7.8 C
Prizren
E hënë, 26 Shkurt, 2024

Totaj pret në takim ministren Kumbaro: Prizreni ka nevojë të ketë vizitorë nga Shqipëria

Kryetari i Prizrenit, Shaqir Totaj, priti sot në takim ministren e Turizmit dhe Mjedisit të Shqipërisë, Mirela Kumbaro, ku diskutuan për thellimin e bashkëpunimit në fushën e turizmit në të dyja vendet.

Me këtë rast, Kryetari Totaj u shpreh se Prizreni ka nevojë të ketë vizitorë nga Shqipëria, që nxënësit shqiptarë të mund ta vizitojnë qytetin muze dhe t’i shohin nga afër monumentet historike e kulturore si dhe ta sodisin natyrën e pasur të Komunës së Prizrenit.

Totaj, gjithashtu potencoi se zhvillimi i turizmit do të thotë, të kemi edhe zhvillim ekonomik në përgjithësi, shtim të kapaciteteve në vend, rritje të punësimit dhe shkëmbim të përvojave.

E në prag të fillimit të sezonit veror në Shqipëri, Ministrja Kumbaro, falënderoi Kryetarin e Prizrenit për takimin përmbajtësor dhe premtoi se ofrimi i cëlësisë së shërbimeve në rivierën shqiptare, vazhdon të jetë prioritet i institucioneve të Shqipërisë.

Kryetari Totaj, gjithashtu përmendi se përveç qytetit të Prizrenit, tashmë për vizitorët, në hartën turistike, janë futur edhe malet në afërsi, Prevalla dhe Brezovica./PrizrenPress.com/

Më Shumë

57 vjet nga lindja e Kurt Cobain, artisti që akoma i reziston kohës

57 vjet nga lindja e Kurt Cobain, ndikimi dhe popullariteti i të cilit nuk ka humbur aspak, përkundër që kanë kaluar disa vite që...

Hajni i hyri në shtëpi zyrtarit të AKI-së, i vodhi armën dhe dokumente personale

Shtëpia e një zyrtari të Agjencisë së Kosovës për Inteligjencë ka qenë cak i një vjedhjeje në Prizren. Nga burimet e Klankosova.tv, mësohet se atij...

Lajmet e Fundit