24 C
Prizren
E enjte, 24 Korrik, 2025
type here...
Home Blog Page 7405

Festivali në RTSH, si u ndanë këngët

admin
-
0

festivali tvshËshtë hedhur sot, në praninë e të gjithë pjesëmarrësve, shorti për dy netët e para të Festivalit të 53-të të Këngës në RTSH.

Janë përzgjedhur këngët që të këndohen në natën e parë dhe të dytë, për tu votuar më pas vetëm 18 këngë të cilat do të interpretohen në natën e tretë, më 28 dhjetor në Pallatin e Kongrese.

Ndërkohë ka një ndryshim në listën përfundimtare të pjesëmarrësve. Për arsye personale janë tërhequr nga gara e këngës së lehtë Adonis Sinani, Besa Krasniqi dhe Kozma Dushi dhe drejtuesit artistik të festivalit kanë vendosur për futjen në garë të Estela Brahimllarit.

“Kjo edhe sepse me këtë listë këngësh dhe këngëtarësh, plotësohet më së miri ideja e festivalit për shumëllojshmërinë e zhanreve, stileve dhe këngëtarëve pjesëmarrësh”, ka thënë Edmond Zhulali, një prej organizatorëve artistikë të festivalit. Ndërkohë regjisori i festivalit të këtij viti është Bledi Laço.

Edicioni i 53 i festivalit, traditë i muzikës së lehtë, do të mbahet në datat 26, 27 dhe 28 dhjetor në Pallatin e Kongreseve. Drejtori Artistik i festivalit për këtë vit është Shpëtim Saraçi dhe skenariste Mira Tuci.

Këtë vit do të ketë, pas çdo nate të festivalit, edhe Post Festival ku do të diskutohen të gjitha detajet e eventit nga kritikë, gazetarë dhe pjesëmarrës.

Këngët e Natës së Parë

Nr. Titulli I kenges Kengetari Kompozitor Teksti Orkestruesi
1. Te vrane bukuri Enver Petrovci

Enver Petrovci Enver Petrovci Riza Dolaku
2. Me mungon Gr.Revolt Klan

Bruno Pollogati Febi Shkurti Enis Mullaj
3. Himn jetes Julian Gjojdeshi

Vasil. S. Tole Fatos Arapi Klodian Qafoku
4. Eklips mbi oqean Sigi Bastri & Florent Abrashi Sokol Marsi Florent Abrashi Sokol Marsi
5. S’muj Marsela Cibukaj

Olsa Toqi Olsa Toqi Gerti Druga
6. Kristal Saimir Braho

Saimir Braho Saimir Braho Endri Sina
7. Vetem te ti besoj Klajdi Musabelliu

Klajdi Musabelliu Jorgo Papingji Lambert Jorganxhi
8. Ti sme njeh Erga Halilaj

Kristi Popa Ronela Hajati Kristi Popa
9. Keshtjella Besjana Mehmeti & Shkodran Tolaj Adrian Hila Pandi Laco Gjergj Kacinari
10. Kjo nate Estela Brahimllari

Edmond Veizaj Edmond Veizaj Edmond Veizaj
11. S’te fal Lindita Halimi

Zzap & Lindita Halimi Lindita Halimi Zzap n Chris
12. Bajram Gr.Offchestra

Faruk Banjska Gr.Offchestra Gr.Offchestra
13. Dua te jetoj Venera Lumani

Endrit Shani Gerald Xhari (Big Basta) Endrit Shani

Këngët e natës së dytë

Nr. Titulli I kenges Kengetari Kompozitor Teksti Orkestruesi
1. Mendje – “TRAZI” Jozefina Simoni Bledar Sejko & Markeljan Kapedani Eda Sejko Markeljan Kapedani & Bledar Sejko
2. Rock per gjithe jeten Altin Goci

