Albin Kurti tha se nën qeverisjen e VV-së, do të ketë angazhim për rritjen e buxhetit, dhe se sipas tij, VV nuk do të shtroj asfalt vend e pa vend.

“Kosova nuk ka më vend për asfalt”, tha ai.

“Kur t’i kemi fabrikat e shtrojmë asfaltin”, tha Kurti.

Privatizimi është mungesë e ideve zhvillimore, tha Kurti, duke ripërsëritur kritikat për procesin e privatizimit.

“Kosovës i duhen udhëheqësit dhe jo menaxherët”, tha ai.

I pari i VV-së, tha se do të kërkojnë nga Bashkimi Evropian që në Kosovë të ketë më shumë ekspertë të bujqësisë dhe jo prokurorë.

Kurti: Serbia nuk po kushtëzohet me Kosovën për integrim, do të hyj para Kosovës në BE

Lideri i Lëvizjes Vetëvendosje Albin Kurti thotë se alternativa qeverisëse e Vetëvendosjes është ajo që i duhet Kosovës. Sipas Kurtit vetëm me politika sociale, do të ulet shkalla e varfërisë në Kosovë.

Ai tha se megjithëse nuk ka datë për zgjedhjet nacionale, VV po prezanton programin, pasi sipas tij, në kohë fushatash, më shumë ka defilime fytyrash të kandidatëve për deputetë se prezantime konceptesh dhe programesh.

Kurti tha se VV, planifikon, heqjen e tatimit për gjërat elementare dhe që Kosova të bëhet vend ku fitohet nga puna që bëjmë.

Sipas tij, me politikat sociale në planet e VV-së Kosova nuk rrezikon të bëhet Francë, nga ku ikin shtresa e pasur për shkak të tatimeve të larta.

Kurti tha se në Kosovë, shumë biznesmen nuk janë bërë si rezultat i respektimit të ligjit por si rezultat I shkeljes së tij.

I pari I VV-së, thotë se primare është bashkimi i Mitrovicës, dhe pastaj bashkimi kombëtar dhe Evropa.

“Qëndrimet tona në laternativën qeverisëse nuk dallojnë nga koncepti ynë politik”, tha ai.

“Është zotim esencial që ne do të ngazhohemi për bashkimin me Shqipërine me anë të referendumit”, tha Kurti.

Derisa tha se do të heqin nenin nga Kushtetuta e kosovës që ndalon bashkimin e Kosovës me një shtet tjetër”, tha Kurti, duke folur në emisionin “Rubikon” të KTV-së.

Nuk mendojmë se duhet pritur që të na njohin të gjitha shtetet e OKB-së që të presim në proceset integruese.

“Është shumë vështirë të bëhemi pjesë e OKB-së brenda një dekade me gjendjen aktuale politike”, tha Kurti.

Kurti, edhe një herë ka kritikuar dialogun mes Kosovës dhe Serbisë.

Kështu, ai tha se Serbia mund të hyj para Kosovës në BE, pasi tha se Serbia nuk po kushtëzohet me ose Kosovën ose BE-në, kështu thotë ai, ajo mund t’i ketë të dyja.merren vesh!

Postin e gjertanishëm që mbante profesori, Shehadin Tërshnjaku, tani e tutje do ta ketë, Selami Sahiti, kandidati i AAK-së që garoi për kryetar të Dragashit.

Lajmin e ka konfirmuar për Radio Sharrin, kryetari i Komunës së Dragashit, Salim Jenuzi, duke potencuar se ky emërim vjen si rezultat i koalicionit që lidhën në balotazh, PDK-ja me AAK-në.

“Selami Sahiti është emëruar për nënkryetar të Komunës së Dragashit, bazuar në marrëveshjen që kishim në balotazh, kur AAK-ja iu bashkëngjit forcës sonë në garën për kryetar të Komunës”, tha Jenuzi.

Sa i përket postit të nënkryetarit për komunitetet, Jenuzi tha se kjo nuk ka mbetur pezull, për fajin e shqiptarëve, por janë vetë partitë nga Gora që nuk po përcaktohen për një emër.

