Për skandalet e mëparshme si rektor i UP-së, Enver Hasani nuk do të duhej të ishte profesor e lëre më kryetar i Gjykatës Kushtetuese të Kosovës, shprehet Dardan Molliqaj nga Lëvizja Vetëvendosje.

Ai thotë për KTV se VV nuk ka besim tek institucioni i Kushtetueses. Sipas tij, Hasani është person problematik, që bën që GJK të mos ketë kredibilitet e vendimet të mos jenë të drejta.

Por, se cili do të jetë vendimi i Kushtetueses ndaj kërkesës së PDK-së, Molliqaj shprehet se koment nuk mund të japë, porse Gjykata Kushtetuese duhet ta di se fuqinë në Kuvend e përcakton numri.

Ish– deputeti Berat Buzhala ka kritikuar autoritetet në vend për mungesë efikasiteti në zbardhjen e rasteve të vrasjeve duke përmendur vrasjeve e fundit në vend siç është ai i Elvis Pistës, rasti në Gjakovë dhe rast i fundit në Skënderaj.

Madje, sipas Buzhalës, nëse këto fakte potencohen, Ministrit të Brendshëm Bajram Rexhepi i mbetet hatri.

Më poshtë mund ta lexoni postimin e Buzhalës në Facebook.

Po e lexoja nje tekst ne mediat serbe, per nje kasap (nime profesionin kasap) qe para dy javesh e kishte vrare nje te mitur, 14 vjecare. Ja e gjeten trupin e kesaj vajze – diku ne nje deponi berllogu – ja paten me u cmend. Pastaj, ja e zbuluan vrasesin, ja paten me u cmend. Po nga mediat serbe mesova se gjurmeve te kriminelit kishin shkuar ne baze te gjurmeve qe telefoni i tij kishte lene ne antena te caktuara telefonike. Une pos deshiroj t’i uroj autoritetet e ketij shteti per nje spektakel te vertete, per te ardhur deri te kapja e ketij monstrumi, i cili ne menyre mizore e kishte vrare nje te mitur, Tijanen. Dhe efekti i kapjes se kriminelit, nuk eshte vetem qe ai te ndeshkohet, por qe edhe te tjeret qe kane keso prirje, maten mire perpara se te ndermarrin nje akt te ngjashem. E dine per sigurte se policia do t’i kape…

Cka ka ndodh tek ne, keto kohet e fundit?

Pse duhet dikush me u frikesu, nese e ka ndermend ta kryej nje krim?

U vra Elvis Pista, sikur mos t’koke. Folke nje prokurore e Gjakoves sikur me tregu fall. Thojke pe zojme sot, pe zojme neser. E as sot e as neser.

Tjeter. U vrane axhe e nip ne Gjakove. Dihet qarte kush e ka kryer vepren. Ama erifi ka vendos, vet, mos me u dorezu. Policia ka leshuar fletarrest. Cili eshte mesazhi.

Tash, ne rastin e Pistes, vrasesit potencial inkurajohen qe edhe nese e kryejne krimin, munden mos me u zbulu. Kurse ne rastin e Gjakoves, ata qe rrezikojne me u zbulu, ma shume kisha ma thane me u vetezbulu, munden me llogarite mos me u dorezu. Pra, dorezimi ketu eshte fakultativ. Madje, edhe me i fresket rasti ne Skenderaj. Gani Geci ka vendos mos me u dorezu. Se sipas tij kushtet ne burg nuk garantojne siguri fizike per te. Mund te kete edhe ketu dicka te vertete. Kjo edhe 100 here ma keq. Paramendo me qene edhe burgjet te kontrollume prej krimineleve…

Valla bre shtet po ndertojme.

Mandej me ja permend Bajramit nojnjanen prej ketyne, edhe hatrohet.

Kosova gjatë kësaj periudhe është dashur të përballet më shumë sfida që lidhen me procesin e integrimit evropian, konkretisht çështjet që lidhen me marrëveshjen e stabilizim asocimit dhe shumë procese tjera.

Por, që në mungesë të krijimit të institucioneve të reja të dala nga zgjedhjet e fundit, të gjitha këto çështje, sipas analistëve politikë, nuk kanë arritur të adresohen.

Analisti Dren Doli thotë për Radion Evropa e Lirë se vonesa e gjatë për krijimin e institucioneve të reja të do t’i sjell Kosovës pengesa të mëdha jo vetëm tani, por edhe në të ardhmen e afërt, sidomos sa i përket integrimit evropian.

“Konkretisht çështjet që kanë të bëjnë me marrëveshjen e stabilizim asocimit dhe një numër të madh të kritereve të paplotësuar nga procesi i liberalizimit të vizave dhe çështjet tjera të rëndësishme për funksionimin e institucioneve shtetërore të Kosovës”, shton Doli.

