Patrioti i shquar shqiptar, Jusuf Gërvalla, i vrarë në janar të vitit 1982, duket se kishte krijuar disa raporte me Shtetin Shqiptar të asaj kohe gjatë periudhës sa gjendej i strehuar në Gjermani. Gërvalla, ashtu sikurse patriotët tjerë shqiptarë, çmonte diktatorin Enver Hoxha. Këtë e bënte si duket për shkak të mungesës së informacioneve që kishin, për atë se çfarë shtypje po i bënte Hoxha popullit të tij.

“I dashur shoku Enver! Ne shqiptarët e shkëputur nga atdheu i lirë dhe të mbërthyer me dhunë brenda kufijve politikë të Jugosllavisë, ndjekim me krenari çdo hap të Shqipërisë mëmë me përforcimin dhe përparimit të atdheut”, shkruante Gërvalla. E për çfarë tjetër do të mund ta çmonte Hoxhën, një njëri që tërë jetën e tij ia ka kushtuar lirisë nga shtypja.

Një njohës i mirë i Gërvallës, mik i tij i afërt gjatë kohës që i ndjeri ka jetuar në Kosovë, Skënder Blakaj, thotë se kjo letër u shkrua për shkaqe krejt tjera, nga ato që ne mendojmë sot.

“Dikush po i keqpërdor këto letra të Jusuf Gërvallës. Por nuk po duan me kuptua në çfarë rrethana i ka shkruar ai ato”, deklaron Blakaj. Gjatë përurimit të librit “Shtëpia në rrugë”, e autorit, vëllait më të vogël të Jusufit, Avdyl Gërvalla, Blakaj deklaron se i ndjeri ka kërkuar disa herë që ta vizitoj Shqipërinë, por një gjë e tillë nuk i është pranuar. E kur i Gërvalla ka ikur në mërgim, nuk është pritur mirë nga shqiptarët, madje prej tyre ka pas edhe përfaqësues të Republikës Popullore të Shqipërisë që i kanë bërë presion të madh atij.

“Jusuf Gërvalla i shkroi Enver Hoxhës, sepse problemi kryesor ishte ndërmjet enveristëve të djegur në perëndim nga të cilët ishte i kërcënuar dhe në fund ne nuk e dimë sa është e madhe pjesëmarrja e Tiranës në likuidimin e atyre djemve. Ka sinjale për këtë. Prandaj e bëri që të mbrohej nga këta vërsulës. Unë njoh dy dëshmitar në një grindje të jashtëzakonshme, përfaqësuesi i Shqipërisë në ambasadën e Vjenës dhe një tjetër i njohur si patriot, me grindje të tillë e presion të jashtëzakonshëm ndaj Jusuf Gërvallës. E kush mund të ishte ai që do ta mbronte Jusufin nga këta, pos Enver Hoxhës. Ai nuk mund t’i thoshte Hoxhës se demokracia është sistemi më i mirë. Ai shkroi atë letër si kërkesë për strehimin e tij”, ka shtuar Blakaj. Ai shton për Gërvallën se ka qenë njëri i kulturës e politikës, shkrimtar, publicist e kantautor. Blakaj rrëfen kohën kur me veturën e tij është nisur së bashku me Jusuf Gërvallën për të ikur në Gjermani.

“Jusufi kujtonte dialogjet e Platonit për Sokratin dhe tha: ‘Unë di shumë dhe nuk do ta që të zhburrnohem nga torturat në burg. Më mirë të më vrasin diku’. Kur Sokrati kishte ikur nga një betejë, ishte pyetur si mund të të ndodhë ty një gjë e tillë, vazhdon Blakaj, ‘Po largohem se do të bëjë ndonjë betejë tjetër për Greqinë’”, ishte përgjigjur Sokrati, citon Blakaj. E fjalë të njëjta i kishte lënë edhe Gërvalla për Kosovën./Tribuna/

Do të jenë gjithsej 15 dokumentarë amerikanë që do të shfaqen në natën e dytë të DokuFest, të cilët do të vijnë në Kosovë me përkrahjen e Ambasadës së Shteteve të Bashkuara të Amerikës.

E në shfaqjen e këtyre filmave në DokuFest, sipas njoftimit të Ambasadës së ShBA’së në Kosovë, do të marrë pjesë edhe Ambasadorja Tracy Ann Jacobso

Revyja e Filmit Amerikan është sjellë në bashkëpunim me Universitetin e Kalifornisë Jugore, dhe do të prezantojë një program të përbërë nga 15 dokumentarë amerikanë të shpërblyer, të cilët për tema kanë diversitetin dhe shoqërinë civile.

Përmes Revysë së Filmit Amerikan Ambasada e SHBA’ve po ashtu sponsoron vizitat në Kosovë të David France, i cili ishte nominuar për një Oskar për Dokumentarin “Si të mbijetohet murtaja” dhe të Claire Aguilar, një kuratore filmi, montazhere dhe redaktore mediale që ka përvojë 20-vjeçare në mediumet publike.

Sipas njoftimit të Ambasadës së ShBA’së në Kosovë, gjatë DokuFest France dhe Aguilar do të mbajnë një sërë punëtorish, ligjëratash, dhe intervistash.

Filmat ku do të jetë pjesë Shengyl Ismjali janë filma që tashmë kanë shënuar edhe suksese në festival të ndryshme të botës, e sidomos ai i Lendita Zeqirajt “Ballkoni”.

Ndërkaq dy filmat e tjerë ku merr pjesë kjo aktore kosovare janë filmat “Amel”, i regjisores, More Raca dhe “Kanarinët e dijnë”, i Kaltrina Krasniqit
Aktorja kosovare, Shengyl Ismajli në edicionin e sivjetmë të Festivalit të Filmit Dokumentarë dhe të Shkurtë DokuFest do të paraqitet në tre filma.

Vetë aktorja Ismajli ndihet të jetë e nderuar për këtë prezantim të trefishtë në një festival mjaftë prestigjioz, që tashmë konsiderohet si një ndër më të rëndësishmi në rajon. “Kam nderin të jem pjesëmarrëse në tre filma të shkurtër artistik që do të shfaqen në këtë edicion”, ka shkruar Ismajli në facebook.

Ndërkaq, filmat ku do të jetë pjesë Shengyl Ismjali janë filma që tashmë kanë shënuar edhe suksese në festival të ndryshme të botës, e sidomos ai i Lendita Zeqirajt “Ballkoni”. Ndërkaq dy filmat e tjerë ku merr pjesë kjo aktore kosovare janë filmat “Amel”, i regjisores, More Raca dhe “Kanarinët e dijnë”, i Kaltrina Krasniqit.

Vlen të përmendet edhe fakti tjetër, se të tre këta filma të lartpërmendur kanë regjisor femra./KultPlus.com