Aleanca Kosova e Re (AKR) në Prizren, ka shqyrtuar mundësin e zgjerimit dhe formimit të nëndegëve të reja.
Zëdhënësi i AKR-së në Prizren, Ilir Çabrati tha se interesimi i të rinjve për t’u anëtarësuar në AKR, është i madh. “AKR në Prizren është duke u konsoliduar dhe forcuar edhe me anëtar të rinj”, tha Çabrati.
Ai tha se në AKR janë duke u anëtarësuar edhe anëtarët e subjekteve të tjera politike.
“AKR-ja po dëshmon pjekurin e saj politike, profesionale dhe vizionare, ku dita -ditës qytetarë dhe anëtarë të subjekteve tjera politik kanë aderuar ne AKR”.
Kryesia e degës së AKR-së në Prizren në mbledhjen e fundit, ka marrë vendim për formimin e disa nëndegëve të reja.
“Kryetarët e nëndegëve janë zotuar në krijimin e nëndegëve të reja dhe zgjerimin e atyre ekzistuese me qellim të realizimit të interesave të përbashkëta”
“ AKR-ja hedhë poshtë, çdo inovacion, që është krijuar nga indicet e individëve të caktuar të cilët qëllim kanë përfitimin personal”.
“AKR përmban përgjegjësin amore , ndaj qytetareve dhe garanton realizimin e gjitha premtimeve të bëra në fushat, duke treguar interesim për realizimin e premtimeve të bëra”.
“AKR-ja në Prizren është hapur për inkuadrimin e vlerave të reja me qellim të avancimit të proceseve”./PrizrenPress.com/