsejt 40 vendime, prej tyre: 17 vendime i aprovohen Drejtorisë së Shërbimeve Publike, 3 vendime Drejtorisë së Urbanizmit dhe Planifikimit Hapësinor, 3 vendime Drejtorisë së Arsimit, 3 vendime Drejtorisë së Turzimit dhe Zhvillimit Ekonomik, 8 vendime Drejtorisë për Kulturë, Rini dhe Sport, 5 vendime Drejtorisë për Punë dhe Mirëqenie Sociale dhe nga një vendim për Drejtorinë e Shëndetësisë dhe Ekonomisë dhe Financave.
Drejtorisë së Shërbimeve Publike
-Lejimin e shpallejes së 17 tenderëve: – Ndërtimi i rrugës lokale në lagjen “Petrovë”
-Furnizim dhe vendosjen e shtyllës te rrethrrotullimi në rr. “Ëesli Clark” dhe “Ismail Kryeziu” në Prizren;
-Ndërtimin e rrugëve lokale në fshatin Dedaj;
-Realizimin e projektit me PPP për tregun “Bajram Curri”;
-Ndërtimin e kanalizimit dhe rrugëve në fshatin “Kabash I Hasit”;
-Ndërtimin e rrugëve lokale në fshatin Mazrek vazhdimi I projektit;
-Ndërtimin e kanalizimit në lagjen Osmanaj dhe Bislimaj në fshatin Kobaj;
-Ndërtimin e kanalizimit dhe ujësjellësit dhe rrugës në lagjen “Tusuz”;
-Tenderi për rehabilitimin e hidranteve në qytet;
-Rregullimin e shtratit të lumit në Zojz;
-Ndërtimin e kanalizimit në fshatin Caparc;
-Ndërtimin e kanalizimit fekal në fshatin Lubizhdë e Hasit;
-Ndërtmin e kanalizimit në fshatin Konjush;
-Ndërtimin e ujësjellësit në fshatin Legjendë-Malësi e Re;
-Ndërtimin e ujësjellësit në fshatin Lubizhdë të Prizrenit dhe
-Rehabilitimin e ujësjellësit në fshatin Korishë.
Drejtorisë së Urbanizmit dhe Planifikimit Hapësinor
Aprovimi i shpalljes së tre tenderëve si: -Riparcelizimin sipas Planit Rregullativ të “Dardania2”-ZK Lubizhdë e Qytetit dhe ZK Gërnqarë;
-Ndërtimin e një kompleksi kushtuar dëshmorëve të UÇK-së në Gorozhup dhe
-Hartimin e Planit Rregullativ Urban për Kampusin e Universitetit të Prizrenit;
Drejtorisë së Arsimit:
-Shpalljen e tenderëve për furnizim me lëndë djegëse dru-pelet për nevojat e shkollavë të Komunës së Prizrenit dhe
-Furnizimit me lëndë djegëse thëngjill për nevojat e shkollave të Komunës së Prizrenit sikurse edhe
-Shpalljen e tenderit për bartjen e nxënësve të riatdhesuar.
Drejtorisë së Turizmit dhe Zhvillimit Ekonomik:
Lejimin e shpalljes së tenderëve për: -restaurimin e fasadave në rrugicat turistike;
-Ndërtimin e konakut –shtëpisë muze të Famullisë së Zymit ku ka jetuar dhe vepruar AT Shtjefën Gjeqov; dhe
-Mbështetje financiare projektit të QPDI-së.
Drejtorisë për Kulturë, Rini dhe Sport:
Përkrahje financiare për: -Botimin e monografisë për aktorin Bekim Fehmiu;
-Përkrahje financiare të disa SHKA-ve dhe OJQ-ve për vitin 2015 si: AKV “Lidhja e Prizrenit” AAKV “Emin Duraku” SHKA “Agimi” SHKA “Muharrem dhe Xhevat Qena-Romajë, SHKA “Dogru Yoll” Prizren, SHKA “Podgorski Biseri”, SHKA “Katarina Josipi”-Zym, OJQ “Alternativ-D”-Prizren, OJQ Shoqata e artistëve të stripit-Prizren, OJQ “EKUD-Mladi talenti”-Prizren, SHKA “Sharski Behar”, SHKA “Durmish Asllano” Prizren, SHKA “Mesk” Prizren dhe OJQ “Klassic Ëave me 500 eu;
-Përkrahje finanicare të disa klubeve sportive si: Klubi I Hendbollit F –Prizreni, Klubi ciklistik M -Prizreni, KB Bashkimi F, Klubi I Mundjes-Prizreni, Klubi I Hendbollit “Lidhja e Prizrenit”, Klubi I tenisit Prizreni, Klubi I atletikës Prizreni, Klubi I Boksit Prizreni, Klubi I Gjudos Prizreni, Klubi I shahut Zhupa, Klubi I ping pongut Prizreni, Klubi I ping Pongut “Elif 19”, Klubi I Ping Pongut Sharri, Klubi I Karatesë Prizreni, Klubi I Karatesë “Habil Krasniqi”, Klubi I Futbollit “Prizrenspor”.