“Ne e hodhëm në Kuvend zgjedhjen e nënkryetarit për minoritetet, por votimi rezultoi i barabartë mes këshilltarëve të tyre. Nga 8 këshilltarët goranë, u propozuan 2 kandidatë dhe që të dy morën nga 4 vota. Edhe pse votimi u përsërit tre herë, gjithnjë doli ky rezultat. Prandaj ne nuk mund të bëjmë asgjë, derisa të merren vesh partitë nga minoritetet”, tha Jenuzi.

Në seancën e Kuvendit komunal, ku ishte paraparë edhe zgjedhja e nënkryetarit të Komunës për minoritetet, ishin propozuar dy kandidatë, Safet Kushi, nga CDU dhe, Nuhia Tairovci, nga partia VATAN. Gjatë tre raundeve të votimit, që të dy morën nga 4 vota, gjë që dështoi zgjedhja e njërit prej tyre.

Organizata e Veteranëve të Luftës së UÇK-së ka përgëzuar të gjithë bashkëluftëtarët për miratimin e Ligjit për Veteranët e Luftës së UÇK-së. OVLUÇK-ja ka falënderuar të gjithë ata deputetë, të cilët kanë votuar pro projektligjit.

“Pas miratimit të këtij ligji, pozita shoqërore dhe ekonomike e veteranëve të luftës do të përmirësohet dukshëm, e me këtë rast ne përgëzojmë bashkëluftëtarët për durimin dhe pjekurinë e kallëzuar karshi proceseve të paqes dhe shtetndërtimit. Ne falënderojmë deputetët që votuan për miratimin e këtij ligji dhe inkurajojmë të gjithë deputetët që të jenë në mbrojtje të vlerave të shenjta të luftës së UÇK-së. Qeverisë së Kosovës i kërkojmë që të punojë në zbatimin e këtij ligji dhe e falënderojmë për kontributin e deritashëm”, është thënë në komunikatën e OVLUÇK-së.

Prokurorët e Kosovës dhe ata të Shqipërisë, kanë filluar sot konferencën e përbashkët në Prizren.

Në këtë konferencë është bërë elaborimi mbi funksionimin e sistemit Prokurorisë së Kosovës dhe dhe atij të Shqipërisë.

Kryeprokurori i Kosovës, Ismet Kabashi tha se dy shtete kanë një memorandum të bashkëpunimit të Prokurorisë.

“Ky bashkëpunim i mirë kemi vlerësuar se duhet të ulet edhe në nivel lokal”, tha Kabashi, transmeton TV “Besa”.

Ai tregoi se në këtë konferencë do të bëhetë njoftimi i përvojave të prokurorëve të dy shteteve.

Kryeprokurori i Prokurorisë Themelore në Prizren, Sylë Hoxhaj tha ndërkaq  se kjo konferencë është shumë i rëndësishmë .

“Kjo konferencë po mbahet për herë të parë në Kosovë dhe Prizren”, tha Hoxhaj. Ai shpreson se bashkëpunimi i ndërsjellë do të ulë edhe krimin e organizuar të dy shteteve. Konferenca do të vazhdojë edhe nesër. /PrizrenPress.com/

PDK, AAK dhe Vetëvendosje janë bërë bashkë kur është folur për FARK’un dhe UÇK’në. Asnjëra prej këtyre partive s’e ka përkrahur nismën e LDK’së që në Ligj të përfshihet edhe FARK’u dhe Ministria e Mbrojtjes
Deputetët e Kuvendit të Kosovës e kanë miratuar Ligjin për Veteranët e Luftës së Ushtrisë Çlirimtare të Kosovës.

Të gjithë deputetët e pranishëm në seancën e Kuvendit kanë votuar pro ligjit, ndërsa asnjë deputet s’ka votuar kundër.

Pra, Ligji ka marrë 73 vota për, asnjë kundër dhe asnjë abstenim.

Ligji për Veteranët e Luftës nuk i njeh si kategori ushtarët e FARK’ut, formacion ky i udhëhequr nga Qeveria e Bujar Bukoshit.

Me këtë rast, LDK ka kërkuar të përfshihet në ligj edhe FARK’ut dhe Ministria e Mbrojtjes, por kjo është kundërshtuar nga PDK, AAK dhe Partia e Albin Kurtit.