6.8 C
Prizren
E hënë, 5 Dhjetor, 2022

Dy persona ngacmojnë dhe rrahin dy të mitur në Prizren, shpallen në kërkim policor

Mosmarrëveshjet e momentit mes qytetarëve shpesh herë përcillen me ofendime e kërcënime ndaj njëri-tjetrit. Madje nuk janë të rralla rastet kur ato shpërthejnë në dhunë, duke u përleshur fizikisht mes vete, raporton Gazeta Sinjali.

Në telashe kanë përfunduar dje dy të mitur në Prizren, të cilët dyshohet se u rrahën keq nga dy persona në mes të rrugës.

Sinjali mëson se si pasojë e lëndimeve trupore që morën, kanë kërkuar ndihmë mjekësore në spital, ndërkohë që rasti është denoncuar edhe në Polici.

Burimet e Sinjalit bëjnë me dije të miturit kanë deklaruar se personat e dyshuar i njohin, por nuk kanë pasur asnjëherë konflikte me ta. Sipas tyre, të dyshuarit fillimisht i kanë ngacmuar me fjalë dhe nuk e dinë motivin që i shtyu ata t’i sulmojnë.

Policia ka marrë veprimet hetimore që ndihmojnë në zbardhjen e rrethanave të rastit dhe çojnë në lokalizimin dhe arrestimin e të dyshuarve.

Me urdhër të prokurorit, rasti është iniciuar ‘Lëndim i lehtë trupor’, ndërsa veprimet tjera ligjore do merren posa të kapen të dyshuarit.

Më Shumë

Patrioti nga Zhuri, ish i burgosur politik, kërkon lëmoshë Prizrenit (video)

Tasim Badallaj është një ish-patriot e i burgosur politik nga regjimi serb. Tash ai çdo ditë viziton kafenetë e Prizrenit dhe nga urtësia e tij...

Zelensky: Rusët po planifikojnë diçka në jug

Presidenti ukrainas Volodymyr Zelensky, njoftoi mbrëmë në kanalin e tij Telegram, se forcat ruse “megjithë humbjet jashtëzakonisht të larta, ende po përpiqen të avancojnë...

Flamuri dhe qeni

Lajmet e Fundit