Mos konstituimi i Kuvendit dhe mos krijimi i Qeverisë së re të Kosovës që ka zgjatur adresimin e shumë sfidave me të cilat përballet vendi, do të reflektohen edhe në raportet ndërkombëtare.

Ndërsa, sipas Leon Malazogut nga Instituti Demokraci për Zhvillim, ngërçi politik mund të thellohet edhe më shumë nëse çështja nuk zgjidhet deri në fund të gushtit.

“Ngërçi mund të thellohet edhe më tutje nëse çështja nuk zgjidhet deri në fund të gushtit dhe ju skadon mandati edhe anëtarëve të Gjykatës Kushtetuese. Mund të hyjmë në një situatë kur shumë pak institucione kanë legjitimitet politik”, thotë Malazogu.

Ai shton se liderët politikë duhet të tregohen të pjekur dhe këtë situatë ta tejkalojnë, pasi nëse kjo nuk do të tejkalohet do të jetë një njollë negative për vendin.

“Mund të vijmë serish në një situatë kur bashkësia ndërkombëtare do t’i ulë të gjithë liderët dhe të gjejë një kompromis. Kjo do të ishte një shenjë që Kosova nuk është vend i pjekur”, shton Malazogu

Ngërçi politik i krijuar në Kosova gjatë këtyre dy muajve të fundit nuk ka ndodhur ndonjëherë. Dren Doli kujton problemet e mëhershme që ka pasur vendi në formimin e institucioneve të reja të dala nga zgjedhjet, por thotë se situatat e tilla ishin tejkaluar më lehtë.

“Unë besoj që partitë politike, përveç besimit të qytetarëve që kanë marrë me votën e tyre, ata kanë përgjegjësi edhe më të madhe në kuptim të adresimit të të gjitha këtyre problemeve që ka Kosova edhe në ruajtjen e stabilitetit politik”, shprehet Doli.

Sylë Tahir Hoxha, i lindur më 10 shkurt 1955 në fshatin Gjonaj KK Prizren. Shkollën fillore e kreu në fshatin Gjonaj, shkollën e mesme – gjimnazin e kreu në Prizren. Më 15 mars 1981 diplomoi në Fakultetin Juridik në Universitetin e Prishtinës.

Me 01 qershor 1981 ka filluar të punojë si praktikant në një ndërmarrje për montimin e nxehjes qendrore dhe ujësjellësit “Metalax “në Prizren. Në vitin 1982 gjer në mars 1983 ka qenë referent juridik në atë ndërmarrje. Prej marsit 1983 gjer më 1 tetor 1984 ka punuar si referent juridik në drejtorinë për punë pronësoro juridike në Kuvendin Komunal të Prizrenit.

Prej dt. 01 tetor 1984 është zgjedhur gjyqtar në Gjykatën Komunale në Prizren, të cilën funksion e ka kryer gjer më 20 korrik 1992 kur është shkarkuar nga Kuvendi i Republikës së Serbisë.

Prej korrikut të vitit 1993 gjer në gusht të vitit 2000 ka punuar si avokat. Më dt. 08 gusht të vitit 2000 është zgjedhur prokuror në Prokurorinë Publike të Qarkut në Prizren, ku ka punuar gjer më 10 mars 2006.

Prej dt. 10 mars 2006 gjer më dt. 10.01.2008, ka qenë i emëruar zëvendësministër në Ministrinë e Drejtësisë të Republikës së Kosovës. Prej janarit 2009 deri në fund qershorit 2010, ka punuar avokat.

Më dt. 29 qershor 2010, nga Presidenti i Republikës së Kosovës është emëruar prokuror në Prokurorinë e Qarkut në Prizren.

Nga 27 prilli 2011 është caktuar ushtrues i detyrës së kryeprokurorit në Prokurorinë e Qarkut në Prizren.

Avni Rrustem Mavraj nga fshati Saradran, Komuna e Burimit, i cili ishte arrestuar të mërkurën mbrëma nga policia serbe në pikëkalimin kufitar në Merdare, para pak çastesh është liruar nga burgu i Leskovcit.

Lajmin e lirimit të vëllait, e ka konfirmuar për “Epokën e re” Riza Mavraj. “Para 10 minutave më lajmëroi vëllai se është liruar nga burgu i Leskovcit, ku ishte duke u mbajtur në paraburgim. Tani po presim që ai të na bashkohet”, ka thënë Riza Mavraj.

Policia serbe në pikëkalimin kufitar Merdare të mërkurën mbrëma e kishte arrestuar Avni Mavrajn, me arsyen se është i kërkuar për vrasjen e serbëve në Pejë gjatë luftës së fundit.