Sot në qytetin e Prizrenit vjen TEDxPrizren, eventi i pavarur i TED që pos Prishtinës tani zë vend edhe në qytetin e bukur të Prizrenit.
Eventi mbahet sot ndërsa janë gjithsej shtatë fjalime të cilat do të mbahen. Shpresa Xhakli do të jetë e para që hapë maratonën e folësve, e që sjellë përvojën e saj edhe personale mbi personat me autizëm.
Mike Dusi do të flasë mbi “Gold Rush Pictures”.
Ardian Gojani është profesor i fizikës dhe shkencëtar, ndërsa Flamur Gashi është analist e humanist. Folësit tjetër në TEDxPrizren janë mjekja Ajtene Krasniqi, arkitekti Visar Geci dhe Fitim Uka – psikolog që studion intelegjencën e fëmijëve.
Ky është edicioni i parë i TEDxPrizren, ndërsa TEDxPrishtina dhe TEDxPrishtinaWomen po ashtu mbahen në kuadër të eventeve të pavarura të TED.
TED është organizatë joprofitabile e cila përkrah shpërndarjen e ideve që ndryshojnë shoqërinë.