16.8 C
Prizren
E martë, 28 Maj, 2024

Përkujtohet dëshmori Ismajl Kryeziu

Të enjten është përkujtuar në 25 vjetorin e rënies heroike, dëshmori Ismajl Kryeziu.

Në 25 vjetorin e rënies heroike të dëshmorit Ismajl Kryeziu, është përkujtuar jeta dhe veprimtaria e tij nga familjarë, bashkëluftëtarë e bashkëveprimtarë, ushtarë të FSK-së dhe të tjerë me homazhe në Landovicë, vendin ku dhe është i varrosur, duke vazhduar tek shtatorja e tij e cila është e vendosur në lagjën ”Arbana”.

Sekretari i degës së OVL të UÇK-së në Prizren, Isa Berisha, tha se të flasësh për veprat e dëshmorit duhet shumë kohë , pasi Ismajl Kryeziu, theksoi ai, një jetë të tërë i’a kushtoi çështjes kombëtare deri në flijimin e tij.

Ish komandanti i UÇK-së dhe bashkëpunëtori i dëshmorit, Zafir Berisha, e ka vlerësuar lartë sakrificën e dëshmorit, Ismajl Kryeziu, për lirinë e vendit, për të cilin tha se ishte një vigan që deri në rënien heroike të tij, kontribuoi për çlirimin e Kosovës.

Për familjen çdo përvjetor i rënies së vëllaut tonë është i njëjtë, i pikëllueshëm por i përcjellë me krenari, me shpresë së amaneti i dëshmorëve dhe martirëve do të jetësohet për një Kosovë të zhvilluar me të ardhme të ndritur, thotë Idriz Kryeziu.

Ismajl Kryeziu ishte veprimtar i dalluar i çështjes kombëtare, njëri ndër themeluesit e brigadës 125 të UÇK-së, dhe koordinator i brigadave në Zonën Operative të Pashtrikut. Ai u vu përballë shumë betejave gjatë luftës së fundit në Kosovë deri në momentet e rënies heroike më 18 prill të vitit 1999 në lagjën “Arbana”./ TV Prizreni

Më Shumë

Ku do të shkojë titulli sonte, në minierë apo në qiell?

Pas një rrugëtimi të gjatë, ky edicion do të përfundojë të enjten mbrëma në Mitrovicë. Trepça dhe Golden Eagle Ylli do të ndeshen në sfidën...

Lista e Shqipërisë për Euro 2024: Çfarë ndodhi me dyshen Uzuni – Cikalleshi

Trajneri i Kombëtares së Shqipërisë, Sylvinho publikoi të hënën listën provizore me 27 lojtarë të ftuar për fazën përgatitore para Euro 2024 të kësaj...

Lajmet e Fundit