11.8 C
Prizren
E premte, 1 Mars, 2024

Balje tregon se i ka shkruar letër Dodikut për t’i kërkuar heqjen e vizave mes Bosnjës dhe Kosovës

Deputetja boshnjake e Kuvendit të Kosovës, Duda Balje, ka treguar se i është drejtuar me letër anëtarit serb të Presidencës së Bosnje e Hercegovinës, Milorad Dodik, për t’i kërkuar që të hiqen vizat meqë kjo çështje po ia vështirëson shkuarjen në Bosnje boshnjakëve të Kosovës.

Në një intervistë për Al Jazeera Balkans, Balje ka kërkuar edhe krijimin e një Zyre Ndërlidhëse mes Kosovës dhe Bosnjës siç e ka Kosova në Beograd, por kësaj kërkese ajo ka thënë se nuk i është përgjigjur askush nga Bosnja, transmeton Gazeta Express.

Ajo thekson se në letrën e hapur drejtuar Dodikut, ajo nuk ka kërkuar pavarësinë e Kosovës, por lehtësimin e udhëtimit dhe regjimin pa viza ndërmjet Kosovës dhe Bosnjë-Hercegovinës, udhëtim i cili është më i vështiri nga të gjitha vendet e rajonit.

Balje thotë se boshnjakët në Kosovë e ndiejnë Bosnjën dhe Hercegovinën si vendin e tyre, por pak ose aspak ka bashkëpunim. Ajo beson se njohja e Kosovës është çështje kohe dhe se kur ta njohë Beogradi, të njëjtën gjë do ta bëjë edhe Sarajeva.

Më Shumë

Siguria në Rahovec, kërkohet të rritet prania e policisë në terren

Kuvendi Komunal i Rahovecit është duke e mbajtur mbledhjen e radhës me 12 pika të rendit të ditës. Rastet e fundit të plaçkitjeve, rrahjeve...

Nicole Scherzinger tregon figurën e saj të pabesueshme me bikini të zeza, gjatë pushimeve

Nicole Scherzinger tregoi figurën e saj të pabesueshme gjatë festës së saj të dytë të vitit, të shtunën, pasi nuk pati asnjë pushim në...

Lajmet e Fundit