-Përkrahje financiare organizimit të turneut të futbollit kushtuar dëshmorit Nazim Buduri;
-Mbështejte financiare klubit të automobilave “OLDTIMER”
-Mbështetje financiare festës së ditës së turqve në Kosovë;
-Mbështetje financiare për shënimin e ditës Ndërkombëtare të Romëve sikurse edhe
-Realizimin e Mmemorandumit të Bashkëpunimit ndërmjet KOK dhe Komunës së Prizrenit të datës 08.01.2015.
Drejtoria e Punës dhe Mirëqenies Sociale:
-Lejimin I shpalljes së tenderit për ndërtimin e arkivës në QPS;
-Lejimin e angazhimit të një psikologu për dhënien e sërbimeve të veçanta në kuadër të projektit të familjeve strehuese;
-Formimin e Komisionit për përzgjedhjen e përfituesve të materialit ndërtimor të familjeve skamnore;
-Lejimin e mjeteve financiare për OJQ “Handikos” dhe
-Mbështjetje për OJQ “Hadër”.
Drejtorisë së Shëndetësisë:
-Lejimin e mjeteve për mbështetje finanicare për trajtim mjekësor të Cemil Luma, kuvendar në Kuvendin e Komunës së Prizrenit.
Drejtorisë për Ekonomi dhe Financa:
-Formimin e Komisionit për vlerësimin e paluajtshmërisë, kategorizimin e tokës, caktimin e bazës tatimore për caktimin e tatimit në pronën e paluajtshme (tokat e të të gjitha llojeve).
Legjislativi:
Përgjatë muajit prill 2015, Komuna e Prizrenit ka thirrur një mbledhje të KPF-së sikurse edhe një seancë të kuvendit.
Mbledhja e KPF është mbajtur më 24 prill 2015 me gjithsejt 6 pika të rendit të ditës prej tyre:
Shqyrtimi i procesverbalit nga mbledhja e kaluar e KPF-së ( me 12 anëtarë të pranishëm, votohet unanimisht); -Shqyrtimi dhe miratimi i rendit të ditës të propozuar (me 13 anëtarë prezent votohet unanimisht. Propozohet nga Artan Abrashi të futet në rend të dite raporti vjetor i zyrës së avokatit të komunës, por sërish me unanimitet vendoset të lihet në seancën e muajit maj); -Propozimvendimi për shpalljen e z.Peter Ëalter Happel, qytetar nderi i Prizrenit (me 13 anëtarë, unanimisht); -Shqyrtimi i propozimvendimit për ndryshimin dhe plotësimin e Vendimit për dhënie në shfrytëzim Kishës Katolike në Prizren të pronës komunale të Kuvendit nr, 8916, të datës 16.06.2011 (me 13 anëtarë votohet unanimisht); -Shqyrtimi i Strategjisë komunale për informim, komunikim dhe pjesëmarrje qytetare; (me 13 anëtarë prezent, unanimisht); -Shqyrtimi i raportit rreth realizimit të buxhetit të komunës për periudhën janar-mars 2015 dhe të ndryshme.
Ndërsa me date 30.04.2015 është mbajt seanca e pestë e rradhës e KK-së. Pas mbledhjes solemne, Kuvendi i Prizrenit ka mbajtur seancën e rregullt për këtë muaj ku janë debatuar disa pika të rendit të ditës. Një ndër pikat që më së shumti iu merr kohë kuvendarëve. Çështja që ka zgjuar debat më të gjërë kishte të bënte me projektin e shumëpërfolur të Bibliotekës së Prizrenit. Disa prej asambleistëve të pranishëm, kanë kërkuar sqarime rreth kësaj çështje të shumpërfolur nga drejtori i Urbanizmit dhe Planifikimit, për momentin punimet në realizimin e këtij projekti tashmë janë pezulluar deri në një vendim të ri. Në këtë mbledhje është diskutuar edhe propozimvendimi për ndryshimin dhe plotësimin e vendimit për dhënie në shfrytëzim të pronës komunale për nevoja të zgjerimit të hapësirave të Kishës Katolike, shqyrtimi i strategjisë komunale për informim, komunikim dhe pjesëmarrje dhe shqyrtimi i raportit rreth realizimit të buxhetit të komunës për tremujorin e parë të vitit./PrizrenPress.com/
Nuk dëshiron të flas shumë për PDK-në në Prizren. Thotë se koha do të tregojë arsyen pse vendosi të braktisë këtë subjekt politik.
