Nënkryetari i LDD-së, Lulzim Zeneli, është shprehur i befasuar me deklarimet e nënkryetarit të AAK-së, Ahmet Isufi, i cili ka thënë se AAK-ja në zgjedhjet parlamentare do të garojë e vetme e jo si koalicion AAK-LDD.

Zeneli ka thënë për “Epokën e re” se deri më tani nuk i ka rastisur të ballafaqohet më një situatë të tillë, kur nga e njëjta adresë politike dalin qëndrime diametralisht të kundërta për një çështje që është e shkruar dhe e nënshkruar nga liderët e dy partive politike.

“E lexova intervistën në gazetën tuaj dhe më është dashur kohë të reflektoj rreth porosisë së asaj deklarate. Të them të drejtën, për këtë periudhe 15-vjeçare të pluralizmit politik, aq sa është edhe përvoja ime e vogël në politikë, nuk më ka rastisur të ballafaqohem me një situatë të tillë nga një adresë politike, nga një subjekt me përvojë jo të vogël politike, të kemi deklarime me porosi diametralisht të ndryshme për diçka që është e shkruar qartë dhe e firmosur”, ka deklaruar Zeneli.

Ai ka treguar se ekziston koalicioni parazgjedhor AAK – LDD për zgjedhjet parlamentare, i cili në formë marrëveshje është i nënshkruar nga liderët e të dy partive politike.

“Siç e dini, AAK-ja me LDD-në në prill të vitit të kaluar kanë arritur një marrëveshje bashkëpunimi në formatin e koalicionit parazgjedhor për zgjedhjet lokale dhe parlamentare. Marrëveshja është firmosur nga kryetarët e të dy partive politik dhe nëse kësaj ia shtojmë edhe deklarimet e z. Haradinaj dhe z. Daci nga takimi i fundit, e që në asnjë moment, për asnjë nuancë nuk e vënë në dyshim vazhdimësinë e koalicionit, por përkundrazi biseduan për zgjerimin e mundshëm”, ka thënë Zeneli, duke shtuar se deklarimet e nënkryetarit Isufi flasin për probleme serioze sa i përket konsistencës së qëndrimeve në strukturën udhëheqëse të AAK-së.

“Atëherë mund të themi se një deklaratë e tillë, aq e drejtpërdrejtë dhe që nuk le hapësirë për dualizëm interpretimesh, jep të kuptojmë se në strukturën udhëheqëse të AAK-së ekzistojnë probleme serioze sa i përket konsistencës së politikave dhe qëndrimeve. Kjo nuk mund të kuptohet ndryshe, kurse kemi një deklaratë të nënkryetarit të AAK-së, e cila është e kundërta e deklarimit të kreut të AAK-së pak ditë më parë pas takimit publik me kryetarin e LDD-së, Nexhat Daci”, është shprehur Zeneli.

Në këtë kontekst, ai ka thënë se LDD-ja ka hyrë në koalicion me AAK-në në bazë të parimeve të shëndosha e jo në bazë të interesave grupore.

“Në vendet me demokraci të konsoliduar, koalicionet ndërtohen mbi bazën e orientimeve politike, programeve, interesave të grupimeve dhe të tjera. Ndërsa LDD-ja çështjen e koalicionit e ka kuptuar edhe më fort se kaq, që koalicioni duhet gjithsesi t’i adresojë parimet e shëndosha dhe të besueshme, të krijosh themel të bashkëpunimit në të cilën besojnë të gjithë, i beson ti së pari, pastaj mund të presësh efekte të sinergjizmit. Ndërsa ajo që është thënë nga nënkryetari i AAK-së s’ka të bëjë me këtë dhe LDD-ja ndahet nga ai mendim”, ka deklaruar Zeneli.

Mirëpo Zeneli ka thënë se në qoftë se deklarimet e Isufit janë politika zyrtare, atëherë nuk beson se ka vend për bashkëpunim të mëtutjeshëm ndërmjet AAK-së dhe LDD-së. “Kjo mbetet të shihet, mirëpo në qoftë se deklarimet e tilla janë politika zyrtare, atëherë nuk besoj se ka vend për bashkëpunim”, ka thënë Zeneli.

Presidentja Atifete Jahjaga e cila po qëndron në vizitë në Panama, ka takuar presidentin e këtij vendi, Ricardo Martinelli.

Jahjaga dhe Martinelli kanë biseduar për zgjerimin e bashkëpunimit mes dy vendeve dhe për proceset nëpër të cilat po kalon Kosova, ndërsa presidentja Jahjaga ka vlerësuar mbështetjen e Panamasë ndaj Kosovës.

Ish-prokurori italian Mauricio Salustro ka çka t’i kallëzojë Bruno Vekariçit për 15 vjetët që kaloi në Kosovë. Njëherë si gjyqtar i UNMIK-ut e më vonë si prokuror i EULEX-it, nëpër duart e tij kanë kaluar shumë emra dhe raste. Por periudha që Salustro kaloi si prokuror duhet të jetë më joshëse për zëvendësprokurorin e Serbisë për krime lufte, shkruan Tribuna.

Këshilltari i tij italian ka ndjekur pothuajse të gjithë ish-komandantët e Ushtrisë Çlirimtare të Kosovës e që për Serbinë është “ushtri terroriste”. Mirëpo jo gjithë herë Salustros i ka shkuar puna mbarë si gjyqtar, por edhe si prokuror. Disa nga rastet që Salustro ishte gjyqtar i kanë dështuar e po ashtu edhe si prokuror. Në vitin 2009 gjyqtarë të EULEX-it rrëzuan një vendim të kolegëve të tyre nga UNMIK-u.

Ata shpallën të pafajshëm Florim Ejupin të cilin UNMIK-u e kishte dënuar me 40 vjet burg. Në rastin e Ejupit njëri nga anëtarët e Trupit Gjykues ishte Mauricio Salustro. Ai e dha votën kur gjyqtarja Hajnalka Karpati, shpalli fajtor Ejupin për shpërthimim në autobusin e “Nish Expressit”, ku gjetën vdekjen 11 serbë.

Kryetari i Prizrenit, Ramadan Muja, është arrestuar nga EULEX-i. Arrestimi i tij, është bërë në orët e vona të natës.

Burimet e “PrizrenPress”-it bëjnë të ditur se Muja është arrestuar për shkak vazhdimit të shkaljeve ligjore, që ka bërë edhe pas dënimit 2 vjet me kusht nga Gjykata Themelore në Prizren.

“EULEX-i ka konstatuar se kryetari i Prizrenit, Ramadan Muja, ka vazhduar me avazin e vjetër të shkeljes së ligjit dhe sjelljeve jo të mira në raport me vendimin e dënimit të Gjykatës Themelore”, tregon burimi i sigurt brenda EULEX-it.

Kryetari i Prizrenit Ramadan Muja, bashkë me pesë ish- bashkëpuntorët e tij, muajin e kaluar është dënuar 2 vjet me kusht nga Gjykata Themelore në Prizren.

Ai pas dënimit është përballë me protesta të qytetarëve, të cilët kanë kërkuar dorëheqjen nga posti i kryetarit të Prizrenit.

Për shkak frikës nga protestuesit, Muja ka pezulluar vetëvetën, duke mos dalë për disa ditë në vendin e tij të punës. Organet e drejtësisë kanë vlerësuar se me këtë vendim, Muja ka bërë shkelje tjetër ligjore, që e kanë dërguar atë në pranga të EULEX-it.

Partia Demokratike e Kosovës(PDK) në Prizren, ndërkaq pas arrestimit të Ramadan Mujës, ka mbajtur një mbledhje të jashtëzakonshme. Në këtë mbledhje mësohet se është diskutuar gjendja e krijuar pas arrestimit të kryetarit Ramadan Muja.

Sipas burimit të ‘PrizrenPress’-it, anëtarët e Kryesisë së këtij subjekti politik në këtë qytet, i janë gëzuar arrestimit të Mujës. Ata, madje kanë kërkuar nga lideri i tyre- kryeministri i Kosovës Hashim Thaçi, që të mos intervenoi në organët e drejtësisë për lirimin nga burgu të Mujës. Aprililiii

Takimi i sotëm në Bruksel ndërmjet Kryeministrit të Kosovës, Hashim Thaçi dhe atij të Serbisë, Ivica Dacic, për çështjen e funksionalizimit të drejtësisë në veri të Kosovës, ka përfunduar pa ndonjë marrëveshje.
Pas përfundimit të takimit, kryeministri Thaçi u ka thënë mediave se kishte përparim por ka munguar edhe më tutje marrëveshja për drejtësinë.

Takimi mes dy kryeministrave ka zgjatur pak më shumë se një orë ndërkaq parashihet që takimi tjetër të mbahet javën e ardhshme.

Edhe pse para nisjes në Bruksel, kryeministri Thaçi ka shprehur bindjen se ky takim do të sillte marrëveshje, ajo nuk është arritur për momentin edhe pse të dyja palët insistojnë se është vetëm çështje teknike

Bruksel: Filloi takimi

Në Bruksel, në rundin e sotëm të dialogut ndërmjet Kosovës e Serbisë, me ndërmjetësimin e përfaqësueses së lartë të Bashkimit Evropian për politikë të jashtme dhe siguri, Catherine Ashton, ka filluar takimi i përbashkët tripalësh, ka njoftuar Maja Kocijançiq, zëdhënëse e zonjës Ashton.

Në nisje të takimit të sotëm, kanë biseduar kryeministri i Kosovës, Hashim Thaçi, dhe zonja Ashton, e pastaj është mbajtur edhe takimi i zonjës Ashton me kryeministrin e Serbisë, Ivica Daçiqi, i cili ishte i shoqëruar nga zëvendëskryeministri, Aleksandar Vuçiq.

Para takimit zoti Thaçi u tha gazetarëve se do të diskutohet për arritjen e marrëveshjes përfundimtare për çështjen e sistemit të drejtësisë dhe “funksionalizimin e plotë në pjesën veriore sipas ligjeve dhe Kushtetutës së Kosovës”.

Në këtë kuadër ai theksoi se “në takimin e fundit ne kemi arritur marrëveshje në parim, ndërsa sot pres edhe zyrtarizimin e kësaj marrëveshjeje”.

Partia Konservatore e Kosovës(PK), ka qenë pjesë e fushatës zgjedhore në Turqi. Kryetari i PK-së, Munir Basha tha se se ky subjekt politik ka dhënë një kontribut të madh në fitoren e kryemistri turk, Recep Tayyip Erdogan.
“Partia Konservatore ishte pjesë e fushatës së fitores së Erdoganit”, tha Basha për “PrizrenPress”. Ai tregon se pjesë e kësaj fushate ishin shtete të ndryshme.

“Fushata u vëzhgua nëpër vende të ndryshme ku kryetari i të rinjëve të PK-së, Gzim Berisha ishte pjesëmarrës në fushatën e Izmirit si dhe Shqipe Hoxha dhe Agjire Tahiri ishin në Bursa”.

“Vizita e të rinjëve të Partisë Konservatore në Turqi ka filluar me datën 22.03.2014”, tregon Basha.

“Fushata ishte shumë e veçantë dhe shumë motivuse nga ana e gjithë pjestarëve të PK-së,sidomos grupet e të rinjëve”.

“Me të veçanta këto takime i bëri edhe takimi me kandidatët për kryetar komune që ishin si: Binali Y?ld?r?m, Recep Altepe, Mustafa Dündar si dhe deputetët të ndryshëm si Rifat Saiti, Mesut Öztürk, Hakan Çagusoglu, Mustafa Tarik, Ay?e Ertan ,Esma Özbag, Ahmet Kiliq etj”.

Takimi me qytetarët me prejardhje nga trojet shqiptare që jetojnë në Turqi ishte në mënyrën më të mirë “Biseda sy me sy””. /PrizrenPress.com/