Duke filluar nga sot, mjekët dhe stafi mjekësor i Qendrës Kryesore të Mjekësisë Familjare në Malishevës, kanë filluar me vizitat sistematike, shëndetësore, në të gjitha shkollat e Komunës së Malishevës, me qëllim të rritjes së kujdesit shëndetësor, identifikimi dhe parandalimi i anomalive të ndryshme te fëmijët.

Për këtë qëllim, drejtori Drejtorisë për Shëndetësi dhe Mirëqenie Sociale, z.Hajdin Berisha, i shoqëruara edhe nga drejtori i QKMF-së në Malishevë, Besim Zogaj, i kanë vizituar ekipet mjekësore në SHFMU “I.Mazreku” në Malishevë, ku edhe ka filluar realizimi i këtij projekti.

Drejtori Berisha, pas vizitës në këtë shkollë, tha se “projektin e vizitave sistematike-shëndetësore, në shkollat e Komunës së Malishevës, e financon Komuna e Malishevës dhe e mbështetë Organizata Botërore e Shëndetësisë, zyra në Prishtinë”.

“Ne si komunë, në kuadër të përpjekjeve tona, në të gjitha fushat, edhe shëndetësia, vazhdon të mbetet prioritet me rëndësi të veçantë, dhe ne do ta mbështesim çdo formë të tillë të kujdesit shëndetësor, me qëllim të ruajtjes së shëndetit të qytetarëve, e në veçanti fëmijëve tanë”, tha Berisha.

Drejtori i QKMF-së, z.Besim Zogaj i cili ka angazhuar një staf të mjaftueshëm në numër, me qëllim të realizimit të vizitave sistematike shëndetësore, tha se “në projekt, janë përfshirë tët gjitha shkollat dhe nxënësit që do t’ju nënshtrohen këtyre kontrolleve, janë paraparë nxënësit e klasave të nënta, të pesta dhe klasat e para, ndërsa kontrolli bëhet nga mjekët e praktikës së përgjithshme dhe stomatologu”.

Kryetari i Komunës së Malishevës, Ragip Begaj, ka pritur sot në një takim pune, anëtarin e Kuvendit të Komunës së Morges në Zvicër, kantoni i Vaud-it, Izajedin Retkoceri, i cili është edhe përfaqësues si kësaj komune në kantonin Vaud, me të cilin kanë biseduar për mundësitë e bashkëpunimit të ndërsjellë, mes Malishevës dhe Morges.

Fillimisht, kryetari e falënderoi për vizitën në Malishevë si dhe e uroi për pozitën e tij politike, si një prej përfaqësuesve shqiptar në Zvicër dhe besimit që populli i kësaj komune i jep një shqiptari. “Mërgimtarët tanë janë inkuadruar mirë në të gjitha vendet dhe ju jeni një prej tyre, ku me punën, angazhimin dhe sinqeritetin tuaj, keni arritur ta merrni besimin e qytetarëve, për ti përfaqësuar”, tha Begaj.

Nga ana tjetër, z.Retkoceri, tha se do të mundohet maksimalisht në krijimin e lidhjeve ndërkomunale, mes Komunës së Malishevës dhe Komunës së Morge-s në Zvicër, me qëllim të bashkëpunimit të ndërsjellë.

Në muajt, në vijim, pritet të ketë edhe vizita të ndërsjella, në mes të dy komunave, të Malishevës dhe Morges dhe shkëmbimi i përvojave në fusha të ndryshme, siç janë zhvillimi ekonomik, arsimi, shëndetësia dhe të tjera.

Këshilli Drejtues i Bashkimit Demokratik në Prizren ka mbajtu mbledhjen e radhës në të cilën u diskutua për gjendjen politike, ekonomike dhe sociale ne vend, si dhe për situatën në qytetin e Prizrenit.

Kryetari i BD-së Zafir Berisha njoftoi Këshillin Drejtues për rrjedhat politike në vend veçanërisht për situatën e rëndë që po mbretëron në Kuvendin e Kosovës e cila vjen si rezultat i marrëveshjeve tepër të dëmshme të cilat i ka nënshkruar Kryeministri i vendit. Ai tha se marrëveshja për Bashkësitë e Komunave Serbe është e patolerueshme dhe për këtë opozita është duke i ndërmarrë të gjitha hapat, që duke kundërshtuar këtë marrëveshje ajo është duke mbrojtur Kushtetutshmërinë dhe ligjet në Kosovë.

“Ne do të vazhdojmë të kontribuojmë si opozitë konstruktive që t’i përfaqësojmë interesat e qytetarëve të Kosovës për të cilat edhe kemi marrë besimin e tyre, por asnjëherë nuk do të lejojmë që njerëzit të cilët nuk kanë mandate për të vendosur për fatin e Kosovës, të vendosin pa e pyetur sovranin e këtij vendi i cili është qytetar i Kosovës”, tha Berisha.

Skënder Susuri kryetar i Kuvendarëve të BD-së në Komunën e Prizrenit tha se grupi i BD-së në kuvend ka qenë dhe është konstruktiv për të gjitha çështjet të cilat i kanë shërbyer interesave të qytetarëve, të gjitha ato propozime apo nisma të cilat kanë qenë arbitrare dhe në kundërshtim me interesat e qytetarëve i kemi kundërshtuar dhe do të vazhdojmë t’i kundërshtojmë.

Anëtarët e Këshillit Drejtues të BD-së u zotuan për fuqizimin e strukturave në teren si dhe për angazhimin e aktivistëve të saj në komunikim me qytetarët; duke filluar nga java e ardhshme e në vazhdim kryetari i BD-së dhe strukturat e tjera do të jenë në bashkëbisedim të vazhdueshëm me qytetarët. /PrizrenPress.com