Taulant Muja ka braktisur zyrtarisht PDK-në e Prizrenit. Ai thotë se në këtë parti nuk kishte hapësirë për të dhënë kontributin e tij politik.
“Në mungesë të hapësirës dhe jo mundesis për të kontribuar në avancimin e vlerave demokratike, kam vendosë të braktisë PDK-në”, tregon Muja për ‘PrizrenPress’.
Muja tregon se PDK-në e ka mbështetur nga viti 2004.
“Zyrtarisht si anëtar i Kryesisë së PDK-së në Zhur jam angazhuar që dy vite”, tregon ai.
Muja thotë se ka edhe arsye të tjera që kanë shtyrë të braktisë këtë subjekt politik dhe t’i bashkohet LDK-së.
“Tashmë PDK-ja është e shkuara ime. Nuk kam koment, koha i tregon të gjitha”.
Kryetari i LDK-së në Prizren, Haxhi Avdyli, ndërkaq ka mirëpritur anëtarësimin e Taulant Mujës në subjektin e tij politik.
“Do të ketë edhe anëtarësime të tjera”,ka paralajmëruar Avdyli./PrizrenPress.com/
Sot, rreth orës 09:20, në Aeroportin e Prishtinës, Sekretarit Organizativ të Lëvizjes Vetëvendosje, Dardan Molliqajt, i është ndaluar udhëtimi për në Zvicër, dhe është arrestuar nga Policia e Kosovës. Aktualisht Dardan Molliqaj po dërgohet në njërin prej stacioneve policore në Prishtinë.
“Lëvizja VETËVENDOSJE! reagon fuqishëm ndaj këtij arrestimi. Dhuna policore e ushtruar më 27 janar, arrestimet masive të qytetarëve pas kësaj proteste, dhuna psikologjike e ushtruar para protestës së 18 prillit, kërcënimet ndaj mësimdhënësve grevistë, dhe së fundi arrestimi i Dardan Molliqajt, flasin për përpjekjen e vazhdueshme të Qeverisë që t’i shtypë dhunshëm protestat qytetare.
Qeveria, në vend që të merret seriozisht me kërkesat e drejta të qytetarëve protestues dhe t’i plotësojë ato, po i arreston protestuesit duke e vazhduar kështu përndjekjen e kërcënimin ndaj qytetarëve, në mbrojtje të shtetit të kapur. Lëvizja VETËVENDOSJE! kërkon me ngulm që Dardan Molliqaj të lirohet menjëherë si dhe paralajmëron Qeverinë që me metoda të tilla represive nuk do të arrijë shtypjen e pakënaqësisë së madhe të qytetarëve”, thuhet në komunikatën e Vetëvendosjes.
Drita Millaku
Këtë draft-strategji po e filloj pikërisht me fjalët hyrëse të Ramadan Mujës. Z. Muja i drejtohet qytetarëve me këto fjalë “Ky draft do të ngushtoj hapësirën e veprimeve korruptive, nepotizmit dhe favorizimeve partiake. Kjo do të thotë që z. Muja po pranon se në këtë qeveri ka korrupsion, nepotizëm dhe favorizime partiake.
E dyta, nëse z. Muja është i vendosur të lufojë korrupsionin dhe nepotizmin, a do të thotë kjo që do ta ndërroj qeverinë? Të njëjtit drejtorë janë si para draftit si pas draftit.
Në këtë draft flitet edhe për parime. Nuk di se për çfarë parime është fjala, por nëse fjala është për parime demokratike atëhere qeveria e tijë është dashur të dorhiqej me 21 mars 2014.
Në këtë draft flitet për transparencë komunë, qytetarë. Për çfarë transparence flitet kur qytetarët kot kërkojnë qasje në dokumente zyrtare. Unë personalisht kam pritur mbi dy muaj për një dokument për dhe jam fyer në baza gjinore e në fund është dashur që të kërkojë nga avokati i popullit që t’i siguroj ato dokumente.
Në draft flitet për llogaridhënie. Qesharake. Neve kuvendareve na jepet raporti për buxhet vetëm për tre drejtori. Paramendoni tash llogaridhënjën për qytetarët.
Në këtë draft flitet për mosdiskriminim. Mua si kuvendare gjatë 17 seancave nuk më është dhënë fjala 22 herë. Më kanë ndërpre fjalën gjatë diskutimeve 43 herë.
Në draft flitet për informim nga mediet, për të reklamuar atë siç thotë zëdhënësi i komunës “produktet” e PDK gjatë zgjedhjeve pra këtu nuk behët fjalë për informatë kthyese por për reklamim kthyes.Andaj, edhe një herë po ju them dhe po ju garantoj se me këtë qeveri lokale ky draft edhe nëse miratohet, kurrë nuk do të zbatohet.