Altin Goci Klodi Shehu Marian Deda
3. Te ndjej Bojken Lako Band

Bojken Lako Band Bojken Lako Band Bojken Lako Band
4. Te kerkoj Elhaida Dani

Aldo Shllaku Viola Trebicka & Sokol Marsi Aldo Shllaku
5. Nese ti do Kelly

Kelly Kelly Olsi Gjondedaj
6. Me rrembe Rezarta Smaja

Klodian Qfoku Dr.Flori Klodian Qafoku
7. Maria Gr.Aurora

Gr.Aurora Gr.Aurora Marian Deda
8. Ne koma Ana Gramo

Genti Lako Ida Nurce Genti Lako
9. Sot jetoj Mjellma Berisha

Enis Mullaj Enis Mullaj Enis Mullaj
10. Nje femer Emi Bogdo

Lambert Jorganxhi Florian Zyka Lambert Jorganxhi
11. Ne rrugen tone Agim Poshka

Agim Poshka Olsa Poshka Agim Poshka
12. Njeri Enxhi & Xhejn Kumrija

Enxhi & Xhejn Kumrija Xhejn Kumrija Gjergj Kacinari
13. Himn Gjergj Leka

Gjergj Leka Zhuljana Jorganxhi Gjergj Leka

Filloi ndërtimi i objektit të Bibliotekës së Prizrenit

admin
-
0

gurthemeli i bbËshtë vënë gurthemeli i objektit të Bibliotekës në Prizren.Kryetari i Prizrenit Ramadan Muja, tha se ndjehet i lumtur që po fillon ndërtimi i këtij objekti.

“Ky objekt do të jetë në shërbim të mijëra të rinjve, studentëve, nxënësve dhe lexuesve”, tha Muja.

Ai më tej tha se ky objekt i Prizrenit, do të funksionojë afër Bibliotekës më të vjetër që njeh qyteti ynë, atë të Sozi Çelebiut.

“Kjo tregon përkushtimin tonë, që të kultivojmë dhe ruajmë vlerat me të cilat dallohet Prizreni”,transmeton TVPZ.

Ndërkaq, kryesuesi i Kuvendit Komunal, Kujtim Gashi ka vlerësuar se projekti i Bibliotekës “është projekti ndër më të rëndësishmit kapital që ka mundur të ndërtohet ndonjëherë në komunën e Prizrenit”.

“Ky projekt ka qenë një premtim dhe synim i yni, i cili ka qenë i paraparë në projektet rinore dhe arsimore dhe që sot, fatmirsisht po bëhet realitet, po përmbushet synimi dhe premtimi për një bibliotekë bashkëkohore në qytetin tonë”, tha Gashi

Sam Smith dominon me nominime në Grammy Award

admin
-
0

79531793_samsmithKëngëtari i njohur, Sam Smith është nominuarër për albumin më të mirë pop në çmimet Grammy për këtë vit. Ai po ashtu ka mundësi të zgjidhet artisti më i mirë i ri dhe kënga e tij “Stay with me” kënga e vitit.

Coldplay, Ed Sheeran dhe Charli XCX janë po ashtu të nominuar, së bashku me Pharrel Williams dhe Beyonce.

Tri artista britanik Sam Smith, Coldplay dhe Ed Sheeran, janë duke garuar për albumin më të mirë pop, kundër Miley Cyrus, Ariana Grande dhe Kate Perry.

Nëse Beyonce fiton këtë vit për albumin më të mirë, do të jetë hera e parë në 17 vjet të karrierës së saj. Ajo mban 17 Grammy në kategori të ndryshme.

Nominimet e tjera do të publikohen në ditët në vijim, ndërsa nata e ndarjes së çmimeve do të mbahet me 8 shkurt 2015.

Nesër dita kritike: Ose nënshkruhet koalicioni PDK-LDK, ose prishet marrëveshja

admin
-
0

Mustafa-Thaci14-26Dilema është a do të jetë Isa Mustafa Kryeministër apo dikush tjetër….
Hashim Thaçi e Isa Mustafa, gjatë ditës së shtunë, do të takohen dhe do të vendosin nëse do të pajtohen për pozitën e Kryeministrit ose do të prishet marrëveshja mes PDK’së dhe LDK’së.

Burime të Express kanë thënë se nëse Thaçi e Mustafa pajtohen për pozitën e Kryeministrit pastaj do t’i hapin rrugë nënshkrimit të marrëveshjes për ndarjen edhe të pozitave tjera në Qeveri, Kuvend e Presidencë.

Sipas të gjitha gjasave, PDK do t’i marrë Ministrisë që kanë të bëjnë me fushën e rendit, ligjit dhe arsimit, ndërsa, LDK ato të fushës së ekonomisë.

Thaçi dhe Mustafa kanë nënshkruar një komunikatë të Presidentes Jahjaga, e cila pati njoftuar se PDK dhe LDK kanë arritur marrëveshje për bashkëqeverisje.

