17.8 C
Prizren
E premte, 30 Shtator, 2022

‘Bëni dush së bashku për të kursyer rrymë’, iu thotë Zvicra qytetarëve të saj

Ministrja e mjedisit e Zvicrës po promovon masa për të reduktuar konsumin e energjisë me 15 për qind këtë dimër – dhe një nga sugjerimet e saj është që njerëzit e vendit të bëjnë dush së bashku.

The Times raporton se Simonetta Sommaruga, 62-vjeçare, po sugjeron që njerëzit të mund të “fikin kompjuterin kur nuk ju nevojitet, ose të fikin dritat ose të bëjnë dush së bashku”.

Propozimi është pritur me mosbesim në vend dhe Sommaruga është detyruar të sqarojë se truku kishte për qëllim të rinjtë. Ajo pranoi se “pas një moshe të caktuar, dushi së bashku nuk është më i përshtatshëm për të gjithë”, transmeton Telegrafi.

Megjithatë, ajo shtoi se ideja në përgjithësi kishte ecur mirë dhe rezultoi në inkurajimin e ndërgjegjësimit për nevojën për të bërë kursime në konsum gjatë muajve të dimrit.

Geraldine Savary, redaktore e revistës së grave Femina, është kundër idesë. Ajo ka akuzuar ministrat se po përpiqen të “administrojnë jetën tonë private, deri në detajet më të parëndësishme”.

Ajo u tall me idenë në një editorial ironik, duke sugjeruar që zviceranët duhet të bëjnë dashuri çdo mëngjes për t’u ngrohur pasi të fikin ngrohjen gjatë natës, të bëjnë një dush të shpejtë së bashku. /Telegrafi/

Më Shumë

Rusi: Qindra të arrestuar në protestat kundër vendimit të Putinit për dërgimin e civilëve në luftë

  Qindra njerëz janë arrestuar nga autoritetet ndërsa protestat kundër “mobilizimit të pjesshëm” të ri të Rusisë vazhdojnë në të gjithë vendin, ka thënë një...

Apeli e kthen në rigjykim rastin e ish-rektorit të Universitetit të Prizrenit, Ramë Vataj

Gjykata e Apelit e ka anuluar vendimin e Gjykatës Themelore në Prizren, duke e kthyer në rigjykim rastin ndaj ish-rektorit të Universiteti të Prizrenit...

Lajmet e Fundit