Kryetari i Komunës së Rahovecit, Smajl Latifi, ishte i ftuar në emisionin e mëngjesit në Kanal10 ku ka treguar se si po qëndron kjo komunë gjatë periudhës së pandemisë.
Latifi tha se që nga fillimi i pandemisë janë regjistruar gjithësej 137 raste, prej tyre 30 raste aktive, ndërsa numri i viktimave nga covid 19 ka shkuar në 21, shkruan kanal10.live
Ky numër i madh i vdekjeve e ka shqetësuar kryetarin e kësaj komnune.
“Ne i kemi evidentuar dhe kemi nderrmarrë disa masa dhe veprime për ti plotësuar rekomandimet nga IKPSHK mirëpo 86 i kemi të sheruar, numri i rasteve me fatalitet kuptohet që kanë pasur edhe sëmundje shoqëruese është jo i vogël” tha kryetari.
Ai shtoi se, pandemia ka ndikuar në sektorin e bujqësisë duke i shkaktuar kështu humbje të mëdha në këtë fushë.
Të hyra të dobëta ka pasur në Komunen e Rahovecit duke filluar nga muajt prill, maj e qershor.
Edhe mungesa e mërgimtarëve gjatë sezonës së verës ka ndikuar që të kenë humbje të të ardhurat në këtë komunë.
“Është një numër tëpër i vogël i mergtimtarëve që kanë arritur të vijnë në vendlindjet e tyre dhe kjo po ndikon shumë. Është një humbje e madhe edhe për komunën tonë edhe për Kosoven mungesa e mërgimtarëve” shtoi Latifi.
