17.8 C
Prizren
E premte, 24 Maj, 2024

Ishler përuroi disa objekte në Prizren

IshlerZëvendës kryeministri turk, Emrullah Ishler, ka qëndruar sot në qytetin e Prizrenit. Me këtë rast, Ishler i shoqëruar nga përfaqësues të institucioneve lokale dhe ambasadorja turke në Kosovë, Songyl Ozan, ka përuruar një sërë objektesh të financuara nga Tika Turke. Mirëmbajtja e objekteve të vjetra fetare, po e përforcon akoma më shumë vëllazërinë në mes dy popujve tonë, ka thënë në Prizren zv. kryeministri turk.

Zëvendës kryeministri turk, Emrullah Ishler, i shoqëruar nga ambasadorja turke në Kosovë dhe klerikë fetarë të Bashkësisë Islame, kanë qëndruar sot në Prizren, ku kanë përuruar kompleksin e Xhamisë së Sinan Pashës. Zv. Kryeministri turk, Ishler, tha se restaurimi dhe mirëmbajtja e objekteve të vjetra fetare, po e forcon akoma më shumë vëllazërinë në mes të popullit turk dhe atij të Kosovës.

“Me anë të projektit të cilin po e përurojmë sot ka përfunduar restaurimi i xhamisë së Sinan Pashës që gjendet në qytetin e Prizrenit dhe që për ne është një xhevahir i veçantë. Xhamia e Sinan Pashës e cila është ndërtuar në vitin 1915 nga Sinan Pasha i cili ka qenë në atë kohe Ali i botës së Perandorisë osmane deri në ditët e sotme vazhdon të sjellë në vete vëllazërinë tonë të përbashkët”, ka thënë Ishler.

Në emër të Bashkësisë Islame të Kosovës dhe gjithë besimtarëve, mysafirët i ka përshëndetur Myftiu, Naim Tërnava.

Zvkryeministri turk, gjatë vizitës sot në Prizren, ka përuruar edhe objektin e administratës në Universitetin e Prizrenit dhe aneksin shkollorë të shkollës së Reçanit. Të gjitha këto investime janë financuar nga Tika Turke.

Me këtë rast, zv/ministri i arsimit, Nehat Mustafa ka falënderuar Qeverinë e Turqisë për mbështetjen e vazhdueshme që po i jep proceseve zhvillimore në Kosovë, sidomos në fushën e arsimit.

Zv/ministri Mustafa theksoi se Kosova dhe Turqia po e thellojnë gjithnjë e më shumë bashkëpunimin në fushën e arsimit, ndërsa përmendi faktin se edhe Universiteti i Prizrenit ka bërë hapa konkret duke e shtrirë këtë bashkëpunim me shumë universitete të Turqisë.

Ndërkaq, zv/ministri Mustafa kërkoi nga delegacioni turk që të inkurajojnë edhe më shumë universitetet turke të vazhdojnë bashkëpunimin me universitetet e Kosovës sidomos në fushën e hulumtimeve shkencore përmes projekteve të ndryshme, transmeton RTK.

Zv/kryeministri i Turqisë tha se vendi i tij po e ndihmon arsimimin e të rinjve në Kosovë në forma të ndryshme duke dhënë kontribut edhe në krijimin e kushteve më të mira për shkollim. Ai tha se shteti i tij do të vazhdojë ta ndihmojë arsimin në Kosovë në të gjitha nivelet.

Zv/kryeministri i Turqisë, z. Emrullah Ishler, po ashtu ka uruar komunitetin turk për “Ditën e turqve të Kosovës”.

Më Shumë

Caktohet muaji për rimeçin mes Usyk dhe Furyt – tjetër përballje spektakolare na pret këtë vit

Tyson Fury dërgoi mesazhe të përziera për një revansh të mundshëm me Oleksandr Usyk, duke pranuar se nuk e di se çfarë do të...

Rizvanolli: 101,41 milionë euro është fitimi në ndërmarrjet publike gjatë vitit 2022

Ministrja e Ekonomisë, Artane Rizvanolli, ka njoftuar se 101,41 milionë euro është fitimi në ndërmarrjet publike qendrore të Kosovës në vitin 2022. Rizvanolli ka thënë...

Lajmet e Fundit