Mirëpo, askush deri më tash nga PDK nuk e ka përmendur emrin e Isa Mustafës për Kryeministër dhe kanë thënë se Hashim Thaçi ende është i nominuar për Shef të Qeverisë.

Ndërsa, në LDK vazhdimisht kanë thënë se Isa Mustafa do të jetë Kryeministër i ri i Kosovës.

Çakej në pandemi

Zafir Berisha i përgjigjet Xhavit Jasharit: Ju jeni matrapazë

admin
-
0

ZafirBerisha11-14Deputeti i Parlamentit të Kosovës, Zafir Berisha, iu  ka përgjigjur përfaqësuesit të organizatave të dala nga lufta e Ushtrisë Çlirimtare të Kosovës (UÇK), Xhavit Jashari, për pasurin e tij dhe fondin “Vendlindja thërret”.

Ai ka thënë se restorantin “Kështjella” e ka ndërtuar me djersën e babit të tij dhe hyrjes në kredi në banka.

Postimi i Zafir Berishës në Facebook:

Keshtjellen jo Kalane e kam ndertuar ne vitin 2005 nga bugjeti i familjes sime dhe djersa e 35 viteve pune te babase tim si dhe me ndihmen e kredive të NLB Prishtina dhe reiffasen Bank, e sa per fondin Vendlindja Therret une skam pasur as casjen me te vogel sepse kame qene me arme ne dore brenda ne Kosove, per ate fond duhet ti pyetni soin e njerezve tuaj matrapaz e dilingjinje qe e keni grryer Kosoven qe 15 vite duke u thirrur ne vlerat e luftes se lavdishme te UCK-se.

Ju matrapaze( po e perserise) duhet tu vije turp kur permendeni UCK-ne dhe vlerat e luftes sepse UCK-ja dhe Deshmoret, ne emer te te cileve po thirreni, nuk kane dhene jeten qe dikush te beje pazare me Serbine sic edhe nuk kane luftuar qe Kosova 15 vite pas luftes te jete vendi me i korruptuar ne bote te cilen ju dhe soi juaj asnjehere nuk e keni ngritur zerin, por kur po preket biznesi juaj po kerceni si “Zorra ne Prush”.

Dhe perfundimisht sa i perket akuzes per shfrytzimin e fondeve Vendlindja Therret, kur te perballemi ne organet e drejtesise per shpifjen tende ndaj meje do te demantohesh njejte sikurse lista e juaj ne UP.
Z.B

Xhavit Jashari godet Zafir Berishën: Na trego si e ke bërë “Kalanë”!

admin
-
0

XhavitJashariPërfaqësuesi i organizatave të dala nga lufta e Ushtrisë Çlirimtare të Kosovës (UÇK), Xhavit Jashari, në emisionin “Info-Box” të Radio Dukagjinit, nga komentet e tija nuk e ka kursyer as bashkëluftëtarin e tij, deputetin e “Nisma për Kosovën”, Zafir Berisha.

Zafir Berisha, në një deklaratë të tij, i kishte cilësuar si matrapaz pjesëmarrësit në protestën e organizuar te enjten në oborrin e rektoratit, duke e quajtur “profiter të luftës”.

“Zafir Berishës, nga Prizreni, mund t’i drejtojmë një mesazh. Le të na tregojë si e ka bërë kalanë e tij, duke i keqpërdorur paratë e fondit ‘Vendlindja thërret’”, ka theksuar ai. /Telegrafi/

Ragip Begaj e quan hero të punës Zymer Hotin

admin
-
0

007Kolegët e shkollës ‘Ibrahim Mazreku” në Malishevë, kanë mbajtur mbledhje komemorative për punëtorin e kësaj shkolle, Zymer Hoti, i cili sot tragjikisht humbi jetën, pas aksidentit në kaldanë e ngrohjes së shkollës.

Në këtë mbledhje, përveç kolektivit të shkollës, mori pjesë edhe kryetari i Komunës së Malishevës, Ragip Begaj.

Begaj, tha se kjo është humbje e madhe, pasi Zymeri, ka humbur jetën në vendin e punës dhe në shërbim të shkollës.

“E nderuara familje Hoti, të nderuar punëtorë të kësaj shkolle, sot në mëngjes mora lajmin për rastin e humbjes së jetës, së një punëtori të vyeshëm, i cili humbi jetën aksidentalisht në vendin e tij të punës. Humbja e jetës në vend të punës, është e barabartë me një heroizëm. Të gjithë ndiejmë dhimbje, së bashku me ju. Në emër të Komunës së Malishevës, ju shprehi ngushëllimet më të sinqerta familjes dhe kolektivit të shkollës”, tha Begaj.

