24.8 C
Prizren
E shtunë, 25 Maj, 2024

FIFA hap hetimet ndaj Serbisë, nuk ka procedurë për Granit Xhakën

Ndeshja mes Zvicrës dhe Serbisë është kryer të premten mbrëma, por ajo vazhdon të luhet jashtë fushës.

Ka qenë një ndeshje shumë e tensionuar, ku pala serbe provokonte vazhdimisht futbollistët shqiptarë Xherdan Shaqirin dhe Granit Xhakën.

Nuk munguan thirrjet nga tifozët raciste dhe për vdekjen e shqiptarëve, derisa edhe trajneri i përfaqësueses serbe u kap nga kamerat duke sharë nënat shqiptare.

Federata e Futbollitt ë Kosovës ka nisur një ankesë në FIFA për fyerjet e trajnerit serb drejtuar nënave shqiptare, por edhe për thirrjet nga tifozët e tyre.

Kjo ka bërë që shtëpia më e madhe e futbollit botëror, FIFA të hap hetimet ndaj Federatës së Futbollit të Serbisë.

Kjo pasi mund të ketë pasur shkelje të mundshme të tre neneve të kodit disiplinor të FIFA-s gjatë ndeshjes së Kupës së Botës ndërmjet Serbisë dhe Zvicrës, sipas FIFA-s.

Këto janë nenet 12, 13 dhe 16. Neni 12 ka të bëjë me sjelljen e keqe nga lojtarët dhe zyrtarët, neni 13 me diskriminimin dhe neni 16 me sigurinë në ndeshje.

Ndërkohë sipas asaj që ka mësuar e përditshmja zvicerane Blick, nuk do të ketë asnjë procedim disiplinor ndaj Zvicrës apo kapitenit Granit Xhaka. /Telegrafi/

Më Shumë

Totaj takon banorët e fshatrave Gjonaj, Piranë dhe Velezhë

Kryetari i Prizrenit, Shaqir Totaj, ka takuar banorët e fshatrave Gjonaj, Piranë dhe Velezhë. "Faleminderit Gjonaj, Piranë dhe Velezhë për takimet dhe propozimet e jashtëzakonshme...

Amaneti i Ernest Koliqit

Nga: Frank Shkreli Ishte 15 Janari i vitit 1975 kur bota shqiptare mësoi se Profesor Ernest Koliqi kishte ndërruar jetë, ndërkohë që njoftohej gjithashtu se...

Lajmet e Fundit