0.8 C
Prizren
E premte, 3 Shkurt, 2023

Plazhi i Gjeneralit, sekreti i fundit në bregdetin e Kavajës

Kavaja-plazhi-gjeneralitPlazhi i Gjeneralit është një pjesëz prej bukurive të panumërta që të ofron bregdeti shqiptar.

I përket komunës Synej të rrethit të Kavajës dhe çfarë e bën të veçantë dhe shumë ekzotik është largësia nga zonat e banuara dhe izolimi që i bëjnë kodrinat dhe natyra e paprekur. Nardi Xhemani, administrator i një biznesi lokal, tregon: “Si fillim njihej vetëm nga banorët e zonës dhe peshkatarët. Ka 8 vite që shfrytëzohet, ka pushues ditorë dhe vendas. Ka edhe të huaj që e frekuentojnë.”

Vizitorët janë të shumtë. Ka edhe nga ata që nisen prej së largu për të pushuar deri këtu në këtë gji të vetmuar. Një prej tyre është edhe Gianpaolo, i cili gjatë një turi pushimesh nëpër bregdetin shqiptar, ka vendosur të ndalet me famijen e tij edhe tek Plazhi i Gjeneralit: “Disa miq shqiptarë më kanë sjellë këtu para 4 vitesh për herë të parë. Më pëlqeu dhe sivjet kam ardhur me familjen. Është bukur. Është pak si mjedis fshati këtu, akoma pak i egër. Për këtë më pëlqeu, megjithatë ka edhe disa shërbime.”

Një breg i vogël prej rreth 400 metrash ky plazh, e megjithatë ka shumë për t’i ofruar pushuesve: “Ka qetësi dhe uji është i pastër këtu. Natyra është e bukur dhe është i përshtatshëm për një pushim familjar.”

Intrigon shumë ky plazh edhe me historinë, traditat vendase dhe toponimin që mban.

“Kemi dëgjuar që një gjeneral italian e ka përdorur dhe për këtë arsye ka marrë këtë emër. Për ne është interesante edhe se kalojnë disa fshatra dhe ne shohim si jetojnë fsahatarët e Shqipërisë”, thotë një pushues nga Kosova, transmeton TCH.

Për këdo që dëshiron të vizitojë këtë plazh, distanca deri këtu është 12 kilometra nga rruga kryesore në Kavajë. Infrastruktura rrugore lë për të dëshiruar, megjithatë ja vlen të sakrifikosh për pak qetësi.

“Është pak i izoluar, duhet të vish me ushqime nga shtëpia, por është pastër, është këndshëm”, shprehet një pushuese.

Me disa masa modeste edhe komuna është përpjekur tu vijë në ndihmë pushuesve që zgjedhin këtë plazh të vetmuar. Komuna ndihmon në mirëmbajtjen e rrugës dhe mundëson praninë e forcave të rendit edhe të një mjeku.

Plazhi është joshës edhe për një fakt. Ka një respekt për natyrën dhe anon nga plazhet familjare që ofron qetësi e ndryshon nga shumë plazhe të tjera.

Përtej detit kristal dhe bregut ranor, është panorama e këtij plazhi ajo që të jep një ndjesi të plotë qetësie dhe shplodhjeje, çka i jep kuptimin e plotë pushimeve.

Më Shumë

Abrashi: Escobar i ka premtuar Bërnabiqit se do ta detyrojë Kosovën ta diskutojë Asociacionin

Deputeti i Lëvizjes Vetëvendosje, Artan Abrashi, ka thënë se takimi i datës 31 janar në Ambasadën Amerikane në Prishtinë ku do të diskutohet për...

Mesazhi i eurodeputetëve për Serbinë: Nëse s’e pranoni marrëveshjen me Kosovën, do të bëheni si Irani i Evropës

Deputetët e Parlamentit Evropian ua kanë bërë të qartë homologëve të tyre në Parlamentin e Serbisë se çfarë mund të ndodhë nëse Serbia nuk...

Lajmet e Fundit