Për jetën dhe angazhimin e Zymerit, në këtë shkollë, nga viti 2003, foli mësuesi Hamdi Mazreku, sipas të cilit, “Zymeri ka qenë shembulli më i mirë i një punëtori në shkollë. I afërt, i dashur, bashkëpunues dhe i hareshëm me nxënës”.

Në emër të familjes, i vëllai, Vesel Hoti, i falënderoi të gjithë për pjesëmarrje dhe për ngushëllimet, ndërsa i ngushëlloi kolektivin e shkollës për humbjen e punëtorit të tyre.
Zymer Hoti, sot aksidentalisht ka humbur jetën, pas një shpërthimi në kaldanë e ngrohjes së shkollës. Zymeri ka lënë pas vetes gruan dhe dy vajza./PrizrenPress.com/

Tridhjet e dy muaj burg për dëmtuesit e restorantit “Sharr”-i në Prizren

admin
-
0

BurguGjykata Themelore në Prizren ka dënuar me 32 muaj burgim Adil Thaçin nga fshati Mirushë dhe Fatmir Kilajn nga fshati Lubizhdë e Malishevës. Përveç me burg, dy të akuzuarit janë dënuar edhe me gjobë në vlerë prej 5 mijë euro.

Zëdhënësja e Gjykatës në Prizren, Afërdita Kicaj tha se secili nga të dënuarit do të mbajë nga 16 muaj burg si dhe do të paguaj nga 200 euro gjobë.

“Thaçi dhe Kilaj janë dënuar për veprat penale të përdorimit të armës apo mjetit të rrezikshëm,mbajtjes në pronësi, kontrollit apo posedimit të paautorizuar të armëve,shkaktimit të rrezikut të përgjithshëm dhe asgjësimin apo dëmtimin që i kanë bërë pasurisë”, tha Kicaj.

Ndërkaq, të akuzuarit tjerë Bekim Hoti dhe Urim Mazreku, janë dënuar me gjobë nga 500 euro, si bashkëkryerës dhe moslajmërim të veprave penale.

Të akuzuarit Adil Thaçi dhe Fatmir Kilaj me datën 11.03.2014 rrethe orës 00-20 minuta pas mesnatës në restorantin “Sharri” në Prizren kanë përdorur armët e zjarrit.Ata në këtë restorant kanë shkaktuar rrezik të përgjithshëm dhe kanë dëmtuar pasurin e pronarit të ”Sharr”-it./PrizrenPress.com/

Koncert madhështor nga ShKA “Agimi”

admin
-
0

agimi-620x330Mbrëmë në Shtëpinë e Kulturës “ Xhemajli Berisha” ku morrën pjesë shumë të ftuar dhe qytetarë, në kuadër të aktiviteteve përmbyllëse të shënimit të 70 vjetorit të SHKA “ Agimi”, është shfaqur koncert madhështor.

Përveç emrave të shumtë që i dhanë shkelqimin organizmit kulturor më të vjetër jo vetëm në Prizren, para publikut kanë interpretuar këngë edhe yjet e muzikës së mirëfilltë shqiptare si: Ismet Peja e Zenel Doli nga Gjakova, Vëllezërit Zejna nga Elbasani, Shaban Gjekaj nga Ulqini e shumë të tjerë. Në këtë koncert përveç këngëve nuk munguan as vallet popullore, të cilat gjithashtu u mirëpriten nga të pranishmit në sallë me duartrokitje të shpeshta.

Ky koncert tregoi se sa kanë qenë të përkushtuar anëtarët e SHKA “ Agimi” në punën e tyre të gjatë për kultivimin e vlerave tradicionale të muzikës popullore dhe asaj qytetare. Interpretimi virtuoz në skenë i të gjithë pjesëmarrësve në këtë koncert, duartroktitjet e shpeshta të të pranishmëve, krijuan një atmosferë që prej kohësh i ka munguar kulturës jo vetëm në Prizren.

Për të gjithë të pranishmit ishte kënaqësi e jashtëzakonshme të dëgjosh këngët e veteranëve të SHKA “ Agimi” si Fetah Aqifi, Muhamet Jetishi, Florent Hoxha, Festim Bytyçi, Agim Tejeci dhe atyre më të ri në moshë si: Ardiana Kabashi, Lendita Kryeziu dhe Hikmete Ahmetaj, nën përcjelljen e orkestrës pjesë e së cilës ishin Sedat Kuqi e Shemsedin Fanaj.

Përveç këtij koncerti, aktivitetet për shënimin e 70 vjetorit do të vijojnë sonte po në Shtëpinë e Kulturës duke filluar nga ora 19 me shfaqjet e përgaitura nga Teatri i Qytetit të Prizrenit, ndërsa ditën e nesërme do të mbahet në mesditë një akademi solemne si dhe do të shfaqet koncerti përmbyllës i shënimit të aktiviteteve për kremtimin e jubileut të 70- të të SHKA “ Agimi”. /TV Prizreni/

Krimi nuk njeh kufij e as madhësi shtetesh

admin
-
0

Atifete Jahjaga 2Atifete Jahjaga
Secili vend i rajonit sot ballafaqohet me probleme serioze të trashëguara qoftë nga tranzicioni qoftë nga mangësitë profesionale e ligjore të cilat po e bëjnë të domosdoshëm bashkëpunimin tonë për ta parandaluar dhe luftuar krimin e organizuar, korrupsionin dhe tash së fundi edhe kërcënimin terrorist që po e rrezikon sigurinë kombëtare të vendeve tona. Gatishmëria e vendeve tona për të bashkëpunuar do të përcaktojë hapin me të cilin do t’i transformojmë shtetet tona në demokraci të mirëfillta edhe shpejtësinë me të cilën rajoni do të ecë drejt integrimeve evropiane si vulë që do të kurorëzojë suksesin tonë për të ndërtuar shoqëri të qëndrueshme. Këtë betejë nuk guxojmë ta humbim sepse po e humbëm ne do të humbim edhe një gjeneratë mundësish për ta jetësuar paqen dhe demokracinë në Evropën juglindore.

Jam e nderuar që sot këtu në Prishtinë, ju mirëpresim juve – përfaqësues të mekanizmave të sigurisë të vendeve të rajonit – njerëz që nevojën e vendosjes së sundimit të ligjit e shihni përtej politikave ditore. Ju mirëpresim të gjithë juve që përfaqësoni garancinë e ndërtimit të shtetit të së drejtës dhe që jeni të përkushtuar që luftën kundër krimit të organizuar ta fitoni me bashkëpunim.

Në veçanti, dua ta përgëzoj prokurorinë e shtetit të Kosovës për organizimin e kësaj konference, dhe konceptimin e saj si një forum të shkëmbimit të përvojave të të gjitha vendeve të rajonit dhe më gjerë, në luftën kundër korrupsionit, krimit të organizuar dhe terrorizmit.
Po ashtu dëshiroj të falënderoj përfaqësuesit e Qendrës Marshall për përvojën dhe ekspertizën dhe eksperiencën e tyre që në mënyrë të vazhdueshme përkrahin institucionet e rendit dhe ligjit në Kosovë.

Vendet tona dhe qytetarët tanë nuk duhet të mbesin peng i të kaluarës sonë dhe është prioritet i ynë që të sigurohemi që e ardhmja e tyre të mos rrezikohet për shkak të mungesës së bashkëpunimit mes nesh, posaçërisht në fushën e sigurisë.

Asnjë vend nuk është i paprekshëm dhe i pacenueshëm nga trendet e fundit të radikalizmit dhe ekstremizmit prandaj lufta jonë kundër këtyre të këqijave që po cenojnë sigurinë tonë kolektive duhet të jetë luftë e përbashkët. Ne kemi përqafuar vlerat progresive që përkojnë me aspiratat tona euroatlantike dhe çdo dështim në këtë luftë do të jetë kthim prapa për popujt tanë.

Përtej vullnetit politik dhe përkushtimit për të bashkëpunuar, sot na nevojitet një bashkëpunim konkret dhe strategjik ndërmjet strukturave të sigurisë që bëjnë parandalimin dhe luftimin e këtyre rreziqeve të cilat shtrihen përtej kufijve të secilit vend, me qëllim që përgjigja ndaj tyre të jetë e plotë dhe efektive. Përgjigje e përbashkët dhe e pakompromis.

I gjithë rajoni i Evropës Juglindore sot përballet me një numër sfidash në fushën e sigurisë dhe së fundmi çdo shtet po përballet me problemin e migrimit ilegal që i ka bashkuar rrjetet e grupeve kriminale dhe që po e sfidon edhe përgjigjen tonë profesionale ndaj tyre pikërisht për shkak të mungesës së koordinimit tonë në rrafshin e sigurisë.

Ky është vetëm njëri nga problemet e shumta me të cilat sot ballafaqohemi si rajon dhe që e bën bashkëpunimin ndërkombëtar jo çështje dëshire e vullneti por një nevojë dhe domosdoshmëri urgjente e cila kërkon përgjigjen tonë dhe të vendeve tona, por edhe të institucioneve tuaja.

Përgjigja sërish duhet të jetë e përbashkët dhe prandaj na duhet komunikimi ndërmjet nesh, ndërmjet strukturave të sigurisë, me qëllim që të pengojmë rrezikimin e jetës së qytetarëve të vendeve tona dhe të pengojmë këto procese negative. Kosova nuk mund të lihet jashtë këtij bashkëpunimi dhe ajo nuk mund të perceptohet e ndarë nga vendet e tjera në luftën kundër krimit të organizuar, korrupsionit dhe krimeve të tjera. Kosova duhet të përshihet në të gjithë mekanizmat qoftë rajonalë edhe ndërkombëtarë në fushën e sigurisë, sepse vetëm kështu lufta kundër këtyre dukurive bëhet e plotë dhe e fuqishme. Kosova duhet të jetë pjesë e pandashme e këtyre mekanizmave, përfshirë EUROPOL dhe INTERPOL, sepse kjo garanton suksesin e ndërprerjes së zinxhirit të krimit në Evropën Juglindore dhe goditjen e fortë ndaj korrupsionit jo vetëm brenda shtetit të Kosovës por edhe në vendet e tjera.

Ne jemi zotuar që të jemi partner të bashkësisë ndërkombëtare për luftimin e këtyre dukurive. Bashkëpunimi në nivel të këtillë e vendos Kosovën si partner të barabartë në luftimin e së keqes. Sundimi i ligjit dhe siguria është çështje që shkon përtej politikës, është domosdoshmëri globale, andaj ftoj bashkësinë ndërkombëtare dhe qeverinë e ardhshme që të punojnë intensivisht në këtë drejtim. Kjo konferencë dhe lista e sfidave para nesh e dëshmojnë më së miri këtë domosdoshmëri dhe këtë nevojë emergjente që e kemi para nesh.

Gjithëpërfshirja është thelbi i zgjidhjes së çështjeve të hapura në fushën e sigurisë dhe përjashtimi i cilitdo do të pamundësojë luftimin e tërësishëm të dukurive negative në veçanti të korrupsionit dhe krimit të organizuar.

Koordinimi i mekanizmave tonë institucionalë duhet të dëshmojë se ne i kemi kapacitetet për t’u ballafaquar në mënyrë kredibile me fenomenet të cilat cenojnë frymën dhe vlerat mbi të cilat ne kemi ndërtuar sistemet tona ligjore.

Në fund, dëshiroj të ju falënderoj për këtë organizim dhe jam e sigurt se konferenca si kjo dhe shumë konferenca të tilla që duhet të organizohen në nivele të tjera në të gjitha vendet tona të rajonit, do të intensifikojnë bashkëpunimin e mëtutjeshëm në të gjitha mekanizmat e rendit dhe të ligjit dhe të bëjë më efektive punën tuaj përbrenda shteteve dhe institucioneve tona në këtë pjesë të Evropës Juglindore. Ju dëshiroj fat dhe suksese z. Hoxhaj dhe shpresoj shumë se kjo konferencë do të nxjerrë probleme konkrete për avancimin e bashkëpunimit të mëtutjeshëm dhe konkret siç e thash edhe më herët se çështja e rendit dhe sigurisë së qytetarëve tanë, shkojnë përtej barrierave politike. Sukses dhe punë të mbarë!

1...7 4047 4057 406...8 790Page 7 405 of 8 790

Të gjitha materialet e portalit janë të mbrojtura me të drejtat autoriale. Ato mund të kopjohen, modifikohen, dhe ripublikohen vetëm duke iu referuar burimit PrizrenPress.com. Të drejtat autoriale janë të rezervuara, sipas dispozitave ligjore në fuqi në Republikën e Kosovës.

© 2019 NuclearAnt.

Kategoritë

Lidhuni Me Ne