35.8 C
Prizren
E hënë, 15 Korrik, 2024

Italianët interesohen për luftimin e rriqrave në Malishevë

Malisheve-Col ServiceKompania e njohur italiane, e cila merret me zhdukjen e insekteve “Col Service”, ka vizituar sot Malishevën, ku janë takuar me Kryetarin e Komunës së Malishevës, Isni Kilaj dhe drejtorin e QMKF-së, dr.Besim Zogaj, me të cilët kanë biseduar për mundësinë e angazhimit të kësaj kompanie, në eliminimin e rriqrave, si masë parandaluese kundër infektimit me virusin e etheve hemorragjike “krime-kongo”.

Administratori i kësaj kompanie, Giuseppe Colazzo, ka thënë “kompania që ai administron, është e njohur në fushën e eliminimit të insekteve, përfshirë edhe rriqrat, dhe është e interesuar seriozisht që të merret me këtë edhe në Kosovë, kryesisht në Malishevë”.

Në takimin e sotëm (i dyti me radhë), ishin të pranishëm edhe ekspert të kësaj kompanie, të cilët merren me studimin e insekteve, në mënyrë që të bëhet një studim i detajuar lidhur me zhvillimin rriqrave, e që më pas të bëhet edhe projekti për mënyrën e eliminim të tyre. Edhe kompania në fjalë është fitimprurëse, zyrtarët e saj, thanë se studimin, do ta bëjnë falas.

Me këtë rast, Komuna e Malishevës, i ka ofruar mbështetjen e plotë kësaj kompanie, për të gjitha çështjet me interes, pasi eliminimi i rriqrave, është në interesin tonë, në mënyrë, që të zvogëlohet mundësia e infektimit me ethet hemorragjike, pasi ky virus bartet nga rriqra tek njeriu dhe në disa raste, thumbimi i rriqrave është vdekjeprurës. /PrizrenPress.com/

Më Shumë

DokuFest sivjet rrugëton me temën e ndryshimeve globale, ‘New Order’

Festivali Ndërkombëtar i Filmit të Shkurtër dhe Dokumentar, “DokuFest” ka vendosur ta organizojë edicionin e 23-të nën temën “New Order”. Tranzicioni i shpejtë global, luftërat,...

Katër fshatra pa ujë në Prizren

Kompania e Ujësjellësit "Hidroregjioni Jugor" sh.a. – Prizren njofton se për shkak të ndërprerjes së energjisë elektrike nga ana e KEDS-it, në Stacionin e...

Lajmet e Fundit