Ministria e Kulturës ka pesë vjet që ka vënë gurthemelin e shtëpisë së teatrit dhe operës “Ibrahim Rugova” dhe deri më tani janë shpenzuar rreth një milion euro për të.
Por, siç shkruan sot Koha Ditore, ky institucion e ka lënë mënjanë projektin për të cilin sivjet ka ndarë 800 mijë euro, për t’iu bashkuar Komunës së Prishtinës, që ta çojë përpara projektin e sallës universale e galerisë së qytetit.
Ky objekt, që i mungon kryeqytetit e Kosovës, fillimisht ishte vlerësuar se do të kushtonte dy milionë euro, por ndërkohë ky vlerësim hipi në 5,